Tónlistarskóli Kópavogs

Úr aðalnámskrá tónlistarskóla:

Mennta- og menningarhlutverk tónlistarskóla er að

efla íslenska tónmenningu og beita sér fyrir varðveislu tónlistararfs þjóðarinnar

Ferð strengjasveitar til Færeyja

Helgina 26.-29. mars 2004 fór ein strengjasveita skólans, ásamt tveimur þverflautunemendum, í stutta tónleikaferð til Klakksvíkur og Þórshafnar í Færeyjum. Ferðin, sem var skipulögð í samstarfi við tónlistarskólana í Klakksvík og Þórshöfn, tókst einstaklega vel, en hópurinn hélt tvenna tónleika, í Christianskirkjunni í Klakksvík og Norðurlandahúsinu í Þórshöfn. Hér að neðan eru nokkrar ljósmyndir sem teknar voru í ferðinni.

Færeyjafarar: Unnur Vala Jónsdóttir (foreldri), Skúli Þór Jónasson (selló), Unnur Pálsdóttir (stjórnandi strengjasveitar), Páll Palomares (fiðla), Sunneva Jóhannsdóttir (fiðla), Þorkell Sigfússon (selló), Þórdís Björt Sigþórsdóttir (fiðla), Viktor Orri Árnason (fiðla), Steinunn Jónsdóttir (víóla), Sólveig Halldórsdóttir (fiðla), Sólveig Anna Jónsdóttir (píanó- og semballeikari), Unnur G. Norðdahl (víóla), Soffía Sigurðardóttir (þverflauta), Örn Ýmir Arason (kontrabassi), Elín Ásta Ólafsdóttir (fiðla), Hlín Finnsdóttir (þverflauta) og Kristín Stefánsdóttir (fararstjóri).

Búið var um hljóðfærin í sérstökum kössum, en á flugvellinum í Færeyjum kom í ljós að þeir voru of stórir fyrir farangurshólf rútunnar.

Frá æfingu í Christianskirkjunni í Klakksvík. Hlín Finnsdóttir og Soffía Sigurðardóttir léku flautukonsert eftir Vivaldi með strengjasveitinni.

Skúli Þór Jónasson lék sónötukafla eftir Breval (myndin er frá æfingu).

Að loknum tónleikunum í Klakksvík var opið hús í tónlistarskólanum.

Stelpurnar í strengjasveitinni

Sólveigu Önnu gafst eitt tækifæri til að nota regnhlífina.

Myndin er tekin í Norðurlandahúsinu í Þórshöfn á æfingu með strengjasveit tónlistarskólans í Þórshöfn.

Frá æfingu strengjasveitanna í Norðurlandahúsinu.

Hlín Finnsdóttir lék fantasíu fyrir einleiksflautu eftir Telemann.

Viktor Orri Árnason og Sólveig Anna Jónsdóttir fluttu Rómönsu eftir Beethoven.

Soffía Sigurðardóttir og Sólveig Anna Jónsdóttir fluttu sónötukafla eftir Reinecke.

Páll Palomares ásamt Sólveigu Önnu við flutning á Czárdás eftir Monti.

Í lok tónleikanna í Norðurlandahúsinu léku strengjasveitir tónlistaskólanna í Kópavogi og Þórshöfn Veturinn úr Árstíðunum eftir Vivaldi og fyrsta þáttinn úr Eine kleine Nachtmusik eftir W.A. Mozart.

Að loknum tónleikum í Norðurlandahúsinu var boðið upp á pizzur og djús í tónlistarskólanum í Þórshöfn.

Strákarnir í strengjasveitinni og stjórnandinn.

Síðasta dag ferðarinnar var ekið um Straumey og Austurey og meðal annars komið við í Gjógv á Austurey þar sem þessar myndir voru teknar.