Samleikur og samsöngur

Í aðalnámskrá tónlistarskóla er lögð mikil áhersla að nemendur öðlist reynslu af samleik á tónlistarnámi sínu, enda er samleikur og samsöngur mikilsverður vettvangur til að þjálfa nemendur, víkka sjóndeildarhring þeirra, þroska tónlistarsmekk og auka þekkingu nemenda á fjölbreytilegum tónbókmenntum umfram það sem unnt er að gera í annarri kennslu innan skólans. Auk þess hefur samleikur og samsöngur ótvírætt félagslegt gildi.

Í Tónlistarskóla Kópavogs er lögð mikil áhersla á að allri nemendur öðlist reynslu af samleik, ýmist undir handleiðslu sérstakra kennara í kammertónlist, með þátttöku í hljómsveitarstarfi eða öðru reglubundnu samspili. Einnig skipuleggja og leiðbeina kennarar sínum nemendum í samleik eftir því sem aðstæður leyfa. Sérstaklega er leitast við að gefa vinum tækifæri til að spila saman.

Einnig er lögð áhersla á óperuflutning með þátttöku nemenda, allt frá grunnnámi. Í gegnum árin hefur að jafnaði verið sett upp ein nemendasýning árlega. Á undanförnum árum hafa þessar sýningar verið settar upp:

1993  Barnaóperan Hans og Gréta eftir Engelbert Humperdinck
1996  Hin fyrstu jól eftir Michael Hurd
1999  Briddsleikararnir eftir Samuel Barber
2000  Batnandi byttu er best að lifa eftir Christoph W. Gluck
2000  Dómarinn táldregni eftir Christoph W. Gluck
2001  Bastían og Bastíana eftir Wolfgang Amadeus Mozart
2001  Fræðimaður á faraldsfæti eftir Gustav Holst
2001  Hin fyrstu jól eftir Michael Hurd
2002  The Telephone eftir Gian Carlo Menotti
2002  West Side Story eftir Leonard Bernstein
2003  Orfeo eftir Claudio Monteverdi
2004  Amelía fer á ball eftir Gian Carlo Menotti
2005  Töfraflautan eftir Wolfgang Amadeus Mozart
2006  Bastían og Bastíana eftir Wolfgang Amadeus Mozart
2006  Sápuóperan Brostnar vonir eftir Douglas Moore
2006  Leikhússtjórinn eftir Wolfgang Amadeus Mozart
2007  Acis and Galatea eftir Georg Friedrich Händel
2008  La Canterina eftir Joseph Haydn
2009  Orfeifur og Evrídís eftir Christoph Willibald Gluck
2010  Carmen eftir George Bizet
2012  Dídó og Eneas eftir Henry Purcell
2013  Venus and Adonis eftir John Blow
2014  Tónarnir ríkja og textinn skal víkja eftir Antonio Salieri
2015  Töfraflautan eftir Wolfgang Amadeus Mozart
2016  Amahl og næturgestirnir eftir Gian Carlo Menotti
2017  Le Devin du village eftir Jean-Jacques Rousseau
2019  Brúðkaup Fígarós eftir Wolfgang Amadeus Mozart