Afmælishátíð TK 1. nóvember 2023

Þann 29. maí var Tónlistarskóla Kópavogs slitið í sextugasta sinn og lauk þar með viðburðaríku afmælisári. Það hófst formlega með hátíðarsamkomu í Salnum þann 1. nóvember, en þann dag voru 60 ár liðin frá því skólinn tók til starfa. Dagskráin samanstóð af tónlistarflutningi kennara og nemenda, núverandi og fyrrverandi, og svipmyndir voru sýndar úr sögu skólans. Guðríður Helgadóttir, formaður stjórnar Tónlistarskólans stýrði samkomunni og ávörp fluttu Árni Harðarson, skólastjóri, og Ásdís Kristjánsdóttir, bæjarstjóri, sem færði skólanum afmælisgjöf fyrir hönd bæjarstjórnar.

Hér að neðan má sjá ljósmyndir Jóns Svavarssonar frá hátíðarsamkomunni.

 

Flautukór TK, stjórnandi Pamela De Sensi.

Hrafnhildur Davíðsdóttir, nemandi í píanóleik, lék Meditation op. 72 nr. 5 eftir Tchaikovsky.

Ásgerður Sara Hálfdanardóttir, nemandi í píanóleik, lék Prelúdíu í g-moll op. 23 nr. 5 eftir Rachmaninoff.

Kennarar TK, Guðrún Jóhanna Ólafsdóttir, Chrissie Telma Guðmundsdóttir, Rúnar Óskarsson, Þórir Jóhannsson og Helga Bryndís Magnúsdóttir fluttu Úr Hulduljóðum eftir Atla Heimi Sveinsson.

Bryndís Guðjónsdóttir, sópransöngvari og fyrrverandi nemandi, Pamela De Sensi, kennari, Guðríður St. Sigurðardóttir, kennari, fluttu Næturgalann eftir Alyabyev.

Páll Palomares, fiðluleikari og fyrrverandi nemandi, Pamela De Sensi, kennari, Helga Bryndís Magnúsdóttir, kennari, fluttu La vita breve, spænskan dans, eftir Manuel de Falla.

Guðríður Helgadóttir, formaður stjórnar TK.

Árni Harðarson skólastjóri.

Ásdís Kristjánsdóttir, bæjarstjóri, flutti ávarp og afhenti afmælisgjöf.