Afmæli 1. nóvember 2003

Laugardaginn 1. nóvember 2003 voru liðin 40 ár frá því Tónlistarskóli Kópavogs tók til starfa. Í tilefni dagsins var komið saman í Salnum, Tónlistarhúsi Kópavogs. Hér að neðan eru nokkrar ljósmyndir frá samkomunni sem Arnaldur Halldórsson tók.

 

Fjöldi fyrrverandi og núverandi starfsmanna og aðrir velunnar skólans sóttu hátíðarsamkomuna.

Hanna Björt Kristjánsdóttir og Iðunn Björk Ragnarsdóttir léku á tvær hörpur. Eyrún Ósk Ingólfsdóttir og Krystyna Cortes fluttu m.a. aríu næturdrottningarinnar eftir W. A. Mozart.

Páll Palomares og Nína Margrét Grímsdóttir fluttu kafla úr sónötu fyrir fiðlu og píanó eftir Ludwig van Beethoven. Hákon Sigurgrímsson, formaður stjórnar skólans, flutti ávarp.

Í tilefni dagsins var skólanum afhent gjafabréf til kaupa á sembal að gjöf frá Kópavogsbæ. Mun hljóðfærið verða sameign skólans og Salarins. Hákon Sigurgrímsson tók við gjafabréfinu úr hendi Gunnars I. Birgissonar, formanns bæjarráðs. Árni Harðarson, skólastjóri, stýrði dagskránni.

Vefur Tónlistarskóla Kópavogs var opnaður af Sigurði Geirdal, bæjarstjóra í Kópavogi og skólastjórnendur kynntu efni hans í meginatriðum.

Árni Harðarson, skólastjóri, afhenti Runólfi Þórðarsyni, verkfræðingi og fyrrverandi formanni Tónlistarfélags Kópavogs, listaverkagjöf frá skólanum. Runólfur starfaði sem formaður félagsins og um leið formaður skólanefndar Tónlistarskólans í yfir þrjá áratugi, eða frá 1970 til 2001. Var rekstur skólans meginverkefni félagsins, allt þar sú breyting var gerð á rekstrarformi skólans að hann var gerður að sjálfseignarstofnun árið 2001.

Ingvar Jónasson var formaður bráðabirgðastjórnar Tónlistarfélags Kópavogs. Var hlutverk stjórnarinnar að semja frumvarp að lögum fyrir félagið og skólann. Ingvar sést hér á miðri mynd. Guðmundur Árnason var fyrsti formaður Tónlistarfélagsins og jafnframt fyrsti formaður stjórnar skólans. Hann er hér fyrir miðri mynd.

Sigurður Geirdal, bæjarstjóri, á tali við Gunnar Birgisson, formann bæjarráðs. Frá vinstri: Anna Málfríður Sigurðardóttir, Sigrún Guðmundsdóttir og Anna Sigríður Björnsdóttir.

Frá vinstri: Anna Rún Atladóttir, Helga Ingólfsdóttir og Elísabet Erlingsdóttir. Skólastjóri og formaður stjórnar skólans á tali við Björn Þorsteinsson, framkvæmdastjóra Fræðslu- og meningarsviðs Kópavogs.

Jónas Ingmundarson og Vigfús Ingvarsson. Fjölnir Stefánsson og Anne-Marie Markan.