Myndir frá fyrri tíð

Á þessari síðu er að finna nokkrar myndir úr skólastarfinu frá fyrri árum. Myndatexti var settur saman í tilefni af afmælishátíð skólans vorið 2003.

 

Vel mætt á tónleika. Myndin er tekin árið 1968 og er eftirtektarvert hversu vel tónleikagestir sýna hljóðfæraleikurum mikla virðingu með því að klæða sig vel.

Prúðbúnir fiðluleikarar, stúlkur í kjólum og drengir í jakkafötum.

Hópur píanónemenda árið 1968. Takið eftir stúlkunni lengst til hægri í aftari röð, hún heitir Margrét Hansdóttir og kennir nú píanóleik við skólann. Drengurinn í ljósu peysunni í fremri röð fyrir miðju ætti einnig að þekkjast því þar er hann Árni Harðarson núverandi skólastjóri.

Kennarar og skólastjóri skólaárið 1969-1970. Standandi frá vinstri: Kristinn Gestsson, yfirkennari, Margrét Dannheim, Fjölnir Stefánsson, skólastjóri, Rut Ingólfsdóttir, Helga Helgadóttir, Eyþór Þorláksson, Páll Gröndal og Jón Sigurðsson. Fyrir framan sitja: Margrét Eiríksdóttir, Hanna Guðjónsdóttir, Anna Hansen og Elísabet Erlingsdóttir.

Rut Ingólfsdóttir fylgist vel með fiðluleik nemenda síns, Ásdísar Kristinsdóttur, og hefur fiðluna sína til taks ef þurfa þykir. Myndin er tekin árið 1971. Hanna Guðjónsdóttir kennir ungum nemanda og er greinilega ánægð með árangurinn. Myndin er tekin skólaárið 1971-1972.

Kór tónlistarskólans ásamt stjórnanda sínum, Margréti Dannheim. Myndin er tekin 1973.

Kristinn Gestsson, fyrrverandi yfirkennari, leiðbeinir Árna Harðarsyni, núverandi skólasjóra. Hilmar Þórðarson, núverandi tölvutónlistarkennari skólans, lærir trompetleik hjá Jóni Hjaltasyni. Myndin er tekin skólaárið 1971-1972.

Sigrún Andrésdóttir annast meðleik hjá fiðlunemanda í kennslutíma árið 1981. Verkið er greinilega á svörtu nótunum. Elísabet Erlingsdóttir ásamt söngnemanda sínum, Ólöfu Kolbrúnu Harðardóttur. Ólöf Kolbrún var fyrsti nemandinn sem lauk burtfararprófi frá skólanum. Það var árið 1973. Einbeittir sellóleikarar á æfingu hljómsveitar skólans árið 1975. Fremst á myndinni er Örnólfur Kristjánsson sem nú er starfandi sellóleikari.

Einbeittir klarínettuleikarar undir ábyrgri stjórn Óskars Ingólfssonar. Fjölnir Stefánsson, stjórnandi skólans frá 1968-2000, á skrifstofu sinni í "gamla skólanum" Hamraborg 11.

Anna Chr. Hansen útskýrir galdur gítarsins fyrir áhugasömum nemanda. Ragnheiður Þorsteinsdóttir handleikur fiðluna á æfingu hljómsveitar skólans árið 1975.