Burtfarartónleikar Páls Palomares, fiðluleikara

Miðvikudaginn 16. mars 2005 hélt Páll Palomares, fiðluleikari, burtfarartónleika frá Tónlistarskóla Kópavogs í Salnum, Tónlistarhúsi Kópavogs. Með Páli á tónleikunum lék Nína Margrét Grímsdóttir, píanóleikari. Salurinn var þétt setinn á tónleikunum og frammistaða Páls einkar glæsileg. Á efnisskrá burtfarartónleikanna voru verk eftir Wolfgang Amadeus Mozart, César Franck, Giuseppe Tartini og Eugene Ysaÿe, auk þess sem þau fluttu Polonaise de Concert op. 4 eftir Wieniawski sem aukalag. Ljósmyndirnar hér að neðan tók Kristín Bogadóttir.

 

Páll og Margrét Kristjánsdóttir, kennari hans, að loknum tónleikum.