Úr aðalnámskrá tónlistarskóla:

Mennta- og menningarhlutverk tónlistarskóla er að

5. apríl 2005

Burtfarartónleikar Soffíu Sigurðardóttur, flautuleikara

Föstudaginn 8. apríl kl. 18.00 heldur Soffía Sigurðardóttir, flautuleikari, burtfarartónleika frá Tónlistarskóla Kópavogs í Salnum, Tónlistarhúsi Kópavogs. Með Soffíu á tónleikunum leikur Ingunn Hildur Hauksdóttir, píanóleikari.

Soffía er tvítugur Kópavogsbúi og byrjaði að læra á flautu í Skólahljómsveit Kópavogs 8 ára gömul, þar sem aðalkennari hennar var Kristrún Helga Björnsdóttir, en 16 ára gömul flutti hún sig yfir í Tónlistarskóla Kópavogs og hefur lært þar bæði hjá Martial Nardeau og núverandi kennara sínum, Guðrúnu Birgisdóttur. Í fyrrasumar fór hún á masterklass-námskeið í Nice í Frakklandi og sótti tíma hjá þeim Davide Formisano og Vincent Lucas. Soffía hefur oft komið fram á nemendatónleikum tónlistarskólans og fór m.a. sem einleikari með strengjasveit skólans í tónleikaferð til Færeyja vorið 2004.

Síðustu tvö ár hefur Soffía kennt á flautu í Skólahljómsveit Kópavogs. Hún lýkur stúdentsprófi frá Verzlunarskóla Íslands nú í vor.

Á efnisskrá burtfarartónleikanna eru verk eftir J. S .Bach, Fauré, Martinu og Atla Heimi Sveinsson. Aðgangur að tónleikunum er ókeypis og eru allir velkomnir meðan húsrúm leyfir

Efnisskrá

• Johann Sebastian Bach
  Sónata í h-moll
  - Andante
  - Largo e dolce
  - Presto
   
• Gabriel Fauré
  Fantasía
  - Andantino
  - Allegro
   
  Hlé
   
• Atli Heimir Sveinsson
  Tónamínútur
  - Barnatónar
  - Fuglatónar
  - Fiskatónar
  - Regntónar
  - Tónatónar
   
• Bohuslav Martinu
  Sónata
  - Allegro Moderato
  - Adagio
  - Allegro poco Moderato

[ Til baka á Forsíðu ]