Úr aðalnámskrá tónlistarskóla:

Mennta- og menningarhlutverk tónlistarskóla er að

1. júní 2008

Söngdeild flytur gamanóperu í Salnum

Gamanóperan La Canterina eftir J. Haydn verður flutt í Salnum miðvikudaginn 4. júní kl. 18.00 að loknum skólaslitum og fimmtudaginn 5. júní kl. 20.00. Flutningurinn tekur 40 mínútur og aðgangur er ókeypis á meðan húsrúm leyfir. Leikstjórn er í höndum Önnu Júlíönu Sveinsdóttur, söngkennara skólans, og píanóleik annast Krystyna Cortes.

Joseph Haydn samdi gamanóperuna La Canterina (Söngkonan) árið 1767 þegar hann var í þjónustu Esterhazy fjölskyldunnar. Ekki er vitað hver samdi textann en hann fjallar á gamansaman hátt um söngkonuna Gasparinu sem ásamt aðstoðarkonu sinni, Apolloníu reynir að ná endum saman. Tónlistarstjórinn Don Pelagio er hrifinn af Gasparinu og útvegar henni húsaskjól. Dag nokkurn uppgötvar hann að aðalsmaðurinn Don Ettore gerir sér dælt við Gasparinu og allt fer í bál og brand. Don Pelagio vísar báðum konunum á dyr en Gasparínu tekst með klókindum að breyta örlögunum sér í hag og báðir herrarnir gefa henni gull og gersemar.

Flytjendur:
Don Pelagio: Ragnar Ólafsson
Gasparina: Ragnheiður Sara Grímsdóttir
Apollonia: Elva Lind Þorsteinsdóttir
Don Ettore: Elín Arna Aspelund