Úr aðalnámskrá tónlistarskóla:

Mennta- og menningarhlutverk tónlistarskóla er að

27. apríl 2010

Söngdeild flytur óperuna Carmen

Söngdeild Tónlistarskóla Kópavogs mun flytja óperuna Carmen eftir Georges Bizet í Salnum, fimmtudaginn 29. apríl og sunnudaginn 2. júní kl. 20.00. Leikstjórn er í höndum Önnu Júlíönu Sveinsdóttur, söngkennara skólans, en píanóleik annast Krystyna Cortes. Aðgangur er ókeypis á meðan húsrúm leyfir.

Frumsýning frægustu óperu heims, Carmen eftir Frakkann Georges Bizet (1838-1875) í Opéra-Comique leikhúsinu í París árið 1875, var fordæmd og féll. Bizet lést langt um aldur fram þremur mánuðum síðar og fékk ekki að njóta þeirrar alþjóðlegu frægðar sem hann öðlaðist eftir að Carmen var aftur sett á svið í Vín fjórum mánuðum eftir fráfall hans. Bizet kom aldrei til Spánar en fáum tónskáldum hefur tekist jafnvel að tónmála þjóðlegar spænskar hefðir og tíðarhætti.

Flytjendur:

Carmen:		Elín Arna Aspelund
Liðþjálfinn Don José:		Hilmir Freyr Jónsson
Nautabaninn Escamillo:		Sigurjón Örn Böðvarsson
Mikaela:		Elva Lind Þorsteinsdóttir.
Yfirforinginn Zuniga:		Alexander Jarl Ríkharðsson
Fraskíta:		Anna Guðrún Jónsdóttir
Mersedes:		Bryndís Guðjónsdóttir
Liðsforinginn Morales:		Aron Steinn Ásbjarnarson
Smyglaraforinginn Dancairo:		Páll Óskar Karlsson
Smyglarinn Remendado:		Aaron Palomares
Sígarettugerðarstúlkur:		Anna Margrét Gunnarsdóttir, Kristín Guðlaugsdóttir, Sunna Halldórsdóttir, Tinna Jóhanna Magnusson, Una Björg Jóhannsdóttir, Vera Sjöfn Ólafsdóttir
Börn:		Aðalsteinn Kjartan Stefánsson, Andrés Daníel Helgason, Allan Fernando Helgason, Hinrik Snær Guðmundsson, Rosmary Hjartardóttir
Hermenn:		Aaron Palomares, Björn Þorleifsson, Páll Óskar Karlsson
Sölustúlkur og sölumenn:		Anna Margrét, Gunnarsdóttir, Aaron Palomares, Aron Steinn Ásbjarnarson,Björn Þorleifsson, Hugrún Hanna Stefánsdóttir, Kristín Guðlaugsdóttir, Páll Óskar Karlsson, Tinna Jóhanna Magnusson, Sunna Halldórsdóttir, Una Björg Jóhannsdóttir, Vera Sjöfn Ólafsdóttir
Sígaunar:		Aaron Steinn Ásbjarnarson, Björn Þorleifsson, Anna Margrét Gunnarsdóttir, Tinna Jóhanna Magnusson, Vera Sjöfn Ólafsdóttir, Páll Óskar Karlsson
Trompetleikarar:		Auður Guðjónsdóttir, Stefanía Eysteinsdóttir

Stuðst er að mestu leyti við þýðingu Þorsteins Valdimarssonar.

Söguþráður:

Sagan, sem er byggð á handriti af skáldsögu eftir Prosper Mérémee, gerist um 1820 í Sevilju og nálægu fjalllendi á Spáni.

Torg í Sevilju, þar er herskáli og sígarettuverksmiðja. Hermennirnir mæta á vakt og Mikaela, spyr eftir liðþjálfanum Don José en finnur hann ekki og fer. Sígarettustúkur birtast og ein þeirra, Carmen syngur habaneru og hendir blómi til Don José. Mikaela snýr aftur og færir honum bréf frá móður hans. Carmen kemur af stað slagsmálum í sígarettuverksmiðjunni og yfirherforinginn Zuniga lætur handtaka hana og felur Don José að gæta hennar. Carmen syngur seguidillu og heillar Don José sem losar böndin af höndum hennar. Hún hleypur á brott og fyrir það er Don José fangelsaður.

Carmen, hermenn og vinir hennar skemmta sér og dansa á útikrá. Nautabaninn Escamillo birtist og fagnaðarsöngur brýst út. Escamillo heillast af Carmen og heldur á brott. Smyglararnir Dancairo og Remendado vilja fá Carmen, Fraskítu og Mersedes með sér upp á fjöll til að ná í dýrmætan smyglvarning frá Gíbraltar. Fraskíta og Mersedes eru til í tuskið en Carmen neitar að fara með þeim af því að hún er orðin ástfangin. Söngur Don José, sem er laus úr prísundinni, heyrist í fjarska og smyglararnir og vinkonurnar láta sig hverfa. Carmen sýnir ýmist vald sitt eða daðrar við Don José til að fá hann með í smyglferðina. Með dansi og kastanjettuleik lætur hann næstum að vilja hennar en sýnir mótþróa þegar kallað er til herþjónustu. Yfirherforinginn Zuniga sem er líka skotinn í Carmen birtist en verður reiður þegar hann sér Don José. Þeir berjast en sígaunarnir birtast og binda enda á áflogin. Don José, sem óhlýðnaðist yfirmanni sínum, sér þann kost vænstan að slást í för með smyglurunum og Zuniga, sem er spilltur yfirforingi, gerir það líka. Annar þáttur endar með fjöldasöngnum "Já, fylg oss á braut upp til fjalla".

Sögustaður er upp til fjalla. Carmen er orðin leið á Don José og hann sér eftir að hafa svikið loforð sitt um að kvænast Mikaelu. Carmen spáir í spil ásamt vinkonum sínum, Fraskítu og Mersedes og sér fyrir dauða sinn. Mikaela hefur veitt smyglurunum eftirför í von um að hitta Don José og syngur fræga aríu þegar hún finnur samastað þeirra. Don José var falið að standa vörð á meðan smyglararnir sóttu ránsfeng sinn og léku á tollverðina en Escamillo kemur þangað og þeir berjast um Carmen. Sígaunarnir og smyglararnir birtast og bjarga Escamillo sem býður öllum á nautaat í Selvilju. Remendado kemur auga á Mikaelu sem er í felum og hún segir Don José að móðir hann sé að deyja. Hann ákveður að fara með henni en hótar Carmen sem er hugfangin af Escamillo.

Fjórði þáttur gerist í Sevilju. Escamillo í fylgd Carmenar er á leið að heyja nautaat. Fraskíta og Mersedes vara Carmen við og segja að Don José sé kominn til Sevilju. Þau hittast og Carmen neitar að snúa aftur til hans. Á meðan áhorfendur fagna sigri nautabanans drepur hinn afbrýðisami Don José Carmen.