Tónlistarskóli Kópavogs


	Úr aðalnámskrá tónlistarskóla: Mennta- og menningarhlutverk tónlistarskóla er að
	-	veita öllum, sem þess æskja, færi á að kynnast tónlistarnámi af eigin raun
	-	skapa nemendum tækifæri til tónlistarflutnings, jafnt innan skóla sem utan

FORSÍÐA

Fréttir 2010

21. desember 2010

Jólaleyfi

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans gleðilegra jóla og farsæls nýs árs og þakkar samstarfið á árinu. Skrifstofa skólans verður lokuð í jólaleyfi en opnar aftur þriðjudaginn 4. janúar 2011. Kennsla að loknu jólaleyfi hefst samkvæmt stundaskrá þann dag.

12. desember 2010

Aðventutónleikar í þessari viku

Í þessari viku og fram yfir næstu helgi verður mikið um að vera í skólanum. Ýmsir kennarar eru með jólasamspil eða tónleika með sínum nemendum. Auk þess eru eftirfarandi aðventutónleikar á dagskrá.

Þessir tónleikar í Salnum:

Mánudaginn 13. desember kl. 18:00 leika strengjasveit II undir stjórn Ásdísar Hildar Runólfsdóttur og og blásarasveit undir stjórn Jóns Halldórs Finnssonar.
Mánudaginn 13. desember kl. 19:00 munu nemendur leika á ýmis hljóðfæri.
Mánudaginn 13. desember kl. 20:00 leika nemendur á blokkflautu, óbó og þverflautu samleiksverk með sembal,auk þess sem leikin verða einleiksverk á sembal.
Miðvikudaginn 15. desember kl. 18:00 munu nemendur leika á ýmis hljóðfæri.
Fimmtudaginn 16. desember kl. 18:00 munu nemendur leika á ýmis hljóðfæri.
Fimmtudaginn 16. desember kl. 19:00 munu nemendur leika á ýmis hljóðfæri.

Eftirtaldir tónleikar verða í Kópavogskirkju:

Miðvikudaginn 15. desember kl. 17:10 munu Suzuki-fiðlunemendur og Suzuki-sellónemendur leika.

Aðgangur að öllum tónleikunum er ókeypis og eru allir velkomnir.

5. desember 2010

Skólatónleikar á mánudag og miðvikudag

Tvennir skólatónleikar verða haldnir í vikunni með blandaðri efnisskrá. Fyrri tónleikarnir verða mánudaginn 6. desember kl. 20 og síðari tónleikarnir verða miðvikudaginn 8. desember og hefjast þeir kl. 18:00. Aðgangur að tónleikunum er ókeypis og eru allir velkomnir.

23. nóvember 2010

Jólatónleikar forskóladeildar

Jólatónleikar forskóladeildar verða haldnir í Salnum sunnudaginn 28. nóvember kl. 10:00 og 11:15. Allir forskólanemendur koma fram á tónleikunum sem eru tvískiptir og hafa nemendur fengið upplýsingar um það hvenær þeir eiga að mæta og hvar þeir eiga að sitja. Hvorir tónleikar eru um 30 mínútna langir. Aðgangur er ókeypis og allir velkomnir.

21. nóvember 2010

Skólatónleikar á mánudag og þriðjudag

Skólatónleikar verða haldnir í Salnum, mánudaginn 22. nóvember og hefjast þeir kl. 20:00. Tvennir tónleikar verða á þriðjudaginn 23. nóvember, fyrri tónleikarnir hefjast kl. 18 en hinir síðari kl. 19:00. Efnisskrá allra tónleikanna er fjölbreytt og fram koma nemendur á ýmsum aldri. Aðgangur er ókeypis og allir velkomnir.

26. október 2010

Tvennir skólatónleikar í næstu viku

Skólatónleikar verða haldnir í Salnum þriðjudaginn 2. nóvember kl. 18:00 og kl. 19:00. Efnisskrá tónleikanna er fjölbreytt og eru allir velkomnir. Aðgangur er ókeypis.

21. október 2010

Vetrarfrí

Vakin er athygli á því að vetrarfrí verður í Tónlistarskólanum mánudaginn 25. og þriðjudaginn 26. október næstkomandi.

14. október 2010

Skólatónleikar á mánudag

Skólatónleikar verða haldnir í Salnum mánudaginn 18. október og hefjast þeir kl. 20:00. Á tónleikunum leika nemendur á fiðlu, gítar, harmoniku, píanó og víólu. Aðgangur að tónleikunum er ókeypis og eru allir velkomnir.

4. október 2010

Kynningarfundur fyrir foreldra píanónemenda

Kynningarfundur fyrir foreldra píanónemenda á 1. og 2. námsári verður haldinn í sal Tónlistarskólans á neðri hæð Safnaðarheimilis Kópavogskirkju við Hábraut þriðjudaginn 5. október nk. kl. 20-21. Farið verður yfir skipulag námsins og ýmis hagnýt atriði við upphaf píanónáms. Foreldrar eru hvattir til að mæta. Kaffi á könnunni.

4. október 2010

Fyrstu skólatónleikar starfsársins

Fyrstu skólatónleikar á þessu skólaári verða haldnir í Salnum þriðjudaginn 5. október og hefjast þeir kl. 18:00. Flutt verður píanótónlist og eru allir velkomnir. Aðgangur er ókeypis.

6. september 2010

Fyrstu tímar í tónfræðagreinum

Kennsla í tónfræðagreinum í grunn- og miðnámi hefst samkvæmt stundaskrá fimmtudaginn 9. september nk. og munu hljóðfærakennarar láta nemendur vita hvenær þeir eiga að mæta í tónfræðatíma. Nánari upplýsingar má einnig fá á skrifstofu skólans.

Kennsla í tónlistarsögu hefst þriðjudaginn 14. september kl. 17:00. Kennari er Ríkharður H. Friðriksson. Kennsla í hljómfræði og tónheyrn hefst miðvikudaginn 15. september. Arnþór Jónsson kennir tónheyrn í vetur og Atli Ingólfsson kennir hljómfræði. Nánari upplýsingar um kennslutíma í þessum tveimur greinum eru veittar á skrifstofu skólans.

18. ágúst 2010

Skólasetning

Tónlistarskóli Kópavogs verður settur í Salnum þriðjudaginn 24. ágúst kl. 17:00.

Nemendur eru beðnir um að skila stundaskrám sínum úr grunnskólum eða framhaldsskólum á skrifstofu skólans í síðasta lagi 24. ágúst.

15. júní 2010

Sumarleyfi

Skrifstofa Tónlistarskóla Kópavogs verður lokuð frá 16. júní. Opnað verður aftur mánudaginn 9. ágúst 2010.

8. júní 2010

Viðurkenningar við skólaslit

Tónlistarskóla Kópavogs var slitið mánudaginn 31. maí sl. og lauk þar með 47. starfsári skólans. Að þessu sinni luku þrír nemendur framhaldsprófi í hljóðfæraleik og fjórir til viðbótar luku hljóðfærahluta prófins. Árangur nemendanna var mjög glæsilegur og hlutu þrjú þeirra ágætiseinkunn á prófum sínum. Elín Ásta Ólafsdóttir hlaut einkunnina 9.7 í píanóleik, Gunnlaugur Björnsson, einkunnina 9.6 í gítarleik og Bryndís Pétursdóttir einkunnina 9.2 í þverflautuleik. Aðrir nemendur, Börkur Smári Kristinsson, gítarleikari, Edda María Elvarsdóttir, þverflautuleikari, Stefán Haukur Gylfason, gítarleikari og Þórdís Björt Sigþórsdóttir, fiðluleikari, fengu einnig öll góðar einkunnir á prófum sínum. Útskriftarnemendurnir, sem hér eru á myndinni ásamt kennurum sínum, tóku við prófskírteinum og viðurkenningum.

Eftirtaldir nemendur fengu viðurkenningar fyrir framúrskarandi árangur á áfangaprófum.

Hæstu grunnpróf í hljóðfæraleik:

Artiom Zusmanovich, píanó
Brimrún Óskarsdóttir, klarinett
Eydís Sylvía Einarsdóttir, básúna
Hafsteinn Rúnar Jónsson, píanó
Hugrún Óskarsdóttir, píanó
Kári Kristinn Bjarnason, klarinett
Margrét Kristín Kristjánsdóttir, píanó
Marína Herdís Jónsdóttir, þverflauta
Nína Guðrún Arnardóttir, píanó
Runólfur Bjarki Arnarson, harmonika
Sigurrós Halldórsdóttir, píanó
Sunna Ami Amenuvor, fiðla
Þóranna Dís Bender, píanó

Hæstu miðpróf í hljóðfæraleik og einsöng:

Auður Guðjónsdóttir, trompet
Elva Lind Þorsteinsdóttir, einsöngur
Lilja Brandsdóttir, píanó

Tónfræði - miðpróf

Aron Jakob Jónasson, gítar/kontrabassi

Tónfræði - grunnpróF

Guðrún Þorkelsdóttir, klarinett
Halldór Rafn Guðmundsson, píanó

29. maí 2010

Skólaslit mánudaginn 31. maí

Skólaslit og afhending einkunna verða mánudaginn 31. maí nk. og hefst athöfnin í Salnum kl. 17:00.

29. maí 2010

Burtfarartónleikar Barkar Smára Kristinssonar, gítarleikara

Sunnudaginn 30 maí nk. heldur Börkur Smári Kristinsson, gítarleikari, burtfararprófstónleika sína frá Tónlistarskóla Kópavogs sem jafnframt eru hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs og hefjast kl. 15.00. Flutt verða verk eftir J.S. Bach, F. Sor, M. Giuliani, F. Tárrega og A. Piazzolla. Meðleikari á tónleikunum er Sólveig Magnúsdóttir, þverflautuleikari. Aðgangur að tónleikunum er ókeypis og eru allir velkomnir

25. maí 2010

Burtfarartónleikar Elínar Ástu Ólafsdóttur píanóleikara

Miðvikudaginn 26. maí 2010 heldur Elín Ásta Ólafsdóttir, píanóleikari, burtfararprófstónleika sína frá Tónlistarskóla Kópavogs sem jafnframt eru lokahluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs, og hefjast kl. 20.00. Flutt verða verk eftir J.S. Bach, F. Chopin, H. Bertini, A. Copland og F. Poulanc. Meðleikari á tónleikunum er Steinunn Birna Ragnarsdóttir. Aðgangur að tónleikunum er ókeypis og eru allir velkomnir

24. maí 2010

Skólatónleikar í lok starfsárs

Þriðjudaginn 25. maí verða tvennir almennir skólatónleikar haldnir í Salnum. Fyrri tónleikarnir hefjast kl. 18:00 og hinir síðari kl. 19:00. Þar munu nemendur á ýmsum aldri leika einleiks- og samleiksverk.

Auk þess munu sex nemendur halda stutta tónleika þessa síðustu viku starfsársins. Þriðjudaginn 25. maí verða tvennir tónleikar þverflautunemenda í stofu 8 í skólahúsinu. Á fyrri tónleikunum, sem hefjast kl. 17:00, mun Kristín Hulda Kristófersdóttir koma fram og á hinum síðari, sem hefjast kl. 17:45, leikur Sólveig Magnúsdóttir. Sama dag kl. 20:00 mun Brynhildur Þóra Þórsdóttir, sellónemandi í framhaldsnámi, halda stutta tónleika í Salnum.

Miðvikudaginn 26. maí kl. 18:30 mun Oddur Vilhjálmsson, saxófónnemandi, halda stutta tónleika í safnarheimili Kópavogskirkju. Tvennir píanótónleikar verða á sama stað fimmtudaginn 27. maí. Á fyrri tónleikunum, sem hefjast kl. 17:00, leikur Harpa Dís Hákonardóttir, og á síðari tónleikunum, sem hefjast kl. 17:45, leikur Svava Berglind Finsen.

Aðgangur að öllum tónleikunum er ókeypis og eru allir velkomnir meðan húsrúm leyfir.

16. maí 2010

Burtfarartónleikar Bryndísar Pétursdóttur þverflautuleikara

Mánudaginn 17. maí nk. heldur Bryndís Pétursdóttur, þverflautuleikari, burtfararprófstónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs, og hefjast kl. 20.00. Flutt verða verk eftir J.S. Bach, Claude Debussy, Francis Poulenc og Giulio Briccaldi. Meðleikarar á tónleikunum eru Ingunn Hildur Hauksdóttir, píanóleikari, og Björgvin Birkir Björgvinsson, gítarleikari. Aðgangur að tónleikunum er ókeypis og eru allir velkomnir.

16. maí 2010

Skólatónleikar í Salnum í vikunni

Fernir almennir skólatónleikar verða haldnir í Salnum í þessari viku. Á morgun, mánudaginn 17. maí, verða haldnir skólatónleikar kl. 18:00. Þriðjudaginn 18. maí verða tónleikar kl. 18:00 og miðvikudaginn 19. maí verða tónleikar kl. 18:00 og 20:00.

Einnig munu þrír nemendur í framhaldsnámi halda stutta tónleika i vikunni. Á morgun, mánudaginn 17. maí, verða tvennir stuttir tónleikar í Salnum. Á fyrri tónleikunum, sem hefjast kl. 16:30, mun Hörður Ingi Gunnarsson leika á óbó. Síðari tónleikarnir hefjast kl. 17:00 og á þeim leikur Stefán Ólafur Ólafsson á klarínettu og fagott. Á miðvikudaginn 19. maí leikur Eva Hrund Hlynsdóttir á fiðlu á tónleikum kl. 19.00. Meðleikarar nemendanna á píanó eru Sólveig Anna Jónsdóttir og Steinunn Birna Ragnarsdóttir.

Aðgangur að tónleikunum er ókeypis og allir eru velkomnir.

9. maí 2010

Vorvindar glaðir á Kópavogsdögum

Kl. 20:00 miðvikudagskvöldið 12. maí næstkomandi verða haldnir tónleikar í nýja safnaðarheimilinu Borgum við Hábraut. Þetta er í fyrsta sinn sem þar eru haldnir tónleikar með kammertónlist. Þar kemur fram Kammertríó Kópavogs skipað Peter Máté píanóleikara og flautuleikurunum Guðrúnu Birgisdóttur og Martial Nardeau. Á efnisskrá tónleikanna eru verk eftir Loeillet, Fauré, Schubert, Dvorák, Doppler og Sigfús Halldórsson. Að þessum tónleikum standa Kópavogskirkja, Kammertríóið og Tónlistarskóli Kópavogs með stuðningi Kópavogsbæjar. Tónleikarnir eru framlag þessara aðila til Kópavogsdaga.

[ Meira ]

3. maí 2010

Skólatónleikar í vikunni

Skólatónleikar verða haldnir í Salnum miðvikudaginn 5. maí kl. 18:00. Aðgangur að tónleikunum er ókeypis og eru allir velkomnir.

29. apríl 2010

Burtfarartónleikar Þórdísar Bjartar Sigþórsdóttur, fiðluleikara

Sunnudaginn 2. maí, heldur Þórdís Björt Sigþórsdóttir, fiðluleikari, burtfararprófstónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 17.00. Flutt verða verk eftir F. Fiorillo, J.S. Bach, W.A. Mozart, C. Franck og Atla Heimi Sveinsson. Meðleikari Þórdísar Bjartar á tónleikunum er Steinunn Birna Ragnarsdóttir, píanóleikari. Aðgangur að tónleikunum er ókeypis og eru allir velkomnir

29. apríl 2010

Burtfarartónleikar Stefáns Hauks Gylfasonar, gítarleikara

Sunnudaginn 2. maí, heldur Stefán Haukur Gylfason, gítarleikari, burtfararprófstónleika sína frá Tónlistarskóla Kópavogs sem jafnframt eru hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs og hefjast kl. 14.00. Flutt verða verk eftir J.S. Bach, M. Giuliani, F. Tárrega, I. Albeniz, A. Barrios Mangoré og katalónsk þjóðlög í útsetningu M. Llobert. Aðgangur að tónleikunum er ókeypis og eru allir velkomnir

27. apríl 2010

Söngdeild flytur óperuna Carmen

Söngdeild Tónlistarskóla Kópavogs mun flytja óperuna Carmen í íslenskri þýðingu í Salnum, fimmtudaginn 29. apríl og sunnudaginn 2. júní kl. 20.00. Aðeins verða þessar tvær sýningar. Leikstjórn er í höndum Önnu Júlíönu Sveinsdóttur, söngkennara skólans, en píanóleik annast Krystyna Cortes. Aðgangur er ókeypis á meðan húsrúm leyfir.

[ Meira ]

25. apríl 2010

Píanótónleikar í safnaðarheimilinu

Mánudaginn 26. apríl kl. 18.00 mun Victor Guðmundsson, píanónemandi í framhaldsnámi, halda tónleika í húsnæði tónlistarskólans í safnaðarheimili Kópavogskirkju við Hábraut. Aðgangur að tónleikunum, sem eru um 30 mínútna langir, er ókeypis og allir eru velkomnir.

25. apríl 2010

Skólatónleikar í Salnum

Skólatónleikar verða haldnir í Salnum miðvikudaginn 28. apríl, kl. 18:00. Aðgangur að tónleikunum er ókeypis og allir velkomnir.

23. apríl 2010

Vortónleikar forskóla

Laugardaginn 24. apríl verða vortónleikar forskóla haldnir í Salnum. Allir forskólanemendur koma fram, þ.m.t. þeir nemendur Kársnesskóla, Lindaskóla og Salaskóla sem stunda fornám í samvinnu við Tónlistarskólann. Tónleikarnir eru tvískiptir og verða haldnir kl. 10:00 og 11:15, en nemendur hafa fengið nánari upplýsingar um tímasetningu sinna tónleika.

18. apríl 2010

Skólatónleikar í Salnum

Skólatónleikar verða haldnir í Salnum mánudaginn 19. apríl kl. 20:00. Aðgangur að tónleikunum er ókeypis og allir velkomnir.

11. apríl 2010

Burtfarartónleikar Gunnlaugs Björnssonar, gítarleikara

Föstudaginn 16. apríl nk., heldur Gunnlaugur Björnsson, gítarleikari, burtfararprófstónleika sína frá Tónlistarskóla Kópavogs sem jafnframt eru hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Flutt verða verk eftir J.S. Bach, J. Turina, H.Villa-Lobos, Fernando Sor, Nikita Koshkin, Andrew York og Roland Dyens.

Aðgangur að tónleikunum er ókeypis og eru allir velkomnir.

11. apríl 2010

Tónleikaröð kennara: Nýlegt og grípandi

Laugardaginn 17. apríl nk. kl. 13.00 verða lokatónleikarnir í tónleikaröð kennara Tónlistarskóla Kópavogs á þessu starfsári. Flytjendur eru Agnieszka M. Panasiuk, píanóleikari, Guðrún Sigríður Birgisdóttir, flautuleikari, Pawel Panasiuk, sellóleikari, og flautunemendur úr Tónlistarskóla Kópavogs. Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

11. apríl 2010

Skólatónleikar á mánudag og þriðjudag

Tvennir skólatónleikar verða haldnir í Salnum í vikunni. Fyrri tónleikarnir verða mánudaginn 12. apríl og hefjast kl. 20:00 og seinni tónleikarnir þriðjudaginn 13. apríl kl. 18:00. Aðgangur að tónleikunum er ókeypis og eru allir velkomnir.

9. apríl 2010

Gunnlaugur Björnsson verðlaunahafi Nótunnar

Gunnlaugur Björnsson, nemandi skólans í klassískum gítarleik, varð hlutskarpastur í flokki einleikara í framhaldsnámi á lokatónleikum Nótunnar sem fram fóru í Langholtskirkju laugardaginn 27. mars. Tónleikarnir voru lokaáfangi Nótunnar - uppskeruhátíðar tónlistarskóla, sem haldin var í fyrsta skipti í ár. Á lokatónleikunum komu fram nemendur frá 24 tónlistarskólum víðs vegar af landinu og valdi dómnefnd þau atriði er þóttu skara fram úr í öllum námsstigum, grunn- mið- og framhaldsnámi. Tók Gunnlaugur við verðlaunagrip sínum úr hendi menntamálaráðherra við lokaathöfn hátíðarinnar. Skólinn óskar Gunnlaugi til hamingju með viðurkenninguna!

28. mars 2010

Páskaleyfi

Páskaleyfi hefst mánudaginn 29. mars. Kennsla að loknu páskaleyfi hefst samkvæmt stundaskrá þriðjudaginn 6. apríl.

26. mars 2010

Meistaranámskeið í klarínettuleik 27. mars

Á morgun, laugardaginn 27. mars, leiðbeinir ítalski klarinettuleikarinn Natalia Benedetti nokkrum klarínettunemendum á meistaranámskeiði. Námskeiðið fer fram fram í sal skólans í Safnaðarheimili Kársnessóknar að Hábraut 1A og er samstarfsverkefni Tónlistarskóla Kópavogs, Tónlistarskóla Hafnarfjarðar og Tónskóla Sigursveins D. Kristinssonar. Dagskráin hefst kl. 10 og stendur til hádegis.Nemendur, kennarar og annað áhugafólk er hvatt til að koma og fylgjast með.

26. mars 2010

Lokatónleikar NÓTUNNAR 27. mars

Lokatónleikar Nótunnar, uppskeruhátíðar tónlistarskóla, fara fram laugardaginn 27. mars í Langholtskirkju.
Þar koma fram nemendur tónlistarskóla úr öllum landshlutum, sem sérstakar valnefndir völdu til þátttöku á undangengnum svæðahátíðum. Nemendur í grunn- og miðnámi leika á tónleikum kl. 11 og nemendur í framhaldsnámi á tónleikum kl. 13.Lokathöfn fer fram kl. 16, þar sem Katrín Jakobsdóttir, menntamálaráðherra, og Hanna Birna Kristjánsdóttir, borgarstjóri, veita viðurkenningar og verðlaunahafar leika verk sín.

Fulltrúi Tónlistarskóla Kópavogs er Gunnlaugur Björnsson, nemendi í framhaldsnámi í gítarleik, en hann vann sér þátttökurétt á lokatónleikunum með góðri frammistöðu á svæðishátíð tónlistarskóla á höfuðborgarsvæðinu.

Nótan er samstarfsverkefni Félags tónlistarskólakennara, Félags íslenskra hljómlistarmanna og Samtaka tónlistarskólastjóra.

21. mars 2010

Tvennir skólatónleikar í vikunni

Tvennir skólatónleikar verða haldnir í Salnum mánudaginn 22. mars. Fyrri tónleikarnir hefjast kl. 18:30 og þeir síðari kl. 20:00. Efnisskrá tónleikanna er fjölbreytt og eru allir velkomnir. Aðgangur er ókeypis.

12. mars 2010

Meistaranámskeið í píanóleik 13. og 14. mars

Laugardaginn 13. mars og sunnudaginn 14. mars leiðbeinir Víkingur Heiðar Ólafsson, píanóleikari, píanónemendum á meistaranámskeiði. Fyrri daginn fer námskeiðið fram í sal Tónskóla Sigursveins D. Kristinssonar, Engjateigi 1, Reykjavík en síðari daginn í Salnum, Tónlistarhúsi Kópavogs. Námskeiðið er samstarfsverkefni Tónlistarskóla Hafnarfjarðar, Tónlistarskóla Kópavogs, Tónlistarskólans í Reykjavík og Tónskóla Sigursveins D. Kristinssonar. Dagskráin hefst kl. 9:30 báða dagana og lýkur kl. 16:30. Alls munu 15 píanónemendur leika á námskeiðinu. Píanókennarar, nemendur og annað áhugafólk er hvatt til að koma og fylgjast með en aðgangur er ókeypis.

12. mars 2010

NÓTAN - uppskeruhátíð tónlistarskóla

Tónlistarskólar á höfuðborgarsvæðinu halda sameiginlega tónleika laugardaginn 13. mars í sal FÍH, Rauðagerði 27, Reykjavík. Haldnir verða þrennir tónleikar, þeir fyrstu kl. 12:30, næstu kl. 14:00 og síðustu tónleikarnir kl. 15:30. Klukkan 16:45 verður síðan haldin stutt lokaathöfn þar sem allir þátttakendur fá viðurkenningarskjal, auk þess sem þau 12 atriði sem best þykja af tónleikum dagsins að mati valnefndar fá verðlaun og þátttökurétt í lokahátíð NÓTUNNAR laugardaginn 27. mars nk. Fulltrúi Tónlistarskóla Kópavogs verður Gunnlaugur Björnsson, gítarnemandi í framhaldsnámi, og leikur hann á tónleikunum kl. 14:00. Dagskrá allra þessara tónleika er mjög fjölbreytt og aðgangur ókeypis.

7. mars 2010

Þrennir skólatónleikar í vikunni

Tvennir skólatónleikar verða haldnir í Salnum mánudaginn 6. mars. Fyrri tónleikarnir hefjast kl. 18:30 og þeir síðari kl. 20:00. Þriðjudaginn 9. mars verða haldnir skólatónleikar sem hefjast kl. 18:00. Aðgangur að tónleikunum er ókeypis og eru allir velkomnir.

28. febrúar 2010

Hljóðfærakynning fyrir forskólanemendur

Hljóðfærakynning fyrir nemendur sem ljúka forskólanámi í vor og aðstandendur þeirra fer fram í Salnum miðvikudaginn 3. mars kl. 17.00. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

28. febrúar 2010

Tónleikaröð kennara: Ekki er allt sem sýnist

Laugardaginn 6. mars nk. kl. 13.00 verða aðrir tónleikarnir í tónleikaröð kennara Tónlistarskóla Kópavogs á þessu starfsári. Á efnisskránni eru verk eftir Giovanni Paolo Simonetti, Mel Bonis, Théodore Dubois og Daniele Zanettovich. Tónleikarnir eru um klukkustundar langir.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

28. febrúar 2010

Tvennir skólatónleikar í Salnum

Tvennir skólatónleikar verða haldnir í Salnum á morgun, mánudaginn 1. mars. Á fyrri tónleikunum, sem hefjast kl. 18:30, verður flutt píanótónlist en á síðari tónleikunum, sem byrja kl. 20:00, leika nemendur á ýmis hljóðfæri. Aðgangur að tónleikunum er ókeypis og allir velkomnir.

26. febrúar 2010

Opin æfing sunnudaginn 28. febrúar

Á sunnudag kl. 12:00 verður opin æfing í Salnum fyrir tónleika í tónleikaröðinni "Töfrahurð - barnatónleikar" sem bera yfirskriftina "Klassískt diskótek". Þar gefst áheyrendum kostur á að hjálpa til við tónlistarflutninginn og kynnast takti, hljóðfærum og nótnabókum. Hljómsveit hússins þessa dagsstund er engin önnur en Sinfóníuhljómsveit áhugamanna en einnig koma fram dansarar úr Listdansskóla Íslands, Jóhann Friðgeir Valdimarsson, tenór og Sigurþór Heimisson, leikari. Flytjendur vilja fá sem flesta í Salinn meðan á æfingunni stendur.

(Þessi æfing var áður augýst á laugardag.)

26. febrúar 2010

Tónleikar laugardag 27. febrúar

Á degi tónlistarskólanna laugardaginn 27. febrúar verða skólatónleikar í Salnum og hefjast þeir kl. 11. Á tónleiknum leika nemendur á öllum námsstigum á ýmis hljóðfæri og er efnisskráin mjög fjölbreytt. Aðgangur að tónleikunum er ókeypis og allir velkomnir.

21. febrúar 2010

Skólatónleikar í Salnum á mánudag og þriðjudag

Skólatónleikar verða haldnir í Salnum mánudaginn 22. febrúar kl. 18:30 og þriðjudaginn 23. febrúar kl. 18:00. Aðgangur að tónleikunum er ókeypis og allir velkomnir.

28. janúar 2010

Tónleikar Sinfóníuhljómsveitar tónlistarskólanna

Laugardaginn 30. janúar nk. kl. 16:00 heldur Sinfóníuhljómsveit tónlistarskólanna tónleika í Langholtskirkju og eru nemendur og forráðamenn þeirra hvattir til að láta þennan viðburð ekki fram hjá sér fara.

Hljómsveitina skipa tæplega 100 tónlistarnemar úr tónlistarskólum á höfuðborgarsvæðinu og nágrenni. Stjórnandi er Daníel Bjarnason. Á tónleikunum kemur einnig fram sex manna hópur hljóðfæraleikara úr hljómsveitinni og flytur tvö kammerverk undir stjórn Péturs Grétarssonar. Einleikari með hljómsveitinni er Baldvin Oddsson. Þó einleikarinn sé aðeins 15 ára, hefur hann þegar vakið athygli fyrir fágaðan trompetleik og er mörgum í fersku minni einleikur hans með Sinfóníuhljómsveit Íslands á tónleikum í desember 2008. Nú stígur hann á svið með Sinfóníuhljómsveit tónlistarskólanna í hinum goðsögulega trompetkonsert eftir Joseph Haydn.

Efnisskrá:

"Lift off" eftir Russell Peck - fyrir þrjá slagverksleikara og níu bassatrommur - líkt er eftir hljóðheimi geimskips í flugtaki.
"Ævintýri eitt ég veit" eftir Snorra Sigfús Birgisson - samið að beiðni Sinfóníuhljómsveitar tónlistarskólanna fyrir slagverk og þrjú laglínuhljóðfæri - frumflutningur.
Trompetkonsert í Es-dúr eftir Joseph Haydn.
Sinfónía nr. 5 eftir Felix Mendelsson (Reformation) - samin 1830 í tilefni þess að 300 ár voru liðin frá stofnun mótmælendakirkjunnar í Evrópu.

Almennur aðgangseyrir er 1500 kr. en 1000 kr. fyrir nemendur og eldri borgara. Aðgöngumiðar verða seldir við innganginn.

18. janúar 2010

Nýtt starfsár Sinfóníuhljómsveitar tónlistarskólanna

Hljómsveitarnámskeið Sinfóníuhljómsveitar tónlistarskólanna hefst laugardaginn 9. janúar nk. Tilgangur námskeiðsins að gefa nemendum í mið- og framhaldsnámi kost á þjálfun í að spila í stórri hljómsveit. Námskeiðinu lýkur með tónleikum í Langholtskirkju laugardaginn 30. janúar nk. kl. 16.

Þetta er sjötta starfsár Sinfóníuhljómsveitar tónlistarskólanna, sem er samstarfsverkefni Tónlistarskóla FÍH, Tónlistarskóla Hafnarfjarðar, Tónlistarskóla Kópavogs og Tónskóla Sigursveins D. Kristinssonar. Hljómsveitina skipa að þessu sinni um eitt hundrað tónlistarnemar, úr tónlistarskólum á höfuðborgarsvæðinuog nágrenni. Stjórnandi að þessu sinni er Daníel Bjarnason.

Viðfangsefni sveitarinnar eru:

Russell Peck: Lift off, fyrir níu bassatrommur
Snorri Sigfús Birgisson: Ævintýri eitt ég veit,
fyrir altsaxófón, fiðlu, barítónhorn og slagverk
- frumflutningur
Joseph Haydn: Trompetkonsert í Es-dúr
Felix Mendelssohn: Sinfónía nr. 5 op. 107

Æfingar

Sjá tilkynningu um æfingar