| Lokatónleikarnir í TKTK tónleikaröðinni
19. mars 2011 hefjast kl. 17:00. Flytjendur eru Elísabet
Waage. hörpuleikari, Guðrún Birgisdóttir, flautuleikari,
Svava Bernharðsdóttir, víóluleikari, og Þórir
Jóhannsson, kontrabassaleikari. Efnisskráin er fjölbreytt
og spannar allt frá barokktímabilinu til vorra daga.
Efnisskrá
- Georg Friedrich Händel (1685-1759)
Sónata í F-dúr (op. I, nr. 11)
I Larghetto
II Allegro
III Siciliana
IV Gigue
- Johann Matthias Sperger (1750-1812)
Trio für Flöte, viola und Contrabass KRM22
II. Andante con variazione
- Reinhold Gliere (1875-1956)
Intermezzo op. 9, nr. 1
- Atli Heimir Sveinsson (f. 1938)
Intermezzo úr Dimmalimm
- André Jolivet (1905-1974)
Petite suite
I Prélude
II (Modéré sans trainer)
III (Vivement)
IV (Allant)
V (Án titils)
Um verkin og höfundana
Eins og yfirskrift tónleikanna gefur til kynna verða
flutt tríó. Líklega hefði mátt bæta við undirtitlinum
- en einn situr hjá - því þótt flytjendur séu fjórir
þá situr alltaf einn hjá.
Sum tríóin hafa verið útsett. Händel-sónatan er
t.d. skrifuð fyrir flautu (blokkflautu) og tölusettan
bassa. Og þótt ekki sé tekið fram hvaða hljóðfæri
skuli leika bassann er það fremur óvanalegt að heyra
hann á kontrabassa og hörpu. Þessi hljóðfæraskipan
gefur verkinu dálítið jazz-legan keim.
J.M. Sperger er lítið þekkt tónskáld nú til dags.
Hann var fæddur í Austurríki og starfaði þar sem
kontrabassaleikari og sérlega afkastamikið tónskáld. Í
tilbrigðakaflanum úr tríói hans í D-dúr fá
hljóðfærin þrjú, flauta, víóla og kontrabassi, hvert
sitt tilbrigði.
Intermezzo þýðir bókstaflega millikafli og er oft
notað um tónlist á milli atriða í leikritum og óperum.
Hér verða flutt tvö intermezzi í fremur óvenjulegri
hljóðfæraskipan, annað þeirra fremur rómantískt og
hitt úr leikriti.
Tónleikunum lýkur með Lítilli svítu eftir A.
Jolivet. Hún samanstendur af fimm stuttum köflum þar sem
til skiptis er leikið með litbrigði og einfaldar,
grípandi melódíur.
Um flytjendur
Þau fjögur sem leika tríóin á tónleikum TKTK hafa
öll kennt á sín hljóðfæri í Tónlistarskóla
Kópavogs um margra ára (og jafnvel áratuga) skeið.
Elísabet Waage hlaut framhaldsmenntun í
hörpuleik í den Haag í Hollandi. Að loknu kennara- og
einleikaraprófi bjó hún áfram og starfaði í Hollandi.
Mest lagði hún stund á kammermúsík en lék einnig með
sinfóníuhljómsveitum. Eftir að hafa flutt aftur heim til
Íslands hefur hún verið afar virk í kammertónlist,
leikið með Caput og Kammersveit Reykjavíkur og með Sinfóníuhljómsveit
Íslands.
Guðrún Birgisdóttir hefur menntað fjölmarga
flautuleikara auk þess að starfa sem flautuleikari eftir
framhaldsnám sitt í Frakklandi og Noregi. Hún hefur m.a.
myndað flautudúó ásamt eiginmanni sínum, Martial
Nardeau, sem hefur flutt tónlist frá ýmsum tímum og
frumflutt margar tónsmíðar. Guðrún var líka einn af
fyrstu frumkvöðlum í leik á barokkhljóðfæri hér á
landi.
Svava Bernharðsdóttir stundaði framhaldsnám í
Hollandi og í New York, Bandaríkjunum. Hún var
uppfærslumaður víóludeildar Sinfóníuhljómsveitarinnar
í Ljubljana í Slóveníu um árabil. Nú er hún
fastráðin við Sinfóníuhljómsveit Íslands auk þess
að vera mjög virk í kammermúsík. Svava starfar sem
Suzuki kennari og kennir við Listaháskóla Íslands.
Þórir Jóhannsson lagði stund á framhaldsnám
í í Manchester eftir að hafa lokið burtfaraprófi í
kontrabassaleik frá Tónlistarskóla Reykjavíkur. Þaðan
lauk hann Postgraduate Diploma frá the Royal Northern
College of Music. Í fjögur ár bjó hann í Danmörku,
vann þar við kennslu og var lausráðinn við nokkrar
helstu hljómsveitir við beggja vegna Eyrasundsins. Þórir
er fastráðinn meðlimur Sinfóníuhljómsveitar Íslands.
Aðgangseyrir
- Almennt miðaverð: 1.000 kr.
- Tónleikapassi, gildir á alla tónleika: 2.000 kr.
- Nemendur TK og aðstandendur: Ókeypis.
|
