Úr aðalnámskrá tónlistarskóla:

Mennta- og menningarhlutverk tónlistarskóla er að

11. október 2011

Þátttaka í Norrænum músíkdögum

Nemendur úr strengja- og gítardeildum Tónlistarskóla Kópavogs, ásamt nemendum úr Tónlistarskóla Hafnarfjarðar og Tónskóla Sigursveins, alls 90 börn og unglingar, komu fram á tónleikum á Norrænum músíkdögum þann 7. október í Norðurljósasal Hörpu.

Flutt var tónverkið Velodrome eftir danska tónskáldið Östen Mikal Ore, sem jafnframt stjórnaði flutningnum. Um var að ræða frumflutning á nýrri útfærslu verksins. Tónleikarnir voru hinir glæsilegustu og þátttakan í þeim eftirminnileg reynsla fyrir krakkana.

Verkið kannar mismunandi nálganir á túlkun ásamt nýjum möguleikum á notkun hljóðfæranna. Hugmyndin er innblásin af keppnisgrein í hjólreiðum og sirkus atriðum þar sem reiðhjól eða mótorhjól þeysast í hringi um hallandi brautir í hringlaga völlum. Það kallast Velodrome. Nemendur undirbjuggu verkefnið hjá sínum kennurum og tónskáldið vann svo með hópnum vikuna fyrir tónleika.

Krístín Hulda Kristófersdóttir, nemandi í Tónlistarskóla Kópavogs, lék einleik á flautu í flutningi verksins. Þá var annar nemandi skólans og þátttakandi í verkefninu, Eydís Oddsdóttir Stenersen, fengin til að setja hátíðina við opnunarathöfn í Hörpu.