Úr aðalnámskrá tónlistarskóla:

Mennta- og menningarhlutverk tónlistarskóla er að

10. mars 2013

TKTK: Frönsk saxófóntónlist

Efnisskrá

• Claude Debussy (1862-1918): Rapsodie (1904)
• Pierre Sancan (1916-2008): Lamento et Rondo (1973)
• André Caplet (1878-1925): Légende (1905)
• André Jolivet (1905-1974): Fantaisie-Impromtu (1953)
• Florent Schmitt (1870-1958): Légende (1918)
• Alfred Desenclos (1912-1971): Prelude, Cadence et Finale (1956)

Um verkin og höfundana

Claude Debussy lærði við tónlistarháskólann í París og var á yngri árum mjög flinkur píanóleikari. Hann ákvað þó að einbeita sér algerlega að tónsmíðum og kynnti sér vel nýja strauma og stefnur í tónlist. Tónlist utan Evrópu þótti Debussy áhugaverð og sérstaklega leist honum vel á tónlist frá Jövu. Arabísk tónlist hafði líka áhrif á Debussy en þeirri tónlist kynntist Debussy á heimssýningunni í París 1889. Hann notaði mikið fimmtónastiga og heiltónatónstiga í verkum sínum. Debussy var góður vinur rússsneska tónskáldsins Igors Stravinsky og franska tónskáldsins Caplet.

Pierre Sancan var píanóleikari, hljómsveitarstjóri, tónskáld og kennari. Meðal nemenda hans var Edda Erlendsdóttir píanóleikari. Sancan lærði fyrst við tónlistarháskóla í Marokko, svo í Toulouse og í París. Hann vann frægu tónskáldaverðlaunin, Rómar-verðlaunin árið 1943. Sancan fékk kennarastöðu við tónlistarháskólann í París árið 1956 og kenndi þar í 30 ár á píanó. Þó að Sancan sé þekktari sem píanóleikari og píanókennari en tónskáld vann hann alla tíð að tónsmíðum.

André Caplet var tónskáld og hljómsveitarstjóri sem er helst þekktur fyrir hljómsveitarútsetningar sínar á píanóverkum Debussys. Caplet fæddist á báti sem sigldi á milli La Havre og Calvados. Faðir hans var talinn vera besti píanóstillarinn í Le Havre. Debussy og Caplet urðu miklir vinir í Róm og hjálpuðust þar að. Caplet varð einnig nemandi Debussys. Caplet vann Rómarverðlaunin árið 1901. Hann var m.a. stjórnandi við óperuna í Boston og óperuhús í Frakklandi.

André Jolivet var lengi tónlistarráðgjafi við leikhúsið Comédie Francaise í París og kenndi einnig tónsmíðar við tónlistarháskólann í París. Hann sagði sjálfur að hann væri að reyna að nálgast hið upprunalega og dularfulla í tónlistinni, hið trúarlega. Jolivet varð fyrir áhrifum af tónlist fjarlægra landa, t.d. frá indverskri tónlist. Einnig kynntist hann djasstónlist og nýtti sér hrynmynstur úr djassinum.

Florent Schmitt lærði við við tónlistarháskólann í París, m.a. hjá Gabriel Fauré. Hann samdi tónlist í impressíónískum stíl; varð fyrir áhrifum af tónlist Debussy, en einnig frá Wagner og R. Strauss. Schmitt vann lengi fyrir sér sem tónlistargagnrýnandi við blaðið Le Temps. Legénde var samin fyrir saxófón og hljómsveit og pantaði Elisa Hall verkið. Florent Schmitt gerði sjálfur píanóútsetninguna.

Alfred Desenclos var franskt tónskáld. Hann þurfti að vinna fyrir sér og fjölskyldu sinni til tvítugs og hóf því ekki formlegt tónlistarnám fyrr en á fullorðinsárum. Desenclos fékk Rómar-verðlaunin, árið 1942. Desenclos samdi ýmiss konar tónlist, m.a. kirkjulega tónlist og fylgdi þar í fótspor frönsku tónskáldanna Saint-Saëns og Fauré. Eitt af hans þekktari verkum hans er Messe de requiem (1963).

Um flytjendur

Guido Bäumer er frá Norður-Þýskalandi og bjó á Dalvík frá árinu 2000 til vors 2005 en hefur síðan verið búsettur í Hafnarfirði. Hann stundaði tónlistarnám í Bremen í Þýskalandi þar sem hann lauk kennaraprófum á bæði saxófón og þverflautu. Framhaldsnám stundaði Guido við tónlistarháskólann í Basel í Sviss þar sem hann lauk einleikaraprófi með hæstu einkunn og við Bowling Green State University í Ohio í Bandaríkjunum. Á Íslandi hefur Guido m.a. leikið með Sinfóníuhljómsveit Íslands, Caput-hópnum, Kammersveit Reykjavíkur og Sinfóníuhljómsveit Norðurlands.

Aladár Rácz er fæddur í Rúmeníu. Hann stundaði fyrst nám í píanóleik við Georges Enescu tónlistarskólann í Búkarest en síðan framhaldsnám við tónlistarháskólana í Búkarest og Búdapest. Einnig hefur Aladár tekið þátt í mörgum námskeiðum í Evrópu og haldið masterclassnámskeið fyrir píanónemendur. Hann hefur leikið á tónleikum víðs vegar um heiminn, leikið inn á geisladiska og unnið til verðlauna fyrir píanóleik í alþjóðakeppnum, m.a. á Spáni.

Aðgangseyrir

• Almennt miðaverð: 1.000 kr.
• Kennarar TK: 500 kr.
• Nemendur TK og aðstandendur: Ókeypis.

Tónleikarnir eru styrktir af Kópavogsbæ og haldnir af kennurum Tónlistarskóla Kópavogs í samvinnu við Salinn og Tónlistarskóla Kópavogs.