Tónlistarskóli Kópavogs


	Úr aðalnámskrá tónlistarskóla: Mennta- og menningarhlutverk tónlistarskóla er að
	-	veita öllum, sem þess æskja, færi á að kynnast tónlistarnámi af eigin raun
	-	skapa nemendum tækifæri til tónlistarflutnings, jafnt innan skóla sem utan

FORSÍÐA

Fréttir 2014

23. desember 2014

Jólaleyfi

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans gleðilegra jóla og farsæls nýs árs og þakkar samstarfið á árinu sem er að líða. Kennsla að loknu jólaleyfi hefst samkvæmt stundaskrá mánudaginn 5. janúar 2015.

16. desember 2014

Kennsla og tónleikar falla niður vegna veðurs

Kennsla í Tónlistarskóla Kópavogs fellur niður í dag vegna ófærðar og veðurs. Sömuleiðis munu nemendatónleikar sem halda átti í Salnum kl. 18, 19 og 20 í kvöld falla niður.

10. desember 2014

Jólatónleikar framundan

Á næstunni er mikið um að vera í skólanum. Ýmsir kennarar eru með jólasamspil eða tónleika með sínum nemendum. Auk þess eru eftirfarandi jólatónleikar á dagskrá í Salnum þar sem hljóðfæra- og söngnemendur á ýmsum námsstigum koma fram.

Mánudaginn 15. desember kl. 20:00
- tónverk tónversnemenda
Þriðjudaginn 16. desember kl. 18:00
Þriðjudaginn 16. desember kl. 19:00
Þriðjudaginn 16. desember kl. 20:00
Miðvikudaginn 17. desember kl. 17:00
- Suzuki-nemendur
Miðvikudaginn 17. desember kl. 18:15
Miðvikudaginn 17. desember kl. 19:30
Fimmtudaginn 18. desember kl. 18:00
Fimmtudaginn 18. desember kl. 19:00
Fimmtudaginn 18. desember kl. 20:00

Aðgangur að tónleikunum er ókeypis og eru allir velkomnir.

10. desember 2014

Jólatónleikar forskóladeildar

Jólatónleikar forskóladeildar skólans verða haldnir í Salnum laugardaginn 13. desember kl. 10:00 og 11:15. Allir forskólanemendur koma fram og fá þeir upplýsingar hjá kennurum sínum um það hvenær þeir eiga að mæta. Hvorir tónleikar eru rúmlega hálfrar klukkustundar langir. Aðgangur er ókeypis og eru allir velkomnir.

30. nóvember 2014

Skólatónleikar í Salnum

Fyrstu skólatónleikarnir á aðventunni verða haldnir í Salnum miðvikudaginn 3. desember, kl. 18:00. Aðgangur að tónleikunum er ókeypis og allir velkomnir.

25. nóvember 2014

Verkfalli lokið

Tónlistarskólakennarar í FT skrifuðu undir kjarasamning í morgun og hefur verkfalli verið aflýst. Kennsla verður því samkvæmt stundaskrá frá og með deginum í dag að telja.

21. október 2014

Verkfall Félags tónlistarskólakennara

Tónlistarskólakennarar hafa undanfarna mánuði átt í kjaraviðræðum við Launanefnd sveitarfélaga. Þessar viðræður hafa enn ekki borið árangur. Því mun boðað verkfall félagsmanna í Félagi tónlistarskólakennara (FT) hefjast miðvikudaginn 22. október. Annar hópur tónlistarskólakennara, félagar í Félagi íslenskra hljómlistarmanna (FÍH), er sömuleiðis í kjaraviðræðum en hefur ekki boðað til verkfalls.

Í Tónlistarskóla Kópavogs starfa kennarar úr báðum félögunum og mun skólastarf því halda áfram að hluta. Nánari upplýsingar hafa nú þegar verið sendar til allra nemenda og forráðamanna.

Nemendum og forráðamönnum er bent á að fylgjast með framvindu mála í fjölmiðlum og snúa sér til skrifstofu skólans vakni einhverjar spurningar varðandi kennslu. Skólinn mun tilkynna nemendum þegar hefðbundin kennsla hefst á ný.

19. október 2014

Skólatónleikar á þriðjudag

Skólatónleikar verða haldnir í Salnum þriðjudaginn 21. október næstkomandi kl. 18:00. Aðgangur að tónleikunum er ókeypis og eru allir velkomnir.

8. september 2014

Fyrstu tímar í tónfræðagreinum

Kennsla í tónfræðagreinum í grunn- og miðnámi hefst samkvæmt stundaskrá miðvikudaginn 10. september nk. og verða nemendur látnir vita hvenær þeir eiga að mæta í tónfræðatíma. Nánari upplýsingar má einnig fá á skrifstofu skólans.

Kennsla í tónlistarsögu hefst þriðjudaginn 9. september kl. 17:00. Kennari er Ríkharður H. Friðriksson. Kennsla í hljómfræði og tónheyrn hefst miðvikudaginn 10. september. Arnþór Jónsson kennir tónheyrn í vetur og Atli Ingólfsson kennir hljómfræði. Nánari upplýsingar um kennslutíma í þessum tveimur greinum eru veittar á skrifstofu skólans. Ný valgrein, saga ljóðalagsins, verður í boði í vetur fyrir nemendur í framhaldsnámi. Kennt verður á mánudögum frá kl. 18-19 og hefst kennsla mánudaginn 15. september. Kennari er Anna Júlíana Sveinsdóttir. Upplýsingar um aðrar valgreinar eru veittar á skrifstofu skólans.

20. ágúst 2014

Skólasetning

Tónlistarskóli Kópavogs verður settur í Salnum föstudaginn 22. ágúst kl. 16:00. Kennsla hefst mánudaginn 25. ágúst og munu kennarar boða nemendur til kennslu. Athygli er vakin á því að kennsla verður óregluleg fyrstu dagana meðan gengið er frá stundaskrá skólans.

Nemendur eru beðnir um að skila stundaskrám sínum úr grunnskólum eða framhaldsskólum á skrifstofu skólans hið allra fyrsta.

22. júní 2014

Sumarleyfi

Skrifstofa skólans verður lokuð frá 23. júní til 11. ágúst 2014.

9. júní 2014

Kynningarfundur um námsbraut í rytmískri tónlist

Kynningarfundur um nám í rytmískri tónlist við Tónlistarskóla Kópavogs verður haldinn í skólanum fimmtudaginn 12. júní nk. kl. 18:00. Ástvaldur Traustason mun kynna námsfyrirkomulagið og svara spurningum. Umsækjendur um nám í rytmískri tónlist eru sérstaklega hvattir til að mæta en fundurinn er opinn öllum þeim sem áhuga hafa á að kynna sér þessa nýju námsbraut.

9. júní 2014

Framúrskarandi árangur fyrrverandi nemenda

Ástæða er til að vekja athygli á frábærum árangri tveggja fyrrverandi nemenda TK sem nýlega hlotnuðust viðurkenningar í námi og keppni.

Gunnlaugur Björnsson, gítarleikari, sem lauk BA námi frá Manhattan School of Music nú í vor, fékk Andrés Segovia verðlaunin frá skóla sínum fyrir framúrskarandi árangur á klassískan gítar ("excellence in guitar performance"). Þessi verðlaun eru aðeins veitt einum gítarleikara frá MSM á ári hverju og raunar alls ekki veitt öll skólaár.

Páll Palomares, fiðluleikari, hlaut 15. maí sl. verðlaun í keppni strengjaleikara 30 ára og yngri, Den danske strygerkonkurrence, sem haldin var í Árósum. Alls tóku 23 innlendir og erlendir strengjaleikarar þátt í keppninni og léku á fiðlu, víólu, selló og kontrabassa. Sinfóníuhljómsveitin í Árósum lék með. Páll var einn fjögurra fiðluleikara sem komust í úrslit og hafnaði að lokum í þriðja sæti. Að loknu námi í TK stundaði Páll nám í Listaháskóla Íslands og síðar í Þýskalandi. Hann starfar nú með Kammersveitinni í Randers í Danmörku, auk þess sem hann stundar meistaranám í fiðluleik í Kaupmannahöfn.

9. júní 2014

Frá skólaslitum 2014

Tónlistarskóla Kópavogs var slitið mánudaginn 2. júní sl. og lauk þar með 51. starfsári skólans. Að þessu sinni luku tveir nemendur framhaldsprófi í hljóðfæraleik, þær Harpa Dís Hákonardóttir, píanóleikari, og Sæunn Ragnarsdóttir, fiðluleikari. Gunnlaugur Helgi Stefánsson, saxófónleikari, lauk hljóðfærahluta framhaldsprófs. Á myndinni eru f.v. Sæunn, Harpa Dís og Gunnlaugur Helgi.

Við skólaslitin var eftirtöldum nemendum veitt viðurkenning fyrir framúrskarandi árangur á grunn- og miðprófum í hljóðfæraleik og tónfræðagreinum.

Fyrir ágætiseinkunn á grunnprófi í hljóðfæraleik hlutu eftirtaldir nemendur viðurkenningu:

Klara Margrét Ívarsdóttir, píanó
Samúel Stefánsson, píanó
Soffía Líf Þorsteinsdóttir, þverflauta
Eygló Fanndal Sturludóttir, píanó
Kristín Eik Kjartansdóttir, þverflauta
Andrea Ósk Jónsdóttir, píanó
Rakel Gyða Gunnarsdóttir, harpa
Birta Hlín Sigurðardóttir, píanó
Kolbrún Björg Ólafsdóttir, klarínetta
Laufey Kristjánsdóttir, klarínetta
Sunna Lind Sigríðardóttir, þverflauta
Halldór Óli Ólafsson, píanó
Hekla Martinsdóttir Kollmar, fiðla
Guðrún Vala Matthíasdóttir, þverflauta
Gunnar Heimir Ólafsson, píanó
Kjartan Örn Styrkársson, kornett
Agnes Ösp Gunnarsdóttir, þverflauta
Sunna Kristín Kristjánsdóttir, píanó
Viktor Snær Ívarsson, gítar

Fyrir ágætiseinkunn á miðpróf í hljóðfæraleik hlutu eftirtaldir nemendur viðurkenningu:

Fannar Ingi Fjölnisson, píanó
Runólfur Bjarki Arnarson, harmonika
Ingibjörg Ragnheiður Linnet, píanó
Herdís Ágústa Linnet, píanó
Margrét Lára Baldursdóttir, píanó
Jón Qiao Sen Chen, píanó
Fríða Rún Frostadóttir, harpa
Þorgeir Björnsson, óbó
Margrét Kristín Kristjánsdóttir, píanó

Fyrir hæstu einkunn á grunnprófi í tónfræðum hlutu eftirtaldir nemendur viðurkenningu:

Atli Mar Baldursson
Hekla Martinsdóttir Kollmar

Fyrir ágætiseinkunn á miðprófi í tónfræðum hlutu eftirtaldir nemendur viðurkenningu:

Ólafur Finnsson
Svanhildur Tekla Bryngeirsdóttir
Andreas Máni Helgason
Laufey Lind Sigþórsdóttir
Reynir Zoëga
Katrín Edda Möller
Marta Andrésdóttir
Magnús Thorlacius

27. maí 2014

Skólaslit mánudaginn 2. júní

Skólaslit og afhending einkunna verða mánudaginn 2. júní nk. og hefst athöfnin í Salnum kl. 17:00.

25. maí 2014

Framhaldsprófstónleikar Gunnlaugs Helga Stefánssonar

Þriðjudaginn 27. maí nk. mun Gunnlaugur Helgi Stefánsson, saxófónleikari, halda framhaldsprófstónleika sína frá Tónlistarskóla Kópavogs. Eru tónleikarnir hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs, og hefjast kl. 20.00.

Á tónleikunum leikur Gunnlaugur Helgi verk eftir Paul Hindemith, Henri Tomasi, Ryo Noda og André Jolivet. Meðleikari hans á tónleikunum er Helga Bryndís Magnúsdóttir, píanóleikari.

Aðgangur að tónleikunum er ókeypis og eru allir velkomnir.

25. maí 2014

Framhaldsprófstónleikar Sæunnar Ragnarsdóttur

Mánudaginn 26. maí nk. mun Sæunn Ragnarsdóttir, fiðluleikari, halda framhaldsprófstónleika sína frá Tónlistarskóla Kópavogs. Eru tónleikarnir lokahluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs, og hefjast kl. 20.00.

Á tónleikunum verða flutt verk eftir Federigo Fiorillo, Johann Sebastian Bach, Wolfgang Amadeus Mozart, Jón Nordal og Robert Schumann. Meðleikari á tónleikunum er Helga Bryndís Magnúsdóttir, píanóleikari.

Aðgangur að tónleikunum er ókeypis og eru allir velkomnir.

20. maí 2014

Framhaldsprófstónleikar Hörpu Dísar Hákonardóttur

Laugardaginn 24. maí nk. mun Harpa Dís Hákonardóttir, píanóleikari, halda framhaldsprófstónleika sína frá Tónlistarskóla Kópavogs. Eru tónleikarnir lokahluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs, og hefjast kl. 16.00. Flutt verða verk eftir J.S. Bach, C. Debussy, W.A. Mozart, F. Chopin og S. Rachmaninoff Auk Hörpu Dísar, kemur Bryndís Guðjónsdóttir, sópran, fram á tónleikunum. Aðgangur að tónleikunum er ókeypis og eru allir velkomnir.

20. maí 2014

Almennir nemendatónleikar á síðustu dögum skólaársins

Núna í síðustu viku skólaársins eru margir almennir nemendatónleikar á dagskránni. Tónleikarnir eru allir haldnir í Salnum nema annað sé sérstaklega tekið fram.

Suzukifiðlur í Tónlistarsafninu
Miðvikudaginn 21. maí kl. 17.00 munu fiðlunemendur í Suzukinámi koma fram á tónleikum sem haldnir verða í Tónlistarsafninu.

Samleiksverk og tónsmíðar nemenda
Laugardaginn 24. maí verða tvennir skólatónleikar haldnir í Salnum. Á fyrri tónleikunum, sem hefjast Kl. 11.00, leika nemendur m.a. frumsamin einleiks- og samleiksverk, en á síðari tónleikunum, sem hefjast 12.15, eru fjölbreytt samleiksverk á efnisskránni.

Próftónleikar í Safnaðarheimilinu
Eftirtaldir nemendur halda tónleika í kjallarasal Safnaðarheimils Kópavogskirkju á næstu dögum. Aðgangur að tónleikunum, sem eru um 30 mínútna langir, er ókeypis og allir eru velkomnir.

Fimmtudagur 22. maí
Kl. 17.15 Ása Kara Smáradóttir, píanónemandi
Kl. 20.30 Anna Elísabet Sigurðardóttir, víólunemandi
Föstudagur 23. maí
Kl. 17.15 Hafsteinn Rúnar Jónsson, pianónemandi
Mánudagur 26. maí
Kl. 17.15 Kristín Nanna Einarsdóttir, píanónemandi
Kl. 18.00 Nína Guðrún Arnardóttir, píanónemandi
Þriðjudagur 27. maí
Kl. 17.15 Elísabet Ósk Bragadóttir, píanónemandi
Miðvikudagur 28. maí
Kl. 17.15 Runólfur Bjarki Arnarson, þverflautunemandi
Kl. 18.00 Marta Andrésdóttir, þverflautunemandi
Kl. 18.30 Íris Andrésdóttir, þverflautunemandi

Að lokum má minna á Ormadaga í Kópavogskirkju en laugardaginn 24. maí nk. kl. 14:00 flytur hópur nemanda skólans atriði í tali og tónum úr óperunni Hans og Gréta

20. maí 2014

Strengjasveitir spila í Kópavogskirkju í dag

Vortónleikar strengjasveita I og II verða haldnir í Kópavogskirkju í dag, þriðjudaginn 20. maí, kl. 18. Stjórnendur eru Helga Ragnheiður Óskarsdóttir og Guðmundur Óli Gunnarsson. Aðgangur að tónleikunum er ókeypis og allir velkomnir.

11. maí 2014

Söngdeild flytur óperuna Tónarnir ríkja og textinn skal víkja

Söngdeild Tónlistarskóla Kópavogs mun flytja óperuna „Tónarnir ríkja og textinn skal víkja“ eftir Antonio Salieri (1750-1825) í Salnum þriðjudaginn 13. maí og miðvikudaginn 14. maí kl. 20.00. Þessi ópera hefur ekki áður verið flutt hér á landi. Leikstjórn er í höndum Önnu Júlíönu Sveinsdóttur, söngkennara skólans, sem einnig þýddi verkið.

Hljómsveitarstjóri á sýningunum er Guðmundur Óli Gunnarsson, en hljóðfæraleikarar eru þau Guðrún Óskarsdóttir á sembal, fiðluleikararnir Guðbjörg Hlín Guðmundsdóttir og Viktor Orri Árnason, Ásdís Hildur Runólfsdóttir á víólu og Gunnhildur Halla Guðmundsdóttir á selló. Söngvararnir eru fjórir: Jóhann Björn Björnsson, Jón Pétur Friðriksson, Tinna Jóhanna Magnusson og Bryndís Guðjónsdóttir.

Ópera Salieris, sem nefnist á frummálinu „Prima la musica poi le parole“, var frumflutt í Vín árið 1786. Salieri var hirðtónskáld Jósefs II. keisara í Vín og eitt frægasta tónskáld í Evrópu í 18. öld. Keisarinn fól þeim Salieri og Mozart að semja óperu sem flytja átti sama kvöldið, í sitt hvorum enda Schönbrunnhallar í Vín, í tilefni heimsóknar prinsins Alfreðs af Sachen-Teschen. Mozart samdi óperuna „Der Schauspieldirektor“ (Leikhússtjórinn) en Salieri óperuna sem flutt verður í Salnum, við söngrit hins snjalla Giambattista Casti. Ópera Salieris er sögð bráðsnjöll gamanópera um tilurð óperu og aldarspegill 18. aldar, þegar mikið var að gerast í óperuheiminum.

Aðgangur er ókeypis á meðan húsrúm leyfir.

8. maí 2014

Námsbraut í rytmískri tónlist

Frá og með næsta skólaári verður nám í rytmískri tónlist í boði við Tónlistarskóla Kópavogs. Kennarar verða Ástvaldur Traustason, Sunna Gunnlaugsdóttir, Ásgeir Ásgeirsson, Valdimar K. Sigurjónsson og Scott McLemore. Kennt verður á píanó, hljómborð, rafgítar, rafbassa, kontrabassa og trommusett, auk samspils og tónfræðagreina. Námið verður byggt upp fyrir nemendur á öllum námsstigum. Umsóknir um námsvist næsta vetur þurfa að berast skólanum fyrir 19. maí næstkomandi. Umsóknareyðublað má finna hér.

17. apríl 2014

Páskaleyfi

Tónlistarskóli Kópavogs óskar nemendum, kennurum og velunnurum gleðilegra páska. Kennsla að afloknu páskaleyfi hefst samkvæmt stundaskrá þriðjudaginn 22. apríl.

26. mars 2014

Gestatónleikar í dag í Salnum

Góðir gestir frá Englandi munu heimsækja skólann í dag. Sarah Deere-Jones, hörpuleikari og kennari, mun ásamt eiginmanni sínum, Phil Williams, leika þjóðlagatónlist á keltneska hörpu og gítar á tónleikum í Salnum kl. 18:00. Auk þess heldur Sarah stutt námskeið fyrir hörpunemendur úr Reykjavík og Kópavogi. Aðgangur að tónleikunum er ókeypis og allir eru velkomnir.

23. mars 2014

Skólatónleikar í Salnum á mánudag

Skólatónleikar verða haldnir í Salnum mánudaginn 24. mars kl. 20:00. Aðgangur að tónleikunum er ókeypis og allir velkomnir.

3. mars 2014

Viðurkenningar á svæðishátíð NÓTUNNAR og lokatónleikar í Hörpu

Laugardaginn 1. mars fór svæðishátíð Nótunnar, uppskeruhátíðar tónlistarskóla, fram í Hásölum í Hafnarfirði. Á hátíðinni komu fram fulltrúar skóla í Kraganum, á Suðurnesjum og á Suðurlandi. Fulltrúar Tónlistarskóla Kópavogs komu fram í þremur tónlistaratriðum og stóðu sig frábærlega vel. Allir hlutu þeir sérstaka viðurkenningu og verðlaunagrip sem keppt var um fyrir framúrskarandi flutning í þeirra flokki. Andri Snær Valdimarsson, Andrea Ósk Jónsdóttir, Helena Rós Jónsdóttir, Ingibjörg Brynja Finnbjörnsdóttir, Katrín Arnardóttir og Þórhildur Anna Traustadóttir léku sexhent á píanó og hlutu viðurkenningu fyrir samleik í grunnámi. Herdís Ágústa Linnet, píanóleikari, fékk viðurkenningu fyrir einleik í miðnámi og Anna Elísabet Sigurðardóttir, víóluleikari, fékk viðurkenningu fyrir einleik í framhaldsnámi. Píanistarnir sex og Anna Elísabet voru síðan valin til að taka þátt í lokahátíðinni í Eldborgarsal Hörpu sunnudaginn 23. mars. Svo skemmtilega vill til að Herdís Ágústa, sem auk píanónámsins, stundar nám í trompetleik við skólann, mun taka þátt í lokahátíðinni sem einn hljóðfæraleikara í blásarasextett á vegum Skólahljómsveitar Kópavogs. Á myndunum sjást þátttakendurnir leika á svæðistónleikunum. Við óskum þeim til hamingju með árangurinn!

3. mars 2014

Tvennir skólatónleikar í Salnum

Tvennir skólatónleikar verða haldnir í Salnum þriðjudaginn 4. mars. Fyrri tónleikarnir hefjast kl. 18:00 og þeir síðari kl. 19:00. Nemendur á ýmsum námsstigum koma fram. Aðgangur að tónleikunum er ókeypis og allir velkomnir.

26. febrúar 2014

Tónleikaröð kennara: Að austan og vestan - Tríó meistaranna

Laugardaginn 1. mars nk. klukkan 13:00 býður TKTK upp á tónlistarveislu í Salnum Á fyrri hluta tónleikanna verða flutt tvö verk fyrir flautu og píanó, Sónata eftir Taktakishvili og Dúó eftir Copland. Flytjendur eru Margrét Stefánsdóttir, flautuleikari, og Ingunn Hildur Hauksdóttir, píanóleikari. Eftir hlé stíga Rúnar Óskarsson, klarínettuleikari, Guðrún Þórarinsdóttir, víóluleikari, og Helga Bryndís Magnúsdóttir, píanóleikari, á svið og flytja "Kegelstatt" tríóið efitr Mozart, Märchenerzählungen op. 132 eftir Schumann og tvo hluta úr verkinu Acht Stücke op. 83 eftir Bruch.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

18. febrúar 2014

Vetrarfrí

Vakin er athygli á því að vetrarfrí verður í Tónlistarskólanum föstudaginn 21. og mánudaginn 24. febrúar næstkomandi.

16. febrúar 2014

Skólatónleikar Nótunnar á þriðjudag

Þrennir skólatónleikar verða haldnir í Salnum þriðjudaginn 18. febrúar og koma þar fram nemendur sem valdir hafa verið til þátttöku í skólatónleikum Nótunnar, uppskeruhátíðar tónlistarskóla 2014. Fyrstu tónleikarnir hefjast kl. 17:30 og leika þar nemendur í grunnnámi. Á tónleikum kl. 18:00 leika nemendur í miðnámi og loks koma nemendur í framhaldsnámi fram á tónleikum kl. 19:00. Eftir tónleikana verða síðan valin atriði til þátttöku í svæðishátíð Nótunnar sem fram fer í Hafnarfirði laugardaginn 1. mars næstkomandi. Aðgangur að tónleikunum er ókeypis og allir velkomnir.

9. febrúar 2014

Skólatónleikar í Salnum

Skólatónleikar verða haldnir í Salnum þriðjudaginn 11. febrúar kl. 18:00. Aðgangur að tónleikunum er ókeypis og allir velkomnir.

6. febrúar 2014

Opið hús á degi tónlistarskólans 8. febrúar 2014

Laugardaginn 8. febrúar er opið hús í Tónlistarskóla Kópavogs á Degi tónlistarskólans. Dagskráin hefst með hljóðfærakynningu fyrir nemendur sem eru að ljúka forskólanámi, og aðra áhugasama byrjendur, kl. 11.00 í Salnum. Að lokinni kynningu, kl. 12.00, er opnað inn í skólann og nemendum og foreldrum boðið að skoða og prófa hljóðfæri undir leiðsögn kennara.

Viðstöddum er boðið að líta á „leiktæki“ tónversins, reyna fyrir sér í gagnvirkri tölvutónlist og kynnast um leið náminu í tónveri skólans. Tónfræðakennarar munu leggja skemmtilegar þrautir fyrir nemendur og foreldra úr undraheimi tónfræðanna. Þá munu nemendur úr öllum hljóðfæradeildum troða upp á stofutónleikum og söngnemendur æfa fyrir væntanlega óperuuppsetningu.

Dagskránni lýkur með tónleikum í Salnum kl. 13.15-14.15, þar sem píanónemendur koma fram og leika þætti úr „litlum“ píanókonsertum.

Sjá auglýsingu (pdf-skjal).

2. febrúar 2014

Skólatónleikar í Salnum

Skólatónleikar verða haldnir í Salnum mánudaginn 3. febrúar, kl. 20:00. Aðgangur er ókeypis og allir velkomnir.

27. janúar 2014

Tónleikar Sinfóníuhljómsveitar tónlistarskólanna

Laugardaginn 3. febrúar nk. kl. 16:00 heldur Sinfóníuhljómsveit tónlistarskólanna tónleika í Langholtskirkju og eru nemendur og forráðamenn þeirra hvattir til að láta þennan viðburð ekki fram hjá sér fara.

Hljómsveitina skipa um 80 tónlistarnemar úr tónlistarskólum á höfuðborgarsvæðinu og nágrenni. Stjórnandi er Guðmundur Óli Gunnarsson. Einleikari með hljómsveitinni er Sölvi Kolbeinsson sem fæddur er árið 1996 og stundar nám bæði í klassískum og djass saxófónleik hjá Sigurði Flosasyni í Tónlistarskólanum í Reykjavík og Tónlistarskóla FÍH, auk náms við Menntaskólann í Hamrahlíð. Sölvi vann til verðlauna á fyrstu Nótu-hátíðinni vorið 2010 og með djassgrúppunni Gaukshreiðrinu vorið 2013. Sölvi hefur leikið djass á ýmsum veitingastöðum bæjarins ásamt því að koma fram með alls konar popp- og rokkhljómsveitum. Þá hefur hann komið fram sem einleikari með Sinfóníuhljómsveit Íslands og Hljómsveit Tónlistarskólans í Reykjavík, nú síðast fyrr í þessum mánuði þegar hann lék saxófónkonsert Glazunovs á tónleikum ungra einleikara með Sinfóníuhljómsveit Íslands.

Á tónleikunum verða flutt verða eftirtalin verk:

Veigar Margeirsson: Þrír þættir úr saxófónkonsertinum Rætur
Arturo Márquez: Danzón nr. 2
Edvard Grieg: Sinfónískir dansar op. 64

Almennur aðgangseyrir er 2500 kr. en 1000 kr. fyrir nemendur og eldri borgara. Aðgöngumiðar verða seldir við innganginn.

7. janúar 2014

Námskeið Sinfóníuhljómsveitar tónlistarskólanna

Námskeið Sinfóníuhljómsveitar tónlistarskólanna árið 2014 hefst 10. janúar nk. og lýkur námskeiðinu með tónleikum í Langholtskirkju laugardaginn 1. febrúar kl. 16:00. Búið er að skipa í nær öll sæti hljómsveitarinnar.Stjórnandi verður Guðmundur Óli Gunnarsson og einleikari á saxófón Sölvi Kolbeinsson.

Flutt verða eftirtalin verk:

Arturo Márquez: Danzón nr. 2
Veigar Margeirsson: Þrír þættir úr saxófónkonsertinum Rætur
Edvard Grieg: Sinfónískir dansar op. 64

Sjá æfingaáætlun (pdf-skjal).

2. janúar 2014

Fyrsti kennsludagur eftir jólafrí

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans farsældar á nýju ári og þakkar samstarfið á árinu 2013. Kennsla að loknu jólaleyfi hefst samkvæmt stundaskrá mánudaginn 6. janúar 2014.