Umsókn um skólavist

Hér má nálgast umsóknareyðublað fyrir skólavist (Word-skjal) sem hægt er að fylla út og senda sem viðhengi með tölvupósti á netfang skólans tonlistarskoli@tonlistarskoli.is

Tekið er við umsóknum nýrra nemenda á biðlista. Fjöldi þeirra sem komast að ræðst af heildarfjölda nemenda í viðkomandi námsgrein og þeim fjárheimildum, sem bæjaryfirvöld úthluta skólanum til kennslu á viðkomandi skólaári.

Nemendur sem ljúka fornámi ganga að öðru jöfnu fyrir um námsvist í hljóðfæraleik. Vegna mikillar aðsóknar í hljóðfæranám er þó ekki hægt að ábyrgjast að nemandi komist að í beinu framhaldi af fornámi. Á hverju ári ráðstafar skólinn örfáum plássum til nemenda sem komnir eru áleiðis í námi og eru að flytjast á milli tónlistarskóla.

Nemendur skólans þurfa að sækja árlega um áframhaldandi skólavist. Nemendum eru afhent umsóknareyðublöð með góðum fyrirvara áður en umsóknarfrestur rennur út.