Úr aðalnámskrá tónlistarskóla:

Mennta- og menningarhlutverk tónlistarskóla er að

12. apríl 2005

Krakártríóið heimsækir skólann

Um listamennina

Félagar í Krakártríóinu voru skólabræður í Tónlistarakademíu Krakárborgar í Póllandi á áttunda áratugnum og hófust þar kynni þeirra á tónleikapallinum. Síðan skildu leiðir og þeir settust að sinn í hverju heimshorninu, en hafa síðan hist í heimsóknum sínum til föðurlandsins. Þeir njóta þess mjög að leika saman og stofnuðu því Krakártríóið fyrir nokkrum árum. Tríóið hefur komið fram á tónleikum í London og víða í Póllandi. Það hefur einnig spilað á tónlistarhátíðinni "Tónlist í gömlu Kraká" árið 2003. Einnig hafa þeir farið í tónleikaferðir um Bandaríkin árin 1997, 1999, 2001, 2004. Svo hafa þeir líka haldið tónleika í Kanada. Polygram Poland Records hefur gefið út geisladisk með verkum pólskra tónskálda í flutningi Krakártríósins.

Jacek Tosik-Warszawiak

Jacek Tosik-Warszawiak fæddist í Kraká árið 1953. Hann hóf píanónám sex ára og lauk prófi frá Tónlistarháskóla ríkisins (Tónlistarakademíunni) í Kraká árið 1977 en aðalkennari hans þar var prófessor Ludwik Stefanski. Jacek Tosik-Warszawiak hefur unnið til verðlauna og hlotið styrki fyrir píanóleik sinn. Hann vann m.a. til verðlauna á 2. pólsku píanókeppninni sem haldin var í Varsjá árið 1974 og í keppni í Bratislava. Hann var meðlimur í liði Póllands á 10. alþjóðlegu Chopin-keppninni í Varsjá 1980 (hlaut viðurkenningu fyrir þátttöku í 2. umferð). Hann hefur hlotið styrk frá Minningarsjóði um Fryderyk Chopin og einnig í tvígang frá Menningar- og menntamálaráðuneyti Póllands. Frá árinu 1977 vann hann í Tónlistarháskóla í Kraká, þar af sem aðjúnkt frá 1982, en árið 1995 lauk hann annars stigs sérhæfingargráðu við sama Tónlistarháskóla. Hann bjó og starfaði sem tónlistarmaður á Íslandi árin 1992 til 2002. Árið 2002 flutti hann til Póllands og vinnur sem prófessor í tónlistarháskóla þar. Meðal fyrri verkefna hans má nefna: sinfóníu-, einleiks-, og kammertónleika í mörgum borgum Póllands en einnig í Þýskalandi, Rússlandi, Tékklandi, Armeníu, Aserbajdzan, Hollandi, Belgíu, Svíþjóð, Íslandi, Ítalíu, Ungverjalandi, Bretlandi, Írlandi og Bandaríkjunum. Þar að auki tók hann þátt í pólsku píanóhátíðinni í Slupsk (1975, 1980), alþjóðlegu Chopin-hátíðinni í Duszniki (1980), "Tónlist hinnar gömlu Kraká" (1986), Evrópsku tónlistarhátíðinni í Berlín (1997). Hann hefur spilað fyrir pólska útvarpið og einnig það hollenska. Hann byrjaði að spila með Nigel Kennedy árið 2002. Jacek Tosik-Warszawiak er meðlimur í Berlínartríóinu og fyrir nokkrum árum stofnaði hann Trio Cracovia sem hefur þegar gefið út geislaplötur og haldið tónleika í Póllandi, Bretlandi, Bandaríkjunum og Kanada og heldur nú tónleika á Íslandi.

Julian Tryczynski

Julian Tryczynski er prófessor í selló og kammertónlist við Shenandoah Coservatory í Virginíu í Bandaríkjunum. Hann stundaði nám við Tónlistarakademíuna í Moskvu, Tónlistarakademíuna í Kraká og Yale háskóla í Bandaríkjunum. Hann vann önnur verðlaun í alþjóðlegu Aldo Parisot selló keppninni í Brasilíu. Hann hefur komið fram sem einleikari og kammertónlistarmaður í Póllandi, Bandaríkjunum, Belgíu, Brasilíu, Kanada, Englandi og Írlandi. Hann hljóðritaði konsert fyrir tvö strengjahljóðfæri eftir Brahms og Schelomo eftir Bloch fyrir Pólska útvarpið.

Árið 1988 var Julian Tryczynski kjörinn framúrskarandi fyrrverandi nemandi Tónlistarakademíunnar í Kraká og var boðið að koma fram sem aðaleinleikari Fílharmoníuhljómsveitar Krakár á aldarafmæli hennar. Í mörg ár var hann að starfa sem prófesor í Bandaríkjunum, en núna starfar hann sem prófesor í háskólanum í Sao Paulo í Brasilíu.

Krzysztof Smietana

"...fiðluleikari með tápmikinn hljóm, lék djarflega af innlifun og festu ... maður var stjarfur yfir því hve Smietana gat skapað áhrifamikinn og fjörlegan hljóm ... og myndaði tóninn með hverri taug líkamans." Úr þýska dagblaðinu Frankfurter Allgemeine Zeitung.

Krzysztof Smietana er fæddur í Póllandi. Hann stundaði fyrst nám hjá Zbigniew Szlezer við tónlistarakademíuna í Kraká en flutti síðar til Lundúna þar sem hann lærði hjá Yfrah Neaman við Guildhall School of Music and Drama, en þar kennir hann nú sjálfur. Hann hefur unnið til flestra viðurkenninga í Póllandi sem til eru og hefur unnið til verðlauna í nokkrum alþjóðlegum keppnum fiðluleikara.

Hann hefur komið fram á fjölmörgum tónleikum víða um England og utan þess. Leikur hans hljómar reglulega á bresku útvarpsstöðinni BBC Radio 3, þar á meðal mjög svo rómaður flutningur hans á báðum konsertum Szymanowski með Sinfóníuhljómsveit BBC. Upptaka hans á fiðlukonsert Panufnik með London Musici fyrir Conifer var valinn geisladiskur mánaðarins í tímaritinu CD Review magazine. Hann hefur leikið konsertana víða um Evrópu. Krzysztof Smietana hefur hljóðritað sónötur Faure fyrir Meridian, sónötur Brahms fyrir ASV og nýlega fiðlukonsert Stravinsky með Fílharmoníuhljómsveit Lundúna undir stjórn Robert Craft fyrir Music Masters.

Auk starfa hans sem einleikara og kammertónlistarmanns hefur hann komið fram sem gestastjórnandi nokkurra breskra hljómsveita, þar á meðal Sinfóníuhljómsveitar Lundúnaborgar. Hann hefur einnig komið fram á PROMS tónlistarhátíðinni með Sinfóníuhljómsveit BBC.

[ Til baka á Forsíðu ]