22. desember 2024

Jólakveðja

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans farsældar á nýju ári og þakkar samstarfið á árinu 2024. Kennsla að loknu jólaleyfi hefst samkvæmt stundaskrá mánudaginn 6. janúar 2025.

15. desember 2024

Aðventutónleikar í Salnum á mánudag og þriðjudag

Tvennir aðventutónleikar verða haldnir í Salnum á morgun mánudaginn 16. desember. Á fyrri tónleikunum, sem hefjast kl. 18:00, leika strengjasveitir 1 og 2 og kammersveit skólans. Á seinni tónleikunum sem byrja kl. 19 verður sungið og leikið á ýmis hljóðfæri. Þriðjudaginn 17. desember verða tvennir aðventutónleikar, kl. 18:00 og 20:00. Á efnisskránni er fjölbreytt tónlist og meðal flytjenda á seinni tónleikunum er flautukór skólans. Aðgangur að öllum tónleikunum er ókeypis og eru allir velkomnir.

8. desember 2024

Aðventutónleikar í Salnum á mánudag

Aðventutónleikar verða haldnir í Salnum á morgun mánudaginn 9. desember og hefjast þeir kl. 19:00. Aðgangur að tónleikunum er ókeypis og eru allir velkomnir.

2. desember 2024

Skólatónleikar í Salnum á þriðjudag

Skólatónleikar verða haldnir í Salnum á morgun þriðjudaginn 3. desember og hefjast þeir kl. 18:00. Aðgangur að tónleikunum er ókeypis og eru allir velkomnir.

29. nóvember 2024

Jólatónlist á Aðventuhátíð Kópavogs

Jólalög í flutningi nemenda Tónlistarskóla Kópavogs munu hljóma á aðventuhátíð bæjarins á laugardaginn. Haldnir verða stuttir tónleikar á bókasafninu sem hefjast kl. 16 og munu nemendur þar leika á gítar, selló, fiðlur, blokkflautur og píanó.

29. nóvember 2024

Puccini og félagar í Hjallakirkju í dag kl. 18:30

Í dag eru liðin 100 ár frá andláti Puccinis og að því tilefni verða haldnir tónleikar í Hjallakirkju og hefjast þeir kl. 18:30. Félagar í Flautukór Tónlistarskóla Kópavogs verða í lykilhlutverki á tónleikunum. Á efnisskránni eru verk eftir Fauré, Reinecke, Rheinberger, Granados og Puccini. Aðgangur að tónleikunum er ókeypis og eru allir velkomnir.

24. nóvember 2024

Skólatónleikar í Salnum á mánudag

Skólatónleikar verða haldnir í Salnum á morgun mánudaginn 25. nóvember og hefjast þeir kl. 19:00. Aðgangur að tónleikunum er ókeypis og eru allir velkomnir.

21. nóvember 2024

Ásgerður Sara leikur Grieg með Sínfóníuhljómsveit áhugamanna

Laugardaginn 23. nóvember nk. kl. 16:00 mun Ásgerður Sara Hálfdanardóttir, píanóleikari og nemandi dr. Nínu Margrétar Grímsdóttur, kennara skólans, koma fram sem einleikari með Sinfóníuhljómsveit áhugamanna, undir stjórn Olivers Kentish, á tónleikum í Seltjarnarneskirkju. Tónleikarnir bera yfirskriftina Nótan og nemendurnir og einleikararnir fimm sem þar koma fram urðu öll sigurvegarar í konsertkeppni Nótunnar og Sinfóníuhljómsveit áhugamanna 2024.

Á efnisskrá tónleikanna eru eftirtalin verk:

• Konsert fyrir flautu í G-dúr op. 29 eftir Stamitz, einleikari: Sigurjón Jósef Magnússon.
• Morceau de Concert fyrir horn op. 94, 1. kafli, eftir Saint-Saëns, einleikari: Kamilla Kerekes.
• Scherzo Tarantelle op. 16, eftir Wienawski, einleikari: Björney Anna Aronsdóttir, fiðluleikari.
• Fiðlukonsert í e-moll op. 64, 1. kafli eftir Mendelssohn-Bartholdy, einleikari: Sigrún Klausen.
• Píanókonsert í a-moll op. 16, 1. kafli eftir Grieg, einleikari: Ásgerður Sara Hálfdanardóttir.

17. nóvember 2024

Skólatónleikar í Salnum á mánudag og þriðjudag

Tvennir skólatónleikar verða haldnir í Salnum í vikunni. Fyrri tónleikarnir verða á morgun mánudaginn 18. nóvember og hefjast þeir kl. 19:00. Seinni tónleikarnir verða þriðjudaginn 19. nóvember og hefjast þeir kl. 18:00. Aðgangur að tónleikunum er ókeypis og eru allir velkomnir.

10. nóvember 2024

Skólatónleikar í Salnum á mánudag

Skólatónleikar verða haldnir í Salnum á morgun mánudaginn 11. nóvember og hefjast þeir kl. 19:00. Aðgangur að tónleikunum er ókeypis og eru allir velkomnir.

17. október 2024

Vetrarfrí og frídagar

Fimmtudag og föstudag í næstu viku (24. og 25. október) og mánudag og þriðjudag í þarnæstu viku (28. og 29. október) fellur kennsla niður í Tónlistarskólanum. Annars vegar er um að ræða frídaga í samræmi við ákvæði kjarasamninga um styttingu vinnuviku og hins vegar vetrarfrí sem fellur á sömu daga og vetarfrí í grunnskólum bæjarins.

17. október 2024

Skólatónleikar í Salnum á mánudag

Skólatónleikar verða haldnir í Salnum mánudaginn 21. október og hefjast þeir kl. 19:00. Aðgangur að tónleikunum er ókeypis og eru allir velkomnir.

21. ágúst 2024

Skólasetning og fyrsti kennsludagur

Skólinn verður settur í Salnum mánudaginn 26. ágúst kl. 17:00. Fyrsti kennsludagur er þriðjudaginn 27. ágúst.

Nemendur eru beðnir um að senda stundaskrár sínar úr almennu skólunum á netfangið tonlistarskoli@tonlistarskoli.is sem allra fyrst eða skila þeim á skrifstofu skólans.

Þann 29. maí var Tónlistarskóla Kópavogs slitið í sextugasta sinn og lauk þar með viðburðaríku afmælisári. Það hófst formlega með hátíðarsamkomu í Salnum þann 1. nóvember, en þann dag voru 60 ár liðin frá því skólinn tók til starfa. Dagskráin samanstóð af tónlistarflutningi kennara og nemenda, núverandi og fyrrverandi, og svipmyndir voru sýndar úr sögu skólans. Guðríður Helgadóttir, formaður stjórnar Tónlistarskólans stýrði samkomunni og ávörp fluttu Árni Harðarson, skólastjóri, og Ásdís Kristjánsdóttir, bæjarstjóri, sem færði skólanum afmælisgjöf fyrir hönd bæjarstjórnar.

Hér á myndasíðu má sjá ljósmyndir Jóns Svavarssonar frá hátíðarsamkomunni.

4. júní 2024

Flautukór TK á leið til Sikileyjar

Á morgun heldur Flautukór Tónlistarskóla Kópavogs af stað í ellefu daga ferðalag til Ítalíu ásamt stjórnanda sínum Pamelu De Sensi. Förinni er heitið til Sikileyjar þar sem Flautukórinn mun taka þátt í Erasmus+ verkefni með nemendum úr tónlistarmenntaskóla í Enna. Auk þess mun hópurinn taka þátt í alþjóðlegri flautukeppni "Angelo Faja". Efnisskrá Flautukórsins er fjölbreytt og flutti hópurinn hluta hennar á tónleikum í Salnum fyrr í kvöld við góðar undirtektir áheyrenda.

29. maí 2024

Skólaslit og afhending einkunna í dag

Skólaslit Tónlistarskóla Kópavogs verða í dag og hefst athöfnin í Salnum kl. 17.

27. maí 2024

Framhaldsprófstónleikar Arndísar Ingu Sveinsdóttur í Salnum þriðjudaginn 28. maí

Á morgun, þriðjudaginn 28. maí kl. 20:00, mun Arndís Inga Sveinsdótttir, þverflautuleikari, halda framhaldsprófstónleika sína í Salnum. Á efnisskránni eru verk eftir C. Debussy, J.S. Bach, C. Bolling og Y. Hamami. Meðleikari á tónleikunum er Helga Bryndís Magnúsdóttir, píanóleikari. Kennari Arndísar Ingu er Pamela De Sensi. Aðgangur að tónleikunum er ókeypis og eru alir velkomnir.

20. maí 2024

Framhaldsprófstónleikar Margrétar Teklu Arnfríðardóttur, hörpuleikara

Á efnisskránni eru verk eftir Bochsa, Corri-Dussek, Natra, Persichetti og Debussy. Aðgangur að tónleikunum er ókeypis og allir velkomnir á meðan húsrúm leyfir.

12. maí 2024

Tvennir framhaldsprófstónleikar í Salnum á þriðjudag

Þriðjudaginn 14. maí kl. 19:00 heldur Karen Sól Halldórsdóttir, þverflautuleikari, framhaldsprófstónleika í Salnum. Á efnisskránni eru verk eftir A. Honegger, Valgeir Guðjónsson, V. Persichetti, J. Cohen, I .Clarke og C.M. Widor. Meðleikarar hennar á tónleikunum eru Jakob Freyr Einarsson, píanóleikari, Margrét Tekla Arnfríðardóttir, hörpuleikari, Sólborg Valdimarsdóttir, píanóleikari og félagar Karenar Sólar úr Flautukór Tónlistarskóla Kópavogs..

Síðari tónleikarnir á þriðjudaginn eru framhaldsprófstónleikar Örnu Aspar Bjarnadóttur, þverflautuleikara, og hefjast þeir í Salnum kl. 20:15. Á efnisskránni eru verk eftir C. Debussy, C. McMichael, A. Piazzolla og C. Chaminade. Meðleikari á tónleikunum er Helga Bryndís Magnúsdóttir, píanóleikari.

Frmhaldsprófstónleikar Karenar Sólar og Örnu Aspar eru hluti framhaldsprófs þeirra frá skólanum. Kennari þeirra beggja er Pamela De Sensi.

Aðgangur að tónleikunum er ókeypis og eru allir velkomnir.

12. maí 2024

Vortónleikar tónversnemenda

Á morgun, mánudaginn 13. maí, verða vortónleikar tónversnemenda haldnir í Salnum og hefjast þeir kl. 20:00. Á tónleikunum verður frumfluttur fjöldi nýrra tónsmíða nemenda. Aðgangur er ókeypis og allir eru velkomnir.

12. maí 2024

Hljóðfærakynning í Salnum á morgun

Hljóðfærakynning fyrir forskólanemendur og aðstandendur þeirra fer fram í Salnum á morgun, mánudaginn 13. maí og hefst kl. 17:00. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

5. maí 2024

Tvennir skólatónleikar í Salnum á morgun

Tvennir skólatónleikar verða haldnir í Salnum á morgun, mánudaginn 6. maí. Fyrri tónleikarnir hefjast kl. 18:00 og þeir seinni kl. 19:15. Aðgangur að tónleikunum er ókeypis og eru allir velkomnir.

26. apríl 2024

Frídagar í næstu viku

Mánudaginn 29. apríl og þriðjudaginn 30. apríl verður frí í tónlistarskólanum vegna vinnutímastyttingar kennara. Á verkalýðsdaginn 1. maí er einnig frí.

22. apríl 2024

Tvennir skólatónleikar í Salnum í dag

Tvennir skólatónleikar verða haldnir í Salnum í dag. Fyrri tónleikarnir hefjast kl. 18:00 og þeir seinni kl. 19:15. Aðgangur að tónleikunum er ókeypis og eru allir velkomnir.

18. apríl 2024

Frábær árangur í konsertkeppni Nótunnar

Ásgerður Sara Hálfdanardóttir, píanónemandi, var valin ein af fimm sigurvegurum konsertkeppni Nótunnar 2024. Þetta er frábær árangur hjá Ásgerði sem stundar nám við Tónlistarskóla Kópavogs hjá dr. Nínu Margréti Grímsdóttur. Ásgerði og öðrum sigurvegurum í keppninni hefur verið boðið að leika einleik með Sinfóníuhljómsveit áhugamanna undir stjórn Oliver Kentish á tónleikum 23. nóvember 2024. Ásgerður mun leika 1. þátt píanókonserts Griegs.

Ásgerður Sara hefur komið víða fram innanlands og erlendis, m.a. í Hörpu, Salnum og Ráðhúsinu. Hún hefur unnið til fjölmargra verðlauna í píanókeppnum á undanförnum misserum, m.a. önnur verðlaun í Malmö Yamaha Piano Competition 2022, fyrstu verðlaun í Royal Sound Music Competition 2021 (online), þriðju verðlaun í VIII Odin Online International Music Competition 2022 (online), þriðju verðlaun í VIII EPTA Iceland keppninni 2021, fimmtu verðlaun í Future Stars International Piano Competition 2021 (online) og Gull verðlaun í Trinity International Music Competition 2021 (online).

Ásgerður hefur ennfremur komið fram í úrslitum 12th International Piano Competition for Young Musicians 2024 í Hollandi, Junior Nordic International Piano Competition í Svíþjóð 2023, Poros International Piano Academy & Festival í Grikklandi, EPTA-Belgium W-B competition – Rencontres Internationales des Jeunes Pianistes 2023 og French Connection Academy í Danmörku 2023. Hún hlaut einnig styrk til að taka þátt í 2024 Nice International Summer Academy í Frakklandi.

15. apríl 2024

Meistaranámskeið í Salnum í dag

Í dag, mánudaginn 15. apríl, mun ítalski píanóleikarinn Sebastiano Brusco leiðbeina sex píanónemendum skólans á meistaranámskeiði sem hefst kl. 18:30. Salnum verður lokað 18:30 og eru áheyrendur velkomnir fyrir þann tíma.

14. apríl 2024

Skólatónleikar á morgun, mánudag

Skólatónleikar verða haldnir í Salnum mánudaginn 15. apríl og hefjast þeir kl. 18:00. Aðgangur að tónleikunum er ókeypis og eru allir velkomnir.

12. apríl 2024

Svæðistónleikar Nótunnar í Salnum á morgun og konsertkeppni

Á morgun, laugardaginn 13. apríl, verða Svæðistónleikar Nótunnar 2024 fyrir höfuðborgarsvæðið, Reykjanes og Suðurland haldnir í Salnum. Haldnir verða þrennir tónleikar, kl. 11, 13 og 15, og alls munu fulltrúar 17 tónlistarskóla koma fram. Fjórir píanóleikarar verða fulltrúar Tónlistarskóla Kópavogs. Þetta eru Fróði Kristinn Þorvaldsson og Óskar Sigurbjörn Guðjónsson, sem flytja íslenska þjóðlagið Móðir mín í kví, kví, í útsetningu Richard Simm fyrir tvö píanó, og Brynja Finsen og Friðrik Kári Magnússon sem flytja Dans Anitru úr Pétri Gaut eftir Edvard Grieg, sömuleiðis í útsetningu Richard Simm fyrir tvö píanó. Bæði þessi atriði eru á dagskrá tónleikanna kl. 13.

Konsertkeppni Nótunnar fer einnig fram á morgun og munu keppendur leika á tónleikum í Allegro Suzukitónlistarskólanum kl. 10 og 11. Einn nemandi Tónlistarskóla Kópavogs tekur þátt í konsertkeppninni að þessu sinni og er það Ásgerður Sara Hálfdanardóttir, píanónemandi Nínu Margrétar Grímsdóttur, sem leikur á fyrri tónleikunum ásamt kennara sínum, píanókonsert í a-moll eftir Edvard Grieg.

Aðgangur að öllum tónleikunum er ókeypis og allir velkomnir á meðan húsrúm leyfir.

2. apríl 2024

Framhaldsprófstónleikar Hrafnhildar Davíðsdóttur

Á morgun, miðvikudaginn 3. apríl, heldur Hrafnhildur Davíðsdóttir, nemandi í píanóleik, framhaldsprófstónleika sína. Tónleikarnir eru síðasti hluti framhaldsprófs Hrafnhildar frá skólanum. Tónleikarnir verða í Salnum, Tónlistarhúsi Kópavogs, og hefjast kl. 20:00. Kennari Hrafnhildar er Birna Hallgrímsdóttir.

Á tónleikunum verða flutt verk eftir J. Haydn, F. Chopin, P.I. Thaikovsky, S. Rachmaninov, A. Piazzolla og D. Shostakovich. Meðleikarar á tónleikunum eru Sólborg Valdimarsdóttir, Sólveig Lára Davíðsdóttir og Vigdís Erla Davíðsdóttir.

Aðgangur að tónleikunum er ókeypis og eru allir velkomnir.

10. mars 2024

Óperusenur í flutningi söngnemenda

Mánudaginn 18. mars fluttu fjórtán nemendur úr Söngdeild Tónlistarskóla Kópavogs senur úr óperunum Così fan tutte, Brúðkaupi Fígarós og Töfraflautunni eftir Mozart. Helga Bryndís Magnúsdóttir lék með á píanó og flautuleikarinn Alma Bergrós Hugadóttir lék með í aríu Papagenós. Guðrún Jóhanna Ólafsdóttir söngkennari við skólann sviðsetti senurnar en Íslenska óperan lánaði skólanum búninga og leikmuni. Á myndasíðu má sjá nokkrar myndir úr sýningunni.

23. mars 2024

Ferð píanónemenda til Madrídar á vegum Erasmus+

Hópur níu nemenda og þriggja kennara er nýkominn heim frá Madríd á Spáni þar sem unnið var með kennurum og nemendum CIEM Federico Moreno Torroba tónlistarskólans. Allir píanókennarar spænska tónlistarskólans tóku þátt í samstarfinu, auk þess sem 10 spænskir píanónemendur unnu með íslensku nemendunum í verkum fyrir tvö píanó. Hópurinn hélt tvenna tónleika, fyrri þar sem íslensk tónlist var kynnt en líka blandaða efnisskrá ásamt með spænsku nemendunum. Á myndinni hér að ofan er íslenski hópurinn á götu í Madríd.

10. mars 2024

Skólatónleikar á mánudag og þriðjudag

Þrennir skólatónleikar verða haldnir í skólanum í vikunni. Fyrstu tónleikarnir fara fram í Salnum mánudaginn 11. mars og hefjast þeir kl. 19:30. Þriðjudaginn 12. mars verða tvennir tónleikar í Salnum, þeir fyrri hefjast kl. 18:00 og seinni tónleikarnir kl. 19:00. Aðgangur að tónleikunum er ókeypis og eru allir velkomnir.

25. febrúar 2024

Tvennir skólatónleikar í vikunni

Tvennir skólatónleikar verða haldnir í skólanum í vikunni. Fyrri tónleikarnir fara fram í Salnum mánudaginn 26. febrúar og hefjast þeir kl. 19:30. Seinni tónleikarnir verða í Salnum miðvikudaginn 28. febrúar og hefjast þeir kl. 18:00. Aðgangur að tónleikunum er ókeypis og eru allir velkomnir.

25. febrúar 2024

Tvennir skólatónleikar í vikunni

Tvennir skólatónleikar verða haldnir í skólanum í vikunni. Fyrri tónleikarnir fara fram í Salnum mánudaginn 26. febrúar og hefjast þeir kl. 19:30. Seinni tónleikarnir verða í Salnum miðvikudaginn 28. febrúar og hefjast þeir kl. 18:00. Aðgangur að tónleikunum er ókeypis og eru allir velkomnir.

13. febrúar 2024

Frídagar og vetrarfrí

Miðvikudag, fimmtudag og föstudag í þessari viku (14., 15. og 16. febrúar) og mánudag og þriðjudag í næstu viku (19. og 20. febrúar) fellur kennsla niður í Tónlistarskólanum. Annars vegar er um að ræða frídaga í samræmi við ákvæði kjarasamninga um styttingu vinnuviku og hins vegar vetrarfrí sem fellur á sömu daga og vetarfrí í grunnskólum bæjarins.

11. febrúar 2024

Skólatónleikar á morgun

Skólatónleikar verða haldnir í Salnum á morgun, mánudaginn 12. febrúar, og hefjast þeir kl. 19:30. Aðgangur að tónleikunum er ókeypis og eru allir velkomnir.

5. febrúar 2024

Skólatónleikar í dag

Skólatónleikar verða haldnir í Salnum í dag, mánudaginn 5. febrúar, og hefjast þeir kl. 19:30. Aðgangur að tónleikunum er ókeypis og eru allir velkomnir.

25. janúar 2024

Tónleikar Sinfóníuhljómsveitar tónlistarskólanna

Laugardaginn 27. janúar nk. kl. 16:00 heldur Sinfóníuhljómsveit tónlistarskólanna tónleika í Langholtskirkju og eru nemendur og forráðamenn þeirra hvattir til að láta þennan viðburð ekki fram hjá sér fara.

Hljómsveitina skipa tæplega 100 tónlistarnemar úr tónlistarskólum á höfuðborgarsvæðinu og nágrenni. Stjórnandi er Guðmundur Óli Gunnarsson. Einleikari með hljómsveitinni er Chadman Naimi sem stundar nám í píanóleik hjá dr. Nínu Margréti Grímsdóttur í Tónskóla Sigursveins.

Á tónleikunum verða flutt verða eftirtalin verk:

• J.S. Bach: Hljómborðskonsert í d-moll BWV 1052
• A. Dvorák, úts. V.F. Leidig: Lokaþáttur úr sinfóníu nr. 9 "Úr nýja heiminum"
• D. Sjostakovitsj: Vals nr. 2
• G. Bizet: L' Arlésienne svíta

Almennur aðgangseyrir er 3500 kr. en 2000 kr. fyrir nemendur og eldri borgara. Ókeypis er fyrir börn 12 ára og yngri. Aðgöngumiðar verða seldir við innganginn.

2. janúar 2024

Fyrsti kennsludagur eftir jólafrí

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans farsældar á nýju ári og þakkar samstarfið á árinu 2023. Kennsla að loknu jólaleyfi hefst samkvæmt stundaskrá fimmtudaginn 4. janúar 2024.