Tónlistarskóli Kópavogs


	Velkomin á heimasíðu Tónlistarskóla Kópavogs

FORSÍÐA

SKÓLINN

TILKYNNING UM FORFÖLL

UMSÓKN UM SKÓLAVIST

Fréttir og tilkynningar

13. maí 2012

Píanótónleikar í Safnaðarheimilinu

Þriðjudaginn 15. maí kl. 19.00 mun Harpa Dís Hákonardóttir, píanónemandi í framhaldsnámi, halda tónleika í kjallarasal Safnaðarheimilis Kópavogskirkju við Hábraut. Á efnisskránni eru verk eftir Johann Sebastian Bach, Joesph Haydn, Claude Debussy, Edvard Grieg og Moritz Moszkowski Aðgangur að tónleikunum, sem eru um 30 mínútna langir, er ókeypis og allir eru velkomnir.

13. maí 2012

Fernir skólatónleikar í vikunni

Eftirfarandi skólatónleikar verða haldnir í Salnum í vikunni.

Mánudaginn 14. maí, kl. 18:00. Á tónleikunum leika m.a. strengjasveit I undir stjórn Sigurðar Rúnars Jónssonar og hópur eldri Suzuki-fiðlunemenda.
Mánudaginn 14. maí, kl. 19:30. Nemendur á ýmsum aldri koma fram.
Þriðjudaginn 15. maí, kl. 18:00. Nemendur leika fjölbreytta tónlist.
Miðvikudaginn 16. maí, kl. 18:00. Nemendur á ýmsum námsstigum koma fram.

Aðgangur að tónleikunum er ókeypis og eru allir velkomnir.

11. maí 2012

Hátíð básúnunnar

Öllum básúnunemendum landsins býðst að taka þátt í básúnuhátíð sem fram fer í Tónlistarskóla Hafnarfjarðar og Salnum á morgun, laugardaginn 12. maí. Dagskráin hefst í Tónlistarskóla Hafnarfjarðar kl. 9 árdegis á upphitun undir leiðsögn spænska básúnuleikarans Javier Colomer, sem síðan leiðbeinir á masterklass-námskeiði til hádegis. Að lokinni hádegishressingu bregða básúnukennarar á leik á stuttum tónleikum. Ari Hróðmarsson mun að því búnu fjalla um "óhefðbundnar" aðferðir í tónlistarkennslu og tónlistarsköpun og mun stjórna samspili allra þátttakenda í stærsta básúnukór Íslandssögunnar.

Básúnuhátíðinni lýkur á tónleikum í Salnum, kl. 16-17, þar sem Javier Colomer og Ástríður Alda Sigurðardóttir leika verk fyrir bassabásúnu og píanó. Á seinni hluta tónleikanna kemur básúnukórinn fram undir stjórn Ara Hróðmarssonar og flytjur verk eftir Sigvalda Kaldalóns, Thorbjörn Egner og Ara Hróðmarsson.

9. maí 2012

Tónverið með tónsmíðar í Tónlistarsafninu

Föstudaginn 11. maí kl. 12:00 munu nemendur á fyrsta ári tónsmíða við Tónver Tónlistarskóla Kópavogs kynna tónsmíðar sínar í Tónlistarsafni Íslands (á neðri hæð Molans). Tónsmíðarnar eru unnar upp úr hljóðrituðum viðtölum við frumbyggja Kópavogs sem eru varðveitt í hljóðritasafni tónlistarsafnsins. Allar tónsmíðarnar eru unnar fyrir “surround” hljóðkerfi.

Þessi dagskrá er þáttur í Kópavogsdögum. Aðgangur er ókeypis.

6. maí 2012

Skólatónleikar í Salnum

Skólatónleikar verða haldnir í Salnum mánudaginn 7. maí, kl. 19:30. Efnisskrá er fjölbreytt og fram koma nemendur á ýmsum aldri. Aðgangur að tónleikunum er ókeypis og allir velkomnir.

27. apríl 2012

Vortónleikar forskóladeildar

Að undanförnu hafa forskólanemendur verið að undirbúa vortónleika forskóladeildarinnar sem haldnir verða í Salnum laugardaginn 28. apríl kl. 10:00, 11:15 og 12:15. Allir forskólanemendur koma fram á einum þessara tónleika. Aðgangur er ókeypis og eru allir velkomnir.

22. apríl 2012

Skólatónleikar á mánudag og þriðjudag

Tvennir skólatónleikar verða haldnir í Salnum í vikunni. Fyrri tónleikarnir eru á morgun, mánudaginn 23. apríl og hefjast kl. 19:30. Síðari tónleikarnir eru á þriðjudaginn 24. apríl og hefjast þeir kl. 18:00. Efnisskrá tónleikanna er fjölbreytt og eru allir velkomnir. Aðgangur er ókeypis.

14. apríl 2012

Strengjasveitartónleikar í Salnum

Miðvikudaginn 18. apríl kl. 18:00 heldur strengjasveit III, sem skipuð er elstu strokhljóðfæranemendum skólans, tónleika í Salnum. Stjórnandi sveitarinnar er Unnur Pálsdóttir. Á tónleikunum leikur strengjasveitin verk eftir Dimtri Kabalevsky, Leo Delibes, Leonard Bernstein og Alan Menken. Aðgangur að tónleikunum er ókeypis og eru allir velkomnir.

1. apríl 2012

Páskaleyfi

Páskaleyfi hefst mánudaginn 2. apríl. Kennsla að loknu páskaleyfi hefst samkvæmt stundaskrá þriðjudaginn 10. apríl.

25. mars 2012

Tvennir skólatónleikar á þriðjudag

Tvennir skólatónleikar verða haldnir í Salnum þriðjudaginn 27. mars og hefjast fyrri tónleikarnir kl. 18:00 en þeir síðari kl. 19:15. Efnisskrá tónleikanna er fjölbreytt og eru allir velkomnir. Aðgangur er ókeypis.

20. mars 2012

Bach-tónleikar í Salnum

Þrennir skólatónleikar með verkum eftir Bach verða haldnir í Salnum á morgun, miðvikudaginn 21. mars, í tilefni af 327 ára afmæli tónskáldsins. Fyrstu tónleikarnir hefjast kl. 18:00, þeir næstu kl. 19:00 og þriðju tónleikarnir verða kl. 20:00. Efnisskrá er fjölbreytt og allir eru velkomnir.

18. mars 2012

Skólatónleikar í Salnum

Skólatónleikar verða haldnir í Salnum, mánudaginn 19. mars, kl. 19:30. Aðgangur að tónleikunum er ókeypis og allir velkomnir.

12. mars 2012

Söngdeild flytur óperuna Dídó og Eneas

Óperan Dídó og Eneas eftir Henry Purcell verður frumsýnd í Salnum þriðjudaginn 13. mars nk. kl. 20:00. Seinni sýning óperunnar verður miðvikudaginn 14. mars nk. kl. 20:00. Flytjendur í aðalhlutverkum eru nemendur söngdeildar skólans, en einnig taka þátt í sýningunni dansarar frá Balletskóla Sigríðar Ármann. Hljóðfæraleikur í sýningunni er í höndum nemenda skólans og Listaháskólans auk kennara skólans. Leikstjóri sýningarinnar er Anna Júlíana Sveinsdóttir söngkennari. Í aðalhlutverkum eru Elín Arna Aspelund, Áslákur Ingvarsson og Bryndís Guðjónsdóttir. Aðgangur er ókeypis og eru allir velkomnir meðan húsrúm leyfir.

9. mars 2012

NÓTAN - uppskeruhátíð tónlistarskóla

Uppskeruhátíð tónlistarskólanna, NÓTAN, er nú haldin þriðja sinni. Sameiginlegir tónleikar tónlistarskóla á Suðurlandi, Suðurnesjum og á höfuðborgarsvæðinu utan Reykjavíkur, fara fram sunnudaginn 11. mars í Salnum. Haldnir verða þrennir tónleikar, þeir fyrstu kl. 11:30 með atriðum nemenda í grunnnámi, næstu kl. 13:00 með miðnámsnemendum og á síðustu tónleikunum, sem hefjast kl. 14:30, koma fram nemendur mið- og framhaldsnámi. Klukkan 16:00 verður lokaathöfn þar sem allir þátttakendur fá viðurkenningarskjal, auk þess sem veittar verða viðurkenningar fyrir framúrskarandi atriði. Verðlaunagripir eru auk þess veittir þeim sjö atriðum sem öðlast þátttökurétt á lokahátíð NÓTUNNAR í Hörpu sunnudaginn 18. mars nk. Fulltrúar Tónlistarskóla Kópavogs eru þrír og koma allir fram á tónleikunum kl. 14:30. Fulltrúar skólans eru Elísabet Ósk Bragadóttir, píanóleikari í miðnámi, sem flytur 1. þátt úr Sónötu Hob XVI/G1 eftir Josef Haydn, Anna Elísabet Sigurðardóttir, víóluleikari í miðnámi, sem flytur 1. þátt úr Konsert í c-moll eftir Johann Christian Bach og Þórður Kári Steinþórsson, nemandi í framhaldsnámi, í tölvutónlist sem flytur eigið verk, Ómvasa. Dagskrá allra þessara tónleika er mjög fjölbreytt og aðgangur ókeypis.

4. mars 2012

Skólatónleikar í Salnum

Skólatónleikar verða haldnir í Salnum miðvikudaginn 7. mars kl. 18:00. Aðgangur að tónleikunum er ókeypis og allir velkomnir.

29. febrúar 2012

Tónlistarveisla í Salnum á laugardaginn

Laugardaginn 3. mars verður sannkölluð tónlistarveisla í Salnum, þegar kennarar Tónlistarskóla Kópavogs standa fyrir tvennum tónleikum í TKTK röðinni.

Kl. 13:00 flytja Helga Bryndís Magnúsdóttir, píanóleikari, og Arnþór Jónsson, sellóleikari, tvö stórbrotin verk sellóbókmenntanna; Sónötu í e-moll op. 38 eftir Brahms og Sónötu op. 40 eftir Shostakovits.

Kl. 15.00 verða svo tónleikar fyrir tvö píanó og 20 fingur. Þá leika píanóleikararnir Brynhildur Ásgeirsdóttir og Guðríður St. Sigurðardóttir mjög spennandi efnisskrá með verkum fyrir tvö píanó; Sónötu í D-dúr K. 448 eftir W.A. Mozart, fimm smámyndir eftir bandaríska tónskáldið Jeffrey Lependorf og armenska rapsódíu
eftir tónskáldin Alexander Arutiunian og Arno Babadjanian. Tónlistin er afar litrík og skemmtileg og áhugavert að heyra víddina sem skapast í leik tveggja píanóa.

Kl. 12.30-13.00 og 14.00-15.00 munu nemendur Tónlistarskóla Kópavogs gleðja tónleika gesti með fjölbreyttum hljóðfæraleik í anddyri Salarins.

[ Meira um tónleika Arnþórs og Helgu Bryndísar ]

[ Meira um tónleika Brynhildar og Guðríðar ]

27. febrúar 2012

Hljóðfærakynning fyrir forskólanemendur

Hljóðfærakynning fyrir nemendur sem ljúka forskólanámi í vor og aðstandendur þeirra fer fram í Salnum þriðjudaginn 28. febrúar kl. 17.00. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

27. febrúar 2012

Tvennir skólatónleikar í Salnum í vikunni

Tvennir skólatónleikar verða haldnir í Salnum í þessari viku. Fyrri tónleikarnir verða í dag, mánudaginn 27. febrúar, kl. 19:30. Síðari tónleikarnir verða á morgun, þriðjudaginn 28. febrúar, og hefjast kl. 19:00. Aðgangur að tónleikunum er ókeypis og allir velkomnir.

22. febrúar 2012

Dagur tónlistarskólanna 25. febrúar

Tónlistarskóli Kópavogs heldur tónleika í Salnum kl. 11 á Degi tónlistarskólanna næstkomandi laugardag, 25. febrúar. Á efnisskrá eru bæði einleiksverk og samleiksverk. Valin verða atriði til þátttöku í Nótunni, uppskeruhátíð tónlistarskólanna. Aðgangur að tónleikunum er ókeypis og eru allir velkomnir.

13. febrúar 2012

Vetrarfrí

Vakin er athygli á því að vetrarfrí verður í Tónlistarskólanum mánudaginn 20. og þriðjudaginn 21. febrúar næstkomandi.

11. febrúar 2012

Skólatónleikar í Salnum

Skólatónleikar verða haldnir í Salnum mánudaginn 13. febrúar, kl. 19:30. Aðgangur að tónleikunum er ókeypis og allir velkomnir.

7. febrúar 2012

Raftónlist á Safnanótt

Föstudagskvöldið 10. febrúar nk. verður margt um að vera á Menningartorfunni í tilefni Safnanætur. Nemendur úr tónveri skólans taka þátt í dagskránni í Gerðarsafni og munu frumflytja ýmis raftónverk á milli kl. 21:00 og 22:00. Í safninu stendur yfir sýningin Sæborgin: Kynjaverur og ókindur og er tónlistarflutningurinn í tengslum við sýninguna. Aðgangur er ókeypis og allir velkomnir.

5. febrúar 2012

Skólatónleikar í Salnum

Nemendatónleikar verða haldnir í Salnum mánudaginn 6. febrúar kl. 19:30. Efnisskrá er fjölbreytt og allir eru velkomnir.

5. janúar 2012

Námskeið Sinfóníuhljómsveitar tónlistarskólanna

Námskeið Sinfóníuhljómsveitar tónlistarskólanna árið 2012 hefst 7. janúar nk. og lýkur námskeiðinu með tónleikum í Eldborgarsal Hörpu sunnudaginn 29. janúar. Búið er að skipa í öll sæti hljómsveitarinnar.

Flutt verða eftirtalin verk:

George Bizet: L'Arlésienne, Svíta fyrir hljómsveit
Pjotr Ilych Tsjhaíkovskíj: Pezzo capriccioso op. 62 fyrir selló og hljómsveit
Hjálmar H. Ragnarsson: Áfangar, verk fyrir kór og hljómsveit við samnefnt ljóð Jóns Helgasonar.
Jean Sibelius: Finlandia

Stjórnandi verður Guðmundur Óli Gunnarsson og einleikari á selló Ragnar Jónsson. Að þessu sinni hefur ST stofnað til samstarfs við Kóra Flensborgarskóla og Menntaskólans í Reykjavík sem munu syngja kórhlutverkin í Áföngum og Finnlandíu. Stjórnendur kóranna eru Hrafnhildur Blomsterberg og Guðlaugur Viktorsson.

Sjá æfingaáætlun.

Hlustunarefni má finna hér:

L'Arlésienne: Hljóðskrár (mp3)
Pezzo capriccioso: http://www.youtube.com/watch?v=u5TBurtuRPk
Finlandia: http://www.youtube.com/watch?v=gj9M_ud8Xr4

Miðasala er hafin á vef tónlistarhússins Hörpu

27. desember 2011

Fyrsti kennsludagur eftir jólafrí

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans farsældar á nýju ári og þakkar samstarfið á árinu 2011. Kennsla að loknu jólaleyfi hefst samkvæmt stundaskrá miðvikudaginn 4. janúar 2012.

12. desember 2011

Jólatónleikar í Salnum

Á næstunni verður mikið um að vera í skólanum. Margir kennarar eru með tónleika með sínum nemendum. Auk þess eru eftirfarandi jólatónleikar á dagskrá í Salnum þar sem hljóðfæra- og söngnemendur á ýmsum námsstigum koma fram.

Mánudaginn 12. desember kl. 18:00 leika strengjasveitir I og II undir stjórn Sigurðar Rúnars Jónssonar og auki þess munu nokkrir hljóðfæranemendur koma fram.
Miðvikudaginn 14. desember kl. 17:00 munu Suzuki-nemendur leika á ýmis hljóðfæri.
Miðvikudaginn 14. desember kl. 18:15.
Fimmtudaginn 15. desember kl. 18:00.
Mánudaginn 19. desember kl. 18:15.
Mánudaginn 19. desember kl. 19:30.
Þriðjudaginn 20. desember kl. 19:30.

Aðgangur að tónleikunum er ókeypis og eru allir velkomnir.

(Fréttinni hefur verið breytt frá því að hún birtist upphaflega.)

7. desember 2011

Lokað eftir hádegi á föstudag

Vegna útfarar Fjölnis Stefánssonar, fyrrverandi skólastjóra, fellur öll kennsla niður eftir hádegi föstudaginn 9. desember.

4. desember 2011

Skólatónleikar í Salnum á mánudag og þriðjudag

Tvennir skólatónleikar verða haldnir í Salnum í vikunni, hinir fyrri verða mánudaginn 5. desember kl. 19:30 en síðari tónleikarnir verða þriðjudaginn 6. desember kl. 18:00. Aðgangur að tónleikunum er ókeypis og allir velkomnir.

28. nóvember 2011

Þrennir skólatónleikar í Salnum í vikunni

Tvennir skólatónleikar verða haldnir í Salnum þriðjudaginn 29. nóvember nk. og hefjast fyrri tónleikarnir kl. 18:00 en þeir síðari kl. 19:00. Flytjendur eru á ýmsum stigum námsins og er efnisskráin fjölbreytt. Á tónleikum í Salnum miðvikudaginn 30. nóvember kl. 18:00 leikur strengjasveit III undir stjórn Unnar Pálsdóttur.

Aðgangur að öllum tónleikunum er ókeypis og eru allir velkomnir.

25. nóvember 2011

Jólatónleikar forskóladeildar

Að undanförnu hafa forskólanemendur verið að undirbúa jólatónleika forskóladeildar sem haldnir verða í Salnum laugardaginn 26. nóvember kl. 10:00 og 11:15. Þeir forskólanemendur sem koma fram fá upplýsingar hjá kennurum sínum um það hvenær þeir eiga að mæta. Hvorir tónleikar eru rúmlega hálfrar klukkustundar langir. Aðgangur er ókeypis og eru allir velkomnir.

22. nóvember 2011

Rand Steiger með fyrirlestur í Salnum

Rand Steiger, tónskáld og prófessor við Kaliforníuháskólann í San Diego, heldur fyrirlestur um tónsmíðar sínar fimmtudaginn 24. nóvember kl. 16.15 í Salnum.

Tónlist Rand Steigers sækir innblástur víða að og í ólíka þætti sem spanna allt frá náttúru og umhverfi til nýjustu tækniaðferða í raf- og tölvutónlist. Verk hans hafa verið flutt um allan heim og nýlega hlaut hann heiðursverðlaun frá American Academy of Arts and Letters. Rand Steiger var um árabil yfirmaður tónlistardeildar háskólans í San Diego og er nú gestatónskáld við Institute for Telecommunications and Information Technology (Calit2).

21. nóvember 2011

Tónleikaröð kennara: Kristinn H. Árnason

Gítarleikarinn Kristinn Árnason heldur tónleika í Salnum miðvikudaginn 23. nóvember klukkan 19.00. Tónleikarnir eru þeir fyrstu í tónleikaröð kennara Tónlistarskóla Kópavogs, TKTK, þennan veturinn. Aðgangur er ókeypis fyrir nemendur TK og aðstandendur. Almennt miðaverð er 1.000 kr.

Á efnisskrá tónleikanna eru verk sem spanna fimm aldir. Elst eru verk eftir spænska endurreisnartónskáldið Alonso Mudarra. Mudarra var prestur og tónlistarmaður sem starfaði lengstum við dómkirkjuna í Sevilla á þeim tíma þegar ríkidæmi Spánverja var í sem mestum blóma eftir landafundina. Einnig eru verk eftir enska endurreisnartónskáldið John Dowland, m.a. Galliard þáttur þar sem Dowland mærir sjóræningja að nafni Digorie Piper en hann vann sér helst til frægðar að herja á spænsk og dönsk kaupskip. Á tónleikum Kristins er einnig barokktónlist eftir Gaspar Sanz og J.S. Bach, útsetningar á þáttum úr ballettinum Þríhyrnda hattinum eftir Manuel de Falla auk verka eftir Enrique Granados og Isaac Albeniz en spænskir staðir og stemningar birtast ljóslifandi í verkum þeirra.

Skólinn vill eindregið hvetja nemendur til að mæta á þessa tónleika. Tónleikarnir Kristins taka um klukkustund.

[ Meira ]

19. nóvember 2011

Skólatónleikar á mánudag

Skólatónleikar verða haldnir í Salnum mánudaginn 21. nóvember kl. 19:30. Aðgangur að tónleikunum er ókeypis og allir velkomnir.

13. nóvember 2011

Tvennir skólatónleikar í Salnum

Skólatónleikar verða haldnir í Salnum mánudaginn 14. nóvember kl. 19:30 og þriðjudaginn 15. nóvember kl. 18:00. Aðgangur að tónleikunum er ókeypis og allir velkomnir.

8. nóvember 2011

Kynningarfundur fyrir foreldra strokhljóðfæranemenda

Kynningarfundur fyrir foreldra strokhljóðfæranemenda á 1. og 2. námsári verður haldinn í kjallarasal Safnaðarheimilis Kópavogskirkju við Hábraut fimmtudaginn 10. nóvember nk. kl. 20-21. Farið verður yfir skipulag námsins og ýmis hagnýt atriði við upphaf náms á strokhljóðfæri. Foreldrar eru hvattir til að mæta. Kaffi á könnunni.

6. nóvember 2011

Skólatónleikar í Salnum

Skólatónleikar verða haldnir í Salnum á morgun, mánudaginn 7. nóvember kl. 19:30. Aðgangur að tónleikunum er ókeypis og allir velkomnir.

26. október 2011

Tvennir skólatónleikar í Salnum

Tvennir skólatónleikar verða haldnir í Salnum í næstu viku. Fyrri tónleikarnir verða mánudaginn 31. október kl. 19:30 og síðari tónleikarnir miðvikudaginn 2. nóvember kl. 19:00. Aðgangur að tónleikunum er ókeypis og allir velkomnir.

11. október 2011

Vetrarfrí á fimmtudag og föstudag

Vetrarfrí verður í Tónlistarskólanum fimmtudaginn 13. og föstudaginn 14. október nk. og fellur kennsla niður þá daga.

11. október 2011

Þátttaka í Norrænum músíkdögum

Nemendur úr strengja- og gítardeildum Tónlistarskóla Kópavogs, ásamt nemendum úr Tónlistarskóla Hafnarfjarðar og Tónskóla Sigursveins, alls 90 börn og unglingar, komu fram á tónleikum á Norrænum músíkdögum þann 7. október sl. í Norðurljósasal Hörpu.

Flutt var tónverkið Velodrome eftir danska tónskáldið Östen Mikal Ore, sem jafnframt stjórnaði flutningnum. Um var að ræða frumflutning á nýrri útfærslu verksins. Tónleikarnir voru hinir glæsilegustu og þátttakan í þeim eftirminnileg reynsla fyrir krakkana.

[ Meira ]

3. október 2011

Kynningarfundur fyrir foreldra píanónemenda

Kynningarfundur fyrir foreldra píanónemenda á 1. og 2. námsári verður haldinn í kjallarasal Safnaðarheimilis Kópavogskirkju við Hábraut miðvikudaginn 5. október nk. kl. 20-21. Farið verður yfir skipulag námsins og ýmis hagnýt atriði við upphaf píanónáms. Foreldrar eru hvattir til að mæta. Kaffi á könnunni.

11. september 2011

Fyrstu tímar í tónfræðagreinum

Kennsla í tónfræðagreinum í grunn- og miðnámi hefst samkvæmt stundaskrá miðvikudaginn 14. september nk. og munu hljóðfærakennarar láta nemendur vita hvenær þeir eiga að mæta í tónfræðatíma. Nánari upplýsingar má einnig fá á skrifstofu skólans.

Kennsla í tónlistarsögu hefst þriðjudaginn 13. september kl. 17:00. Kennari er Ríkharður H. Friðriksson. Kennsla í hljómfræði og tónheyrn hefst miðvikudaginn 14. september. Arnþór Jónsson kennir tónheyrn í vetur og Atli Ingólfsson kennir hljómfræði. Nánari upplýsingar um kennslutíma í þessum tveimur greinum eru veittar á skrifstofu skólans.

11. september 2011

Upphaf kennslu í forskóladeild

Kennsla í forskóladeild hefst samkvæmt stundaskrá mánudaginn 12. september nk. Haft verður samband við nemendur og þeir boðaðir í fyrsta tímann.

9. ágúst 2011

Skólasetning

Tónlistarskóli Kópavogs verður settur í Salnum miðvikudaginn 24. ágúst kl. 17:00.

Nemendur eru beðnir um að skila stundaskrám sínum úr grunnskólum eða framhaldsskólum á skrifstofu skólans í síðasta lagi 24. ágúst.

19. júní 2011

Sumarleyfi

Skrifstofa Tónlistarskóla Kópavogs verður lokuð frá 20. júní til 8. ágúst 2011.

9. júní 2011

Framhaldstónleikar Victors Guðmundssonar í Salnum

Laugardaginn 11. júní n.k. heldur Victor Guðmundsson, píanóleikari, framhaldsprófstónleika sína frá Tónlistarskóla Kópavogs sem jafnframt eru hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs og hefjast kl. 17.00. Flutt verða verk eftir M. Moszkowski, J. Sibelius, G.F. Handel, E. Satie, E. Grieg og A. Khatschaturian. Aðgangur að tónleikunum er ókeypis og eru allir velkomnir.

26. maí 2011

Skólaslit

Skólaslit og afhending einkunna verða mánudaginn 30. maí nk. og hefst athöfnin í Salnum kl. 17:00.

26. maí 2011

Framhaldstónleikar Elvu Lindar Þorsteinsdóttur

Elva Lind Þorsteinsdóttir, söngnemandi, heldur framhaldsprófstónleika sína í Aðventkirkjunni við Ingólfsstræti, sunnudaginn 29. maí nk. kl. 20:00. Efnisskrá er fjölbreytt og er þar bæði að finna aríur og sönglög, meðal annars eftir Händel, Mozart, Schubert, Poulenc, Karl O. Runólfsson og Sigvalda Kaldalóns. Meðleikari Elvu Lindar er Helga Bryndís Magnúsdóttir, píanóleikari. Elín Arna Aspelund, söngnemandi, kemur einnig fram á tónleikunum. Aðgangur að tónleikunum er ókeypis og eru allir velkomnir.

25. maí 2011

Framhaldstónleikar Svövu Berglindar Finsen í Salnum

Föstudaginn 27. maí nk. heldur Svava Berglind Finsen, píanóleikari, framhaldsprófstónleika sína frá Tónlistarskóla Kópavogs sem jafnframt eru lokahluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Flutt verða verk eftir J.S. Bach, L.v. Beethoven, F. Chopin, C. Debussy og G. Gershwin. Aðgangur að tónleikunum er ókeypis og eru allir velkomnir.

25. maí 2011

Guðmundur Kári og Jón Ágúst með framhaldsprófstónleika í Salnum

Fimmtudaginn 26. maí nk. halda bræðurnir Guðmundur Kári Stefánsson, gítarleikari, og Jón Ágúst Stefánsson, píanóleikari, framhaldsprófstónleika sína frá Tónlistarskóla Kópavogs. Tónleikarnir eru jafnframt hluti framhaldsprófa þeirra við skólann.

Guðmundur Kári mun flytja verk eftir J.S. Bach, F. Sor, M. Giuliani, F. Tárréga, I. Albeniz og A. York.

Jón Ágúst mun flytja verk eftir G.F. Händel, W.A. Mozart, S. Prokofiev, B. Bartók og W. Lutoslawski. Meðleikarin hans er Helga Bryndís Magnúsdóttir, píanóleikari.

Tónleikarnir verða í Salnum, Tónlistarhúsi Kópavogs, og hefjast tónleikar Guðmundar Kára kl. 19.30 en tónleikar Jóns Ágústs kl. 20:30. Aðgangur að tónleikunum er ókeypis og eru allir velkomnir.

24. maí 2011

Þrennir tónleikar í Safnaðarheimilinu

Miðvikudaginn 25. maí munu þrír nemendur í framhaldsnámi halda stutta tónleika í sal Tónlistarskólans í Safnaðarheimilinu Borgum. Tónleikar Hilmu Kristínar Sveinsdóttur, klarínettuleikara verða kl. 17:30 og tónleikar Sólveigar Magnúsdóttur, þverflautuleikara hefjast kl. 18:15. Meðleikari þeirra er Ingunn Hildur Hauksdóttir, píanóleikari. Tónleikar Harðar Inga Gunnarssonar, óbóleikara, hefjast kl. 19:00 og með honum leikur Sólveig Anna Jónsdóttir, píanóleikari. Aðgangur að tónleikunum, sem hverjir eru um 30 mínútna langir, er ókeypis og allir eru velkomnir.

23. maí 2011

Framhaldstónleikar Steinunnar Völu Pálsdóttur í Salnum

Þriðjudaginn 24. maí nk. heldur Steinunn Vala Pálsdóttir þverflautuleikari, framhaldsprófstónleika sína frá Tónlistarskóla Kópavogs sem jafnframt eru lokahluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Flutt verða verk eftir J.M. Leclair, G. Bizet, M. Ravel, G, Fauré, Þorkel Sigurbjönrsson og P. Hindemith. Meðleikarar á tónleikunum eru Ingunn Hildur Hauksdóttir, píanóleikari, Guðrún Óskarsdóttir, semballeikar og Sólveig Magnúsdóttir, þverflautuleikari. Aðgangur að tónleikunum er ókeypis og eru allir velkomnir.

23. maí 2011

Skólatónleikar í Salnum í dag

Skólatónleikar verða haldnir í Salnum í dag, mánudaginn 23. maí kl. 18:00. Efnisskráin er fjölbreytt og fram koma nemendur á ýmsum aldri. Aðgangur að tónleikunum er ókeypis og eru allir velkomnir.

15. maí 2011

Vortónleikar Tónversnemenda

Árlegir vortónleikarnir Tónvers Tónlistarskóla Kópavogs verða haldnir í Salnum mánudaginn 16. maí kl. 20:00. Frumflutt verða verk nemenda Tónversins og er óhætt að lofa fjölbreyttum og skemmtilegum tónlistarviðburði. Aðgangur að tónleikunum er ókeypis og allir velkomnir.

11. maí 2011

Tónverið með tónsmíðar á Kópavogsdögum

Fimmtudaginn 12. maí kl. 17:00 munu nemendur á fyrsta ári tónsmíða við Tónver Tónlistarskóla Kópavogs kynna tónsmíðar sínar í Tónlistarsafni Íslands (á neðri hæð Molans). Tónsmíðarnar eru unnar upp úr hljóðrituðum viðtölum við frumbyggja Kópavogs sem eru varðveitt í hljóðritasafni tónlistarsafnsins. Allar tónsmíðarnar eru unnar með “surround” hljóðtækni.

Tónskáld og verk þeirra eru:

Áskell Harðarson - Kóphljóm 5’ 20 mín.
Bergþór Ólivert Thorstensen - Félagslíf 5’ 40 mín.
Guðmundur Már Gunnarsson - Sæból 1967 2’ 20 mín.
Jóakim Snær Sigurðarson - Óviðeigandi 4 mín.
Natalie Gunnarsdóttir - Shaman Boogie 5 mín.
Stefán Ólafur Ólafsson - Framfarafélagið 5 mín.
Þórður Kári Steinþórsson - ónefnt 4 mín.

Þessi dagskrá er þáttur í Kópavogsdögum. Aðgangur er ókeypis.

9. maí 2011

Barbara og börnin í Gerðarsafni

Á afmælisdegi Kópavogs, miðvikudaginn 11. maí, kl. 15:00 og 17:00, munu nemendur úr Tónlistarskóla Kópavogs koma fram í Gerðarsafni. Þar verða flutt lög úr bókinni Fimmtíu fyrstu söngvar sem Ingólfur Guðbrandsson gaf út árið 1960 með myndskreytingum eftir Barböru Árnason.

Vakin er athygli á því að aðgangur að sýningu á verkum Barböru Árnason í Gerðarsafni er ókeypis þennan dag. Sjá nánar um sýninguna á vef Gerðarsafns.

9. maí 2011

Vortónleikar strengja- og blásarasveita

Þriðjudaginn 10. maí munu strengjasveit yngri nemenda og blásasveit skólans halda tónleika í Salnum. Tónleikarnir hefjast kl. 18:00.

Efnisskrá tónleikanna er fjölbreytt og eru allir velkomnir meðan húsrúm leyfir.

6. maí 2011

Vortónleikar forskóla

Laugardaginn 7. maí verða vortónleikar forskóla haldnir í Salnum. Allir forskólanemendur koma fram. Tónleikarnir eru tvískiptir og verða haldnir kl. 10:00 og 11:15, en nemendur hafa fengið nánari upplýsingar um tímasetningu sinna tónleika.

15. apríl 2011

Páskaleyfi

Síðasti kennsludagur fyrir páska er laugardagurinn 16. apríl næstkomandi. Þriðjudagurinn 26. apríl er skipulagsdagur kennara en kennsla að afloknu páskaleyfi hefst samkvæmt stundaskrá miðvikudaginn 27. apríl.

3. apríl 2011

Þrennir skólatónleikar í Salnum

Þrennir skólatónleikar verða haldnir í Salnum í vikunni. Fyrstu tónleikarnir verða á morgun, mánudaginn 4. apríl, kl. 20:00 og síðan tvennir tónleikar þriðjudaginn 5. apríl, kl. 17:30 og 18:30. Fram koma nemendur á ýmsum aldri. Aðgangur að öllum tónleikunum er ókeypis og allir velkomnir.

23. mars 2011

Framhaldstónleikar Skúla Þórs Jónassonar í Salnum

Þriðjudaginn 29. mars nk. heldur Skúli Þór Jónasson, sellóleikari, framhaldsprófstónleika sína frá Tónlistarskóla Kópavogs sem jafnframt eru lokahluti framhaldsprófs hans við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Flutt verða verk eftir H. Eccles, C. Saint-Saëns, S, Rachmaninov og D. Shostakovits. Meðleikari á tónleikunum er Nína Margrét Grímsdóttir, píanóleikari. Aðgangur að tónleikunum er ókeypis og eru allir velkomnir

21. mars 2011

Tvennir skólatónleikar í Salnum

Skólatónleikar verða haldnir í Salnum á morgun, þriðjudaginn 22. mars kl. 19:00 og miðvikudaginn 23. mars kl. 18:00. Aðgangur að tónleikunum er ókeypis og allir velkomnir.

21. mars 2011

Hljóðfærakynning fyrir forskólanemendur

Hljóðfærakynning fyrir nemendur sem ljúka forskólanámi í vor og aðstandendur þeirra fer fram í Salnum þriðjudaginn 22. mars kl. 17.15. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

15. mars 2011

Tónleikaröð kennara: Tónleikaveisla í Salnum laugardaginn 19. mars 2011

Laugardaginn 19. mars nk. verða þrennir tónleikarnir í tónleikaröð kennara Tónlistarskóla Kópavogs:


Kl. 13:00	Ferðalag á framandi slóðir Pamela De Sensi, flauta Ingunn Hildur Hauksdóttir, píanó Frank Aarnink, slagverk Steef van Oosterhout, slagverk
Kl. 15:00	Portrett Ríkharður H. Friðriksson, rafhljóð, raddhljóð, umhverfishljóð, tölva og rafgítar
Kl. 17:00	Fjórir leika Tríó Elísabet Waage, harpa Guðrún Birgisdóttir, flauta Svava Bernharðsdóttir, víóla Þórir Jóhannsson, kontrabassi

Á milli tónleika flytja nemendur Tónlistarskóla Kópavogs fjölbreytta tónlist í anddyri Salarins. Einnig verður kaffisala til styrktar endurmenntunarsjóði kennara skólans.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá, og ekki spillir að sjá aðstandendur og velunnara skólans með í för.

[ Meira um Ferðalag á framandi slóðir ]

[ Meira um Portrett ]

[ Meira um Fjórir leika Tríó ]

13. mars 2011

Skólatónleikar á morgun

Skólatónleikar verða haldnir í Salnum á morgun, mánudaginn 14. mars. Á tónleikum leika nemendur á ýmsum aldri fjölbreytta tónlist. Aðgangur að tónleikunum er ókeypis og eru allir velkomnir.

8. mars 2011

NÓTAN - uppskeruhátíð tónlistarskóla

Uppskeruhátíð tónlistarskólanna, NÓTAN, er nú haldin öðru sinni. Sameiginlegir tónleikar tónlistarskóla á höfuðborgarsvæðinu, Suðurlandi og Suðurnesjum fara fram laugardaginn 12. mars í sal FÍH, Rauðagerði 27, Reykjavík. Haldnir verða þrennir tónleikar, þeir fyrstu kl. 11:00 með atriðum nemenda í grunnnámi, næstu kl. 13:00 með miðnámsnemendum og á síðustu tónleikunum, sem hefjast kl. 14:30, koma fram nemendur í framhaldsnámi. Að þeim tónleikum loknum verður stutt lokaathöfn þar sem allir þátttakendur fá viðurkenningarskjal. Verðlaunagripir eru auk þess veittir þeim atriðum sem öðlast þátttökurétt á lokahátíð NÓTUNNAR í Langholtskirkju laugardaginn 26. mars nk. Fulltrúi Tónlistarskóla Kópavogs verður Áskell Harðarson nemandi í framhaldsnámi í tölvutónlist og flytur hann eigið verk á tónleikunum kl. 14:30. Dagskrá allra þessara tónleika er mjög fjölbreytt og aðgangur ókeypis. Kaffiveitingar verða á boðstólum á milli tónleika.

6. mars 2011

Skólatónleikar í Salnum

Skólatónleikar verða haldnir í Salnum mánudaginn 7. mars, kl. 20:00. Fram koma nemendur á ýmsum aldri. Aðgangur að tónleikunum er ókeypis og allir velkomnir.

22. janúar 2011

Dagur tónlistarskólanna 26. febrúar

Tónlistarskóli Kópavogs heldur tónleika í Salnum kl. 14 á Degi tónlistarskólanna nk. laugardag, 26. febrúar. Á tónleikunum leika sex nemendur, sem eru að undirbúa framhaldspróf og framhaldsprófstónleika, sýnishorn af sínum efnisskrám. Flytjendur eru Guðmundur Kári Stefánsson, gítarleikari, Skúli Þór Jónasson, sellóleikari, Steinunn Vala Pálsdóttir, flautuleikari, og píanóleikararnir Jón Ágúst Stefánsson, Svava Berglind Finsen og Victor Guðmundsson. Meðleikari Skúla Þórs er Nína Margrét Grímsdóttir, píanóleikari.

Á efnisskrá tónleikanna eru m.a. verk eftir Johann Sebastian Bach, Béla Bartók, Edward Grieg, Ernesto Köhler, Camille Saint-Saëns og Aram Khatschaturian. Aðgangur að tónleikunum er ókeypis og eru allir velkomnir.

20. febrúar 2011

Vetrarfrí

Vakin er athygli á því að vetrarfrí verður í Tónlistarskólanum fimmtudaginn 24. og föstudaginn 25. febrúar næstkomandi.

17. febrúar 2011

Þrennir skólatónleikar í Salnum

Skólatónleikar verða haldnir í Salnum mánudaginn 21. febrúar, kl. 20:00 og miðvikudaginn 23. febrúar kl. 18:00 og 19:00. Efnisskrá allra tónleikanna er fjölbreytt og fram koma nemendur á ýmsum aldri. Aðgangur er ókeypis og allir velkomnir.

31. janúar 2011

Kennsla fellur niður vegna baráttufundar

Vegna baráttufundar tónlistarnema og tónlistarkennara "Samstaða um framtíð tónlistarskólanna" fellur kennsla niður í skólanum frá kl. 12 til kl. 16 á morgun, þriðjudaginn 1. febrúar. Kennt verður samkvæmt stundaskrá frá kl. 16. Nánari upplýsingar um fundinn má sjá á facebook síðunni "Samstaða um framtíð tónlistarskólanna".

30. janúar 2011

Skólatónleikar í Salnum

Næstu skólatónleikar verða haldnir í Salnum mánudaginn 31. janúar kl. 20:00. Aðgangur að tónleikunum er ókeypis og allir velkomnir.

25. janúar 2011

Tónleikar Sinfóníuhljómsveitar tónlistarskólanna

Laugardaginn 29. janúar nk. kl. 17:00 heldur Sinfóníuhljómsveit tónlistarskólanna tónleika í Langholtskirkju og eru nemendur og forráðamenn þeirra hvattir til að láta þennan viðburð ekki fram hjá sér fara.

Hljómsveitina skipa á annað hundrað tónlistarnemar úr tónlistarskólum á höfuðborgarsvæðinu og nágrenni. Stjórnandi er Guðmundur Óli Gunnarsson. Einleikari með hljómsveitinni er Joaquin Páll Palomares, fiðluleikari, og fyrrverandi nemandi Tónlistarskóla Kópavogs, sem stundar nú framhaldsnám í fiðluleik við Hanns Eisler tónlistarháskólann í Berlín.

Efnisskrá:

Rómeó og Júlía, fantasíuforleikur eftir Pjotr Ilych Tsjhaíkovskíj.
Svíta í rímnastíl fyrir einleiksfiðlu og strengjasveit eftir Sigursvein D. Kristinsson.
Introduction et Rondo Capriccioso fyrir einleiksfiðlu og sinfóníuhljómsveit eftir Camille Saint-Saëns.
Þættir úr West Side Story eftir Leonard Bernstein.

Almennur aðgangseyrir er 2000 kr. en 1000 kr. fyrir nemendur og eldri borgara. Aðgöngumiðar verða seldir við innganginn.

25. janúar 2011

Skólatónleikar í Salnum

Næstu skólatónleikar verða haldnir í Salnum miðvikudaginn 26. janúar kl. 18:00. Aðgangur að tónleikunum er ókeypis og allir velkomnir.

15. janúar 2011

Burtfarartónleikar Odds Vilhjálmssonar saxófónleikara

Þriðjudaginn 18. janúar 2011 heldur Oddur Vilhjálmsson, saxófónleikari, burtfararprófstónleika sína frá Tónlistarskóla Kópavogs sem jafnframt eru hluti framhaldsprófs han við skólann. Tónleikarnir verða í kjallarasal Safnaðarheimilis Kópavogskirkju og hefjast kl. 20.00. Flutt verða verk eftir J.S. Bach, A. Glazounov, P.I. Tchaikovsky, D. Milhaud, J. Rae og P Harvey. Aðgangur að tónleikunum er ókeypis og eru allir velkomnir

5. janúar 2011

Sinfóníuhljómsveit tónlistarskólanna

Hljómsveitarnámskeið Sinfóníuhljómsveitar tónlistarskólanna hefst laugardaginn 8. janúar nk.Tilgangur námskeiðsins að gefa nemendum í mið- og framhaldsnámi kost á þjálfun í að spila í stórri hljómsveit. Námskeiðinu lýkur með tónleikum í Langholtskirkju laugardaginn 29. janúar nk. kl. 16.

Þetta er sjöunda starfsár Sinfóníuhljómsveitar tónlistarskólanna, sem er samstarfsverkefni Tónlistarskóla FÍH, Tónlistarskóla Hafnarfjarðar, Tónlistarskóla Kópavogs og Tónskóla Sigursveins D. Kristinssonar. Hljómsveitina skipa að þessu sinni um eitt hundrað tónlistarnemar, úr tónlistarskólum á höfuðborgarsvæðinuog nágrenni. Stjórnandi að þessu sinni er Guðmundur Óli Gunnarsson.

Viðfangsefni sveitarinnar eru:

Pyotr Ilych Tchaikovsky: Rómeó og Júlía
Camille Saint-Saëns: Introducton et Rondo Capriccioso
Sigursveinn D. Kristinsson: Svíta í rímnastíl
Leonard Bernstein: Þættir úr West Side Story

Æfingar

Æfingarnar fara fram í Tónlistarskóla FÍH, Rauðagerði 27, nema síðustu æfingarnar sem verða í Langholtskirkju. Sjá nánar í æfingaáætlun.

Æfingaáætlun (Word-skjal)

Fréttir 2010 Fréttir 2009 Fréttir 2008 Fréttir 2007

Fréttir 2006 Fréttir 2005 Fréttir 2004 Fréttir 2003

Efst á síðu

Tónskáld vikunnar

Snorri Sigfús Birgisson

Snorri Sigfús Birgisson fæddist í Kaupmannahöfn 29. apríl 1954. Hann hóf píanónám hjá Gunnari Sigurgeirssyni í Reykjavík en innritaðist síðar í Tónlistarskólann í Reykjavík þar sem hann lærði á píanó hjá Hermínu S. Kristjánsson, Jóni Nordal og Árna Kristjánssyni. Einnig stundaði hann nám í tónsmíðum hjá Þorkeli Sigurbjörnssyni. Snorri lauk einleikaraprófi á píanó árið 1974.
Veturinn 1974-1975 stundaði Snorri framhaldsnám í píanóleik við Eastman School of Music í Bandaríkjunum hjá Barry Snyder en hélt síðan til Oslóar til frekara náms í tónsmíðum og ekektrónískri tónlist. Á árunum 1976-1978 bjó hann í Amsterdam þar sem hann lærði tónsmíðar hjá Ton de Leeuw. Auk þess dvaldist hann eitt ár í París og annað ár í London. Frá því að Snorri Sigfús kom heim frá námi árið 1980 hefur hann starfað sem tónskáld, píanóleikari, tónlistarkennari og stjórnandi í Reykjavík.
Snorri Sigfús Birgisson hefur samið einleiksverk, raftónlist, kórtónlist, kammertónlist, sinfónísk verk og kennslumúsík. Hann skrifaði kennslubók í hljómfræði ásamt Guðmundi Hafsteinssyni og er sú bók víða kennd í tónlistarskólum.
Meðal tónverka hans eru Píanólög fyrir byrjendur, Caputkonsertar nr. 1 og 2, Hymni, Fegurð veraldar mun hverfa, Píanókonsert og Lausavísur sem samið var árið 2002 fyrir óbóleikarann Matthías Birgi Nardeau. Verkið frumfluttu Matthías og Snorri í Salnum 18. mars 2003 þegar Matthías lauk einleikaraprófi frá Tónlistarskólanum í Reykjavík.