Hljómsveitir nemenda

Í samræmi við aðalnámskrá tónlistarskóla leggur Tónlistarskóli Kópavogs áherslu á að nemendur hafi tækifæri til þátttöku í fjölbreyttum samleik, enda telur skólinn það einn grundvallarþáttinn í skólastarfinu. Hljómsveitarstarf er félagslega mikilvægt og til þess fallið að efla samkennd og tillitssemi, þroska eiginleika til samskipta og samstarfs, jafnframt því að styrkja ábyrgðartilfinningu og sjálfsvitund. Í slíku starfi gefst nemendum kostur á að kynnast tónbókmenntum umfram það sem unnt er í annarri kennslu innan skólans.

Strengjasveitir

Þegar nemendur á strokhljóðfæri hafa náð grundvallartökum á hljóðfæri sínu verður þátttaka í hljómsveitarstarfi hluti af náminu. Mörg undanfarin ár hafa verið þrjár strengjasveitir við skólann. 

Strengjasveit I er verið skipuð þeim nemendum sem hafa náð nægilegri færni til að leika í strengjasveit. Stjórnandi er Unnur Pálsdóttir. Strengjasveitin æfir í Fríkirkjunni Kefas.

Strengjasveit er skipuð þeim nemendum sem lengst eru komnir í náminu. Stjórnandi er Unnur Pálsdóttir.

Blásarasamspil

Nemendum á blásturshljóðfæri gefst kostur á ýmiss konar samspili, ýmist í blönduðum hópum eða með nemendum á sama hljóðfæri, svo sem básúnur, blokkflautur eða klarínettur.

Sérstök blásarasveit starfar ekki reglulega í vetur.