Tónlistarskóli Kópavogs


	Úr aðalnámskrá tónlistarskóla: Mennta- og menningarhlutverk tónlistarskóla er að
	-	veita öllum, sem þess æskja, færi á að kynnast tónlistarnámi af eigin raun
	-	skapa nemendum tækifæri til tónlistarflutnings, jafnt innan skóla sem utan

FORSÍÐA

Fréttir 2009

18. desember 2009

Jólaleyfi

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans gleðilegra jóla og farsæls nýs árs og þakkar samstarfið á árinu 2009. Skrifstofa skólans verður lokuð í jólaleyfi og opnar aftur mánudaginn 4. janúar 2010. Kennsla að loknu jólaleyfi hefst samkvæmt stundaskrá þann dag.

13. desember 2009

Jólatónleikar í þessari viku

Í þessari viku verður mikið um að vera í skólanum. Ýmsir kennarar eru með jólasamspil eða tónleika með sínum nemendum. Auk þess eru eftirfarandi jólatónleikar á dagskrá.

Þessir tónleikar í Salnum:

Mánudaginn 14. desember kl. 18:00 munu nemendur leika á ýmis hljóðfæri.
Þriðjudaginn 15. desember kl. 18:00 leikur strengjasveit II undir stjórn Ásdísar H. Runólfsdóttur og auk þess munu nokkrir hljóðfæra- og söngnemendur koma fram.
Þriðjudaginn 15. desember kl. 19:00 munu nemendur leika á ýmis hljóðfæri.
Þriðjudaginn 15. desember kl. 20:30 verða tónleikar á vegum Nemendafélagsins.
Fimmtudaginn 17. desember kl. 20:00 munu nemendur leika á ýmis hljóðfæri.

Þessir tónleikar verða í Kópavogskirkju

Miðvikudaginn 16. desember kl. 17:00 munu Suzuki-fiðlunemendur leika.
Fimmtudaginn 17. desember kl. 18:00 munu hljóðfæra- og söngnemendur á ýmsum námsstigum koma fram.

Aðgangur að tónleikunum er ókeypis og eru allir velkomnir:

8. desember 2009

Jólatónleikar í Salnum á miðvikudag

Jólatónleikar verða haldnir í Salnum miðvikudaginn 9. desember, kl. 18:00. Aðgangur að tónleikunum er ókeypis og allir velkomnir.

30. nóvember 2009

Jólatónleikar forskóladeildar

Að undanförnu hafa forskólanemendur verið að undirbúa jólatónleika forskóladeildar sem haldnir verða í Salnum laugardaginn 5. desember kl. 10:00 og 11:15. Allir forskólanemendur koma fram og fá þeir upplýsingar hjá kennurum sínum um það hvenær þeir eiga að mæta. Hvorir tónleikar eru rúmlega hálfrar klukkustundar langir. Aðgangur er ókeypis og eru allir velkomnir.

30. nóvember 2009

Skólatónleikar í Salnum

Tvennir skólatónleikar verða haldnir í Salnum miðvikudaginn 2. desember. Fyrri tónleikarnir hefjast kl. 18:00 og þeir seinni kl. 19:00. Aðgangur að tónleikunum er ókeypis og allir velkomnir.

27. nóvember 2009

Tónleikaröð kennara: Tónlist frá hjartanu

Tónlist frá hjartanu er yfirskrift fyrstu tónleika TKTK í vetur. Tónleikarnir verða í Salnum laugardaginn 28. nóvember og hefjast kl. 13:00. Það eru þau Ingibjörg Guðjónsdóttir sópran, Sólveig Anna Jónsdóttir píanóleikari og Hannes Guðrúnarson gítarleikari sem flytja tónlist eftir Mario Castelnuovo-Tedesco (1895-1968). Castelnuovo-Tedesco var ítalskur gyðingur sem flúði til Bandaríkjanna árið 1939 og hafði þar sitt lifibrauð af því að semja kvikmyndatónlist og kenna tónsmíðar. Á efnisskránni eru sönglög ýmist með gítar- eða píanóundirleik, einleiksverk fyrir gítar og fantasía fyrir gítar og píanó.

Aðgangur kr. 1000. Frítt fyrir nemendur Tónlistarskóla Kópavogs og forráðamenn þeirra. Einnig er ókeypis fyrir 16 ára og yngri.

22. nóvember 2009

Tvennir skólatónleikar í Salnum í vikunni

Skólatónleikar verða haldnir í Salnum mánudaginn 23. nóvember kl. 20:00. Flytjendur eru á ýmsum stigum námsins og er efnisskráin fjölbreytt. Tónleikar strengjasveitar III, sem skipuð er elstu strokhljóðfæranemendum skólans, verða haldnir í Salnum miðvikudaginn 25. nóvember kl. 18:00. Stjórnandi sveitarinnar er Unnur Pálsdóttir. Meginviðfangsefnin á tónleikunum eru Leikfangasinfónían eftir Leopold Mozart og þættir úr Concerto grosso op. 6, nr. 8 eftir Arcangelo Corelli. Einleikarar eru Þórdís Björt Sigþórsdóttir, fiðla, Elín Ásta Ólafsdóttir, fiðla, og Skúli Þór Jónasson, selló.

Aðgangur að báðum tónleikunum er ókeypis og allir velkomnir.

15. nóvember 2009

Skólatónleikar í Salnum

Skólatónleikar verða haldnir í Salnum þriðjudaginn 17. nóvember kl. 18:00. Aðgangur að tónleikunum er ókeypis og allir velkomnir.

27. október 2009

Vetrarfrí

Vakin er athygli á því að vetrarfrí verður í Tónlistarskólanum frá og með fimmtudegi 29. október til þriðjudags 3. nóvember. Kennsla hefst aftur samkvæmt stundaskrá miðvikudaginn 4. nóvember.

26. október 2009

Meistaranámskeið í Salnum

Í dag, mánudaginn 26. október kl. 18:00-20:00, mun ungverski píanóleikarinn László Baranyay leiðbeina nokkrum nemendum í píanóleik á meistaranámskeiði í Salnum. Námskeiðið fer fram á ensku og leikin verða verk eftir Chopin, Mozart og Sibelius. Eru nemendur hvattir til að koma og fylgjast með námskeiðinu.

25. október 2009

Skólatónleikar í Salnum

Skólatónleikar verða haldnir í Salnum þriðjudaginn 27. október kl. 18:00. Aðgangur að tónleikunum er ókeypis og allir velkomnir.

18. október 2009

Opið hús fyrsta vetrardag

Í upphafi þessa skólaárs eru 10 ár liðin frá því Tónlistarskóli Kópavogs flutti starfsemi sína í hið glæsilega Tónlistarhús Kópavogs, þar sem hann deilir húsi með Salnum. Af þessu tilefni verður haldin afmælishátíð laugardaginn 24. október, fyrsta vetrardag, í húsnæði skólans.

Hátíðin hefst í Salnum kl. 12.45 með lúðrablæstri og flutningi strengjasveitar skólans á Leikfangasinfóníu Leopolds Mozart. Að því loknu verður opið hús í skólanum þar sem gestum gefst kostur á að hlýða á nemendur leika tónlist í kennslustofum, kynnast tónsmíðum nemenda, skoða tæki og tól í tónverinu og þreyta krossapróf til að láta reyna á tónfræðakunnáttu sína. Þá mun nemendafélag skólans standa fyrir kaffiveitingum gegn vægu gjaldi.

Kl. 14.00 flytur hópur nemenda nýtt tónverk í Salnum, Stein í Tjarnarlundi, eftir Snorra Sigfús Birgisson við ljóð Steins Steinarr. Verkið er skrifað fyrir þverflautu, sópranblokkflautu, píanó, hljómborð, tvo gítara, tvær harmonikur, slagverk og söngraddir. Er þetta frumflutningur verksins.

Dagskránni lýkur með tónleikum í Salnum kl. 15.00. Á efnisskránni er einleiks- og kammerverk, þar sem nokkrir úr hópi efnilegra nemenda skólans koma fram.

Allir eru velkomnir á meðan húsrúm leyfir.

16. október 2009

Skólatónleikar í Salnum

Skólatónleikar verða haldnir í Salnum mánudaginn 19. október kl. 20:00. Aðgangur að tónleikunum er ókeypis og allir velkomnir.

16. september 2009

Burtfarartónleikar Eddu Maríu Elvarsdóttur, þverflautuleikara

Á morgun, fimmtudaginn 17. september heldur Edda María Elvarsdóttir, þverflautuleikari, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Flutt verða verk eftir E. Köhler, C.Ph.E. Bach, W.A. Mozart, C. Debussy og A. Honegger. Meðleikari Eddu Maríu á tónleikunum er Ingunn Hildur Hauksdóttir, píanóleikari. Aðgangur að tónleikunum er ókeypis og allir velkomnir.

6. september 2009

Upphaf kennslu í forskóladeild

Kennsla í forskóladeild hefst samkvæmt stundaskrá miðvikudaginn 9. september nk. Haft verður samband við nemendur og þeir boðaðir í fyrsta tímann.

6. september 2009

Fyrstu tímar í tónfræðagreinum

Kennsla í tónfræðagreinum í grunn- og miðnámi hefst samkvæmt stundaskrá mánudaginn 14. september nk. og munu hljóðfærakennarar láta nemendur vita hvenær þeir eiga að mæta í tónfræðatíma. Nánari upplýsingar má einnig fá á skrifstofu skólans.

Kennsla í tónlistarsögu hefst þriðjudaginn 8. september kl. 17:30. Kennari er Ríkharður H. Friðriksson. Kennsla í hljómfræði og tónheyrn hefst miðvikudaginn 9. september. Arnþór Jónsson kennir tónheyrn í vetur og Atli Ingólfsson kennir hljómfræði. Nánari upplýsingar um kennslutíma í þessum tveimur greinum eru veittar á skrifstofu skólans.

6. september 2009

Upphaf kennslu í forskóladeild

Kennsla í forskóladeild hefst samkvæmt stundaskrá miðvikudaginn 9. september nk. Haft verður samband við nemendur og þeir boðaðir í fyrsta tímann.

6. september 2009

Fyrstu tímar í tónfræðagreinum

21. ágúst 2009

Skólasetning

Tónlistarskóli Kópavogs verður settur í Salnum mánudaginn 24. ágúst kl. 17:00.

Nemendur eru beðnir um að skila stundaskrám sínum úr grunnskólum eða framhaldsskólum á skrifstofu skólans í síðasta lagi 25. ágúst.

22. júní 2008

Sumarleyfi

Skrifstofa Tónlistarskóla Kópavogs verður lokuð frá 22. júní til 10. ágúst 2009. Skólasetning verður mánudaginn 24. ágúst.

4. júní 2009

Skólaslit

Skólaslit og afhending einkunna verða mánudaginn 8. júní nk. og hefst athöfnin í Salnum kl. 17:00.

4. júní 2009

Píanótónleikar í Safnaðarheimilinu

Á morgun, föstudaginn 5. júní kl. 16.00 mun Elín Ásta Ólafsdóttir, píanónemandi í framhaldsnámi, halda tónleika í húsnæði Tónlistarskólans á jarðhæð Safnaðarheimilis Kópavogskirkju við Hábraut. Á efnisskránni eru verk eftir Johann Sebastian Bach, Hjálmar H. Ragnarsson og Jean Sibelius. Aðgangur að tónleikunum, sem eru um 30 mínútna langir, er ókeypis og allir eru velkomnir.

3. júní 2009

Píanó- og sellótónleikar í Salnum

Á morgun, fimmtudaginn 4. júní verða tvennir stuttir tónleikar í Salnum. Fyrri tónleikarnir hefjast kl. 17:00 og flytjendur eru Kristín Nanna Einarsdóttir og Sólbjört Sigurðardóttir, píanónemendur í miðnámi. Síðari tónleikarnir hefjast kl. 17:30 og á þeim leikur Sólrún Halla Einarsdóttir, sellónemandi í framhaldsnámi. Aðgangur að tónleikunum er ókeypis og allir eru velkomnir.

2. júní 2009

Söngdeild flytur óperuna Orfeifur og Evrídís

Söngdeild Tónlistarskóla Kópavogs mun flytja óperuna Orfeifur og Evrídís eftir C.W. Gluck í íslenskri þýðingu Þorsteins Valdimarssonar í Salnum, miðvikudaginn 3. júní og fimmtudaginn 4. júní kl. 20.00. Leikstjórn er í höndum Önnu Júlíönu Sveinsdóttur, söngkennara skólans, en píanóleik annast Krystyna Cortes. Aðgangur er ókeypis á meðan húsrúm leyfir.

[ Meira ]

31. maí 2009

Burtfarartónleikar Álfheiðar Björgvinsdóttur, píanóleikara

Þriðjudaginn 2. júní, heldur Álfheiður Björgvinsdóttir, píanóleikari, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Flutt verða verk eftir W.A. Mozart, M. Moszkowski, G. Gershwin, A. Khachaturian og F. Poulenc. Meðleikari Álfheiðar á tónleikunum er Steinunn Birna Ragnarsdóttir, píanóleikari. Aðgangur að tónleikunum er ókeypis og eru allir velkomnir.

29. maí 2009

Burtfarartónleikar Tinnu Bjarnadóttur, píanóleikara

Á morgun, laugardaginn 30. maí, heldur Tinna Bjarnadóttir, píanóleikari, burtfarartónleika sína frá Tónlistarskóla Kópavogs sem jafnframt eru síðasti hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 14.00. Flutt verða verk eftir J.S. Bach, W.A. Mozart, F. Chopin, B. Bartók og M. Moszkowski. Aðgangur að tónleikunum er ókeypis og eru allir velkomnir

28. maí 2009

Fjórir gítarnemendur leika í Salnum

Á morgun, föstudaginn 29. maí, halda fjórir gítarnemendur í framhaldsnámi tónleika í Salnum. Á fyrstu tónleikunum sem hefjast kl. 18.00 mun Börkur Smári Kristinsson, leika verk eftir Sanz, Giuliani og Tárrega. Tónleikar Björgvins Birkis Bjögvinssonar hefjast kl. 18:30 og flytur hann verk eftir de Visée, Tárrega og Villa-Lobos. Þriðju tónleikarnir hefjast kl. 19:00 og þar flytur Guðmundur Kári Stefánsson verk eftir Sanz, de Visée og J.S. Bach. Flytjandi á síðustu tónleikunum sem hefjast kl. 19:30 er Gunnlaugur Björnsson. Á efnisskrá hans eru verk eftir Giuliani, Villa-Lobos og Barrios Mangoré. Aðgangur að öllum tónleikunum er ókeypis og allir eru velkomnir.

27. maí 2009

Píanómaraþon

Á morgun, fimmtudaginn 28. maí fer fram árlegt píanómaraþon Tónlistarskóla Kópavogs. Að þessu sinni fer maraþonið fram í húsnæði Tónlistarskólans á jarðhæð Safnaðarheimilis Kópavogskirkju við Hábraut. Píanóleikurinn hefst kl. 13 og er áætlað að nemendur spili til kl. 20:00. Áheyrendur eru velkomnir meðan húsrúm leyfir.

27. maí 2009

Sellótónleikar í Salnum

Í dag, miðvikudaginn 27. maí kl. 18.00 mun Skúli Þór Jónasson, sellónemandi í framhaldsnámi, halda tónleika í Salnum. Steinunn Birna Ragnarsdóttir leikur með honum á píanó á tónleikunum. Á efnisskránni eru verk eftir H. Eccles, F. Chopin, G. Fauré og D. van Goens. Aðgangur að tónleikunum, sem eru rúmlega 30 mínútna langir, er ókeypis og allir eru velkomnir.

27. maí 2009

Þrennir skólatónleikar í dag

Þrennir skólatónleikar verða haldnir í Salnum í dag, miðvikudaginn 27. maí. Fyrstu tónleikarnir hefjast kl. 17:00 og á þeim leika Suzuki-fiðlunemendur. Á tónleikum kl. 19:00 og 20:00 leika nemendur á ólíkum aldri fjölbreytta tónlist á ýmis hljóðfæri. Aðgangur að tónleikunum er ókeypis og eru allir velkomnir.

25. maí 2009

Burtfarartónleikar Maríu Aspar Ómarsdóttur, þverflautuleikara

Á morgun, þriðjudaginn 26. maí, heldur María Ösp Ómarsdóttir, þverflautuleikari, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Aðrir flytjendur á tónleikunum eru Steinunn Birna Ragnarsdóttir, píanóleikari, Guðrún Óskarsdóttir, semballeikari, og Finnur Karlsson sem leikur á píanó. Flutt verða verk eftir B. Martinu, C. Saint-Saëns, J.S. Bach og Finn Karlsson. Aðgangur að tónleikunum er ókeypis og eru allir velkomnir

25. maí 2009

Þverflautu- og fiðlutónleikar

Á morgun, þriðjudaginn 26. maí, munu Steinunn Vala Pálsdóttir, þverflautunemandi, og Eva Hrund Hlynsdóttir, fiðlunemandi, sem báðar eru í framhaldsnámi, halda tónleika í Salnum. Tónleikar Steinunnar Völu hefjast kl. 17:30 og tónleikar Evu Hrundar hefjast kl. 18:00. Aðgangur að tónleikunum er ókeypis og allir eru velkomnir.

25. maí 2009

Tvennir skólatónleikar í dag

Tvennir skólatónleikar fara fram í Salnum í dag. Fyrri tónleikarnir hefjast kl. 19:15 og þeir síðari kl. 20:00. Aðgangur að tónleikunum er ókeypis og allir velkomnir.

18. maí 2009

Vortónleikar Tónvers TK

Árlegir vortónleikarnir Tónvers Tónlistarskóla Kópavogs verða haldnir í Salnum þriðjudaginn 19. maí kl. 20:00. Frumflutt verða verk nemenda Tónversins og er óhætt að lofa fjölbreyttum og skemmtilegum tónlistarviðburði. Aðgangur að tónleikunum er ókeypis og allir velkomnir.

17. maí 2009

Fiðlutónleikar í Salnum

Mánudaginn 18. maí kl. 19.30 mun Elín Ásta Ólafsdóttir, fiðlunemandi í framhaldsnámi, halda tónleika í Salnum. Steinunn Birna Ragnarsdóttir leikur með henni á píanó á tónleikunum. Á efnisskránni eru verk eftir J. Haydn, L.v. Beethoven og C. Böhm. Aðgangur að tónleikunum, sem eru um 30 mínútna langir, er ókeypis og allir eru velkomnir.

17. maí 2009

Strengjasveitir I og II halda tónleika í Salnum

Tónleikar tveggja yngri strengjasveita skólans verða haldnir í Salnum mánudaginn 18. maí kl. 18:00. Stjórnendur sveitanna eru Ásdís H. Runólfsdóttir og Unnur Pálsdóttir. Flutt verða ýmis verk sem æfð hafa verið í vetur. Aðgangur að tónleikunum er ókeypis og allir velkomnir.

8. maí 2009

Vortónleikar á Kópavogsdögum

Vortónleikar forskóladeildar og tvennir almennir vortónleikar verða á vegum Tónlistarskólans á Kópavogsdögum, auk þess sem Sálumessa eftir Karl Jenkins verður flutt í þriðja sinn. Tónleikarnir verða sem hér segir:

Laugardagur 9. maí kl. 10:00 í Salnum:
Fyrri vortónleikar forskóladeildar.

Sunnudagur 10. maí kl. 10:15 í Salnum:
Seinni vortónleikar forskóladeildar.

Sunnudagur 10. maí kl. 20:00 í Lindakirkju:
Sálumessa með japönsku ívafi eftir Karl Jenkins. Flytjendur eru Samkór Kópavogs, Skólakór Kársness og Strengjasveit Tónlistarskóla Kópavogs, ásamt einsöngvurum og einleikurum. Stjórnandi er Björn Thorarensen og konsertmeistari Hjörleifur Valsson.

Þriðjudagur 12. maí kl. 18:00 í Salnum:
Vortónleikar. Nemendur á ólíkum stigum námsins leika á ýmis hljóðfæri

Miðvikudagur 13. maí kl. 18:00 í Salnum:
Vortónleikar. Nemendur á ólíkum stigum námsins leika á ýmis hljóðfæri.

4. maí 2009

Skólatónleikar í Salnum

Skólatónleikar verða haldnir í Salnum miðvikudaginn 6. maí og hefjast þeir kl. 18:00. Efnisskrá tónleikanna er fjölbreytt og eru allir velkomnir. Aðgangur er ókeypis.

29. apríl 2009

Burtfarartónleikar Ragnheiðar Söru Grímsdóttur, sópran

Föstudaginn 1. maí nk. heldur Ragnheiður Sara Grímsdóttir, sópran, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Seltjarnarneskirkju og hefjast kl. 17.00. Píanóleikari á tónleikunum eru Krystyna Cortes, auk þess sem ýmsir hljóðfæraleikarar taka einnig þátt í tónleikunum. Á efnisskránni eru söngverk eftir Bach, Haydn, Mozart, Caccini, Tryggva M. Baldvinsson, Tchaikovsky, Grieg, Fauré, I. Gurney og fleiri. Aðgangur að tónleikunum er ókeypis og eru allir velkomnir

28. apríl 2009

Tvennir skólatónleikar í Salnum

Tvennir skólatónleikar verða haldnir í Salnum í þessari viku. Fyrri tónleikarnir verða miðvikudaginn 29. apríl, kl. 18:00 og þeir síðari fimmtudaginn 30. apríl, kl. 18:00. Aðgangur að tónleikunum er ókeypis og allir velkomnir.

22. apríl 2009

Burtfarartónleikar Önnu Hafberg, sópran

Sunnudaginn 26. apríl nk. heldur Anna Hafberg, sópran, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Aðrir flytjendur á tónleikunum eru Krystyna Cortes, píanóleikari, Stefán Þór Sigfinnsson, klarínettuleikari, og söngkonurnar Oddný Sigurðardóttir og Hulda Jónsdóttir. Á efnisskrá eru söngverk eftir Dowland, W.A. Mozart, Schubert, Rodrigo, Guðmund Óla Sigurgeirsson, Ólaf Axelsson, Haas, Brahms og Rossini. Aðgangur að tónleikunum er ókeypis og eru allir velkomnir.

20. apríl 2009

Skólatónleikar í Salnum

Skólatónleikar verða haldnir í Salnum miðvikudaginn 22. apríl kl. 18:00. Efnisskrá tónleikanna er fjölbreytt og fram koma nemendur á ýmsum aldri. Aðgangur að tónleikunum er ókeypis og allir velkomnir.

18. apríl 2009

Flaututónleikar í Salnum

Sunnudaginn 19. apríl kl. 14.00 mun Bryndís Pétursdóttir, þverflautunemandi í framhaldsnámi, halda tónleika í Salnum. Meðleikarar verða Ingunn Hildur Hauksdóttir, píanókennari, og María Ösp Ómarsdóttir, þverflautunemandi. Á efnisskránni eru verk eftir Georg Friedrich Händel, Wilhelm Friedemann Bach og Albert Périlhou. Aðgangur að tónleikunum, sem eru um 30 mínútna langir, er ókeypis og allir eru velkomnir.

14. apríl 2009

Stórtónleikar í Lindakirkju

Um næstu helgi munu nokkrir nemendur og kennarar Tónlistarskólans taka þátt í flutningi Sálumessu eftir Karl Jenkins undir stjórn Björns Thorarensen. Sálumessan verður flutt í Lindakirkju föstudaginn 17. apríl kl. 20 og laugardaginn 18. apríl kl. 17. Meðal annarra flytjenda eru Samkór Kópavogs, Skólakór Kársness, Kolbeinn Bjarnason, sem leikur á shakuhachi flautu, Elísabet Waage, hörpuleikari, og einsöngvararnir Ragnheiður Sara Grímsdóttir, Ingibjörg Ólafsdóttir og Guðrún Lóa Jónsdóttir. Konsertmeistari er Hjörleifur Valsson. Um er að ræða mjög áhugavert tónverk og eru nemendur og forráðamenn þeirra hvattir til að láta þennan viðburð ekki fram hjá sér fara.

Aðgöngumiðar verða seldir við innganginn. Miðaverð er 2500 kr. en 2000 kr. fyrir eldri borgara og öryrkja. Ókeypis er fyrir 14 ára og yngri.

13. mars 2009

Kennsla að loknu páskaleyfi

Kennsla að loknu páskaleyfi hefst samkvæmt stundaskrá þriðjudaginn 14. mars.

31. mars 2009

Tónleikaröð kennara: Þýskaland - Frakkland

Síðustu tónleikar í tónleikaröð kennara TK á þessu skólaári verða laugardaginn 4. apríl nk. kl. 13:00 í Salnum. Á þessum tónleikum, sem bera yfirskriftina Þýskaland - Frakkland, munu Rúnar Óskarsson, Hlín Pétursdóttir og Ingunn Hildur Hauksdóttir flytja tónverk fyrir klarínettu, píanó og söngrödd eftir Weber, Pierné, Poulenc og Schubert.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

29. mars 2009

Skólatónleikar í Salnum

Síðustu skólatónleikarnir fyrir páskafrí verða haldnir í Salnum miðvikudaginn 1. apríl kl. 18:00. Á tónleikunum verður leikin endurreisnar- og barokktónlist á sembal, blokkflautur og fiðlu, auk þess sem blásaraoktett flytur verk eftir Krommer. Aðgangur að tónleikunum er ókeypis og allir velkomnir.

3. mars 2008

Tónleikar Sinfóníuhljómsveitar tónlistarskólanna

Fimmtudaginn 5. mars nk. kl. 20:00 heldur Sinfóníuhljómsveit tónlistarskólanna tónleika í Langholtskirkju og eru nemendur og forráðamenn þeirra hvattir til að láta þennan viðburð ekki fram hjá sér fara.

Hljómsveitina skipa að þessu sinni nemendur úr Tónlistarskóla FÍH, Tónlistarskóla Hafnarfjarðar, Tónlistarskóla Kópavogs, Tónskóla Sigursveins D. Kristinssonar, Tónlistarskólanum í Reykjavík, Allegro-Suzukitónlistarskólanum, Tónlistarskóla Garðabæjar, Tónlistarskóla Reykjanesbæjar, Tónlistarskólanum á Akranesi og Suzukitónlistarskólanum í Reykjavík, alls um 70 tónlistarnemar.

Efnisskrá:

Fantasía Corelliana eftir Roberto Sierra
Sjö byltur svefnleysingjans eftir Harald Vigni Sveinbjörnsson
Þrír þættir úr sinfóníu nr. 5 í e-moll, op. 64 eftir Pyotr Ilyich Tchaikovsky

Einleikarar á gítar eru Snorri Hallgrímsson og Andri Eyjólfsson. Stjórnandi er Bernharður Wilkinson.

Almennur aðgangseyrir er 1000 kr. en 500 kr. fyrir nemendur og verða aðgöngumiðar seldir við innganginn.

2. mars 2009

Tónleikaröð kennara: Karnival dýranna

Laugardaginn 7. mars nk. kl. 13.00 verða fjórðu tónleikarnir í tónleikaröð kennara Tónlistarskóla Kópavogs á þessu starfsári. Á efnisskránni eru Flug býflugunnar eftir Rimsky-Korsakov og Karnival dýranna eftir Saint-Saëns. Tónleikarnir eru um klukkustundar langir.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

1. mars 2009

Hljóðfærakynning fyrir forskólanemendur

Hljóðfærakynning fyrir nemendur sem ljúka forskólanámi í vor og aðstandendur þeirra fer fram í Salnum þriðjudaginn 2. mars kl. 17.00. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

25. febrúar 2009

Meistaranámskeið og tónleikar á Píanódögum í Salnum

Ítalski píanóleikarinn Domenico Codispoti heldur einleikstónleika í Salnum föstudagskvöldið 27. febrúar nk. og hefjast þeir kl. 20. Á efnisskrá tónleikanna eru verk eftir Robert Schumann, Enrique Granados, Franz Liszt og Sergej Rachmaninov. Tónleikarnir marka upphaf Píanódaga í Salnum sem haldnir eru í samvinnu fjögurra tónlistarskóla á höfuðborgarsvæðinu. Það eru Tónlistarskóli Hafnarfjarðar, Tónlistarskóli Kópavogs, Tónlistarskólinn í Reykjavík og Tónskóli Sigursveins D. Kristinssonar sem standa að Píanódögunum.

Laugardaginn 28. febrúar og sunnudaginn 1. mars leiðbeinir Codispoti ungum píanóleikurum á meistaranámskeiði í Salnum. Námskeiðið stendur frá kl. 9:30 til 16:30 á laugardeginum og frá kl. 9.30 til 16:00 á sunnudeginum. Námskeiðið er öllum opið og án endurgjalds.

[ Meira ]

15. febrúar 2009

Tvennir skólatónleikar í vikunni

Tvennir skólatónleikar verða haldnir í Salnum miðvikudaginn 18. febrúar. Fyrri tónleikarnir hefjast kl. 18:00 og hinir síðari kl. 19:00. Efnisskrá tónleikanna er fjölbreytt og eru allir velkomnir. Aðgangur er ókeypis.

10. febrúar 2009

Gítartónleikar í Salnum

Laugardaginn 14. febrúar kl. 12:00 mun Gunnlaugur Björnsson, nemandi í framhaldsnámi í gítarleik, halda einleikstónleika í Salnum. Á efnisskránni eru sónata nr. 34 í d-moll eftir S.L. Weiss, fimm prelúdíur eftir Heitor Villa Lobos og Una Limosnita por Amor de Dios eftir Augustin Barrios Mangoré. Aðgangur að tónleikunum, sem eru um 50 mínútna langir, er ókeypis og allir eru velkomnir.

10. febrúar 2009

Píanótónleikar í Salnum

Skólatónleikar verða haldnir í Salnum laugardaginn 14. febrúar og hefjast þeir kl. 10:30. Á tónleikunum leika píanónemendur í mið- og framhaldsnámi fjölbreytta píanótónlist. Aðgangur er ókeypis og allir eru velkomnir.

20. janúar 2009

Nýjung: Suzuki sellókennsla

Tónlistarskóli Kópavogs býður upp á nýjan námsmöguleika í skólanum nú á vorönninni 2009. Þetta er Suzuki sellókennsla og kennari verður Haukur F. Hannesson. Haukur, sem nú er kominn til starfa í skólanum, hefur mörg undanfarin ár verið búsettur í Svíþjóð. Hann var frumkvöðull í Suzuki sellókennslu á Íslandi og hefur stundað hana víða um heim. Auk Suzuki sellókennslu hefur Haukur verið í forystu fyrir Suzukikennslu í heiminum og er nú bæði formaður Evrópska Suzukisambandsins og Alþjóða Suzukisambandsins.

Námið mun hefjast með foreldranámskeiði í sex vikur, þar sem bæði verða fyrirlestrar og hljóðfæraæfingar fyrir foreldra. Um mjög takmarkaðan fjölda nemenda er að ræða og fá þeir plássin sem fyrstir sækja um. Umsóknareyðublað er hægt að nálgast hér.

Það er skólanum mikið ánægjuefni að geta boðið Suzuki sellónám undir leiðsögn Hauks F. Hannessonar. Þetta er einstakt tækifæri sem vonandi margir hafa áhuga á að nýta.

3. janúar 2009

Tónleikaröð kennara: Barokktónlist

Laugardaginn 17. janúar nk. kl. 13.00 verða þriðju tónleikarnir í tónleikaröð kennara Tónlistarskóla Kópavogs á þessu starfsári. Þar mun Guðrún Óskarsdóttir, semballeikari, flytja tónverk eftir Henry Purcell, Johann Sebastian Bach, Domenico Scarlatti og François Couperin. Tónleikarnir eru um það bil klukkustundar langir.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]