Tónlistarskóli Kópavogs


	Úr aðalnámskrá tónlistarskóla: Mennta- og menningarhlutverk tónlistarskóla er að
	-	veita öllum, sem þess æskja, færi á að kynnast tónlistarnámi af eigin raun
	-	skapa nemendum tækifæri til tónlistarflutnings, jafnt innan skóla sem utan

FORSÍÐA

Fréttir 2006

16. desember 2006

Jólatónleikar dagana 18.- 20. desember

Síðustu daga fyrir jólafrí verða eftirtaldir jólatónleikar í skólanum. Aðgangur að tónleikunum er ókeypis og eru allir velkomnir:

Mánudaginn 18. desember kl. 20:00 munu nemendur leika á ýmis hljóðfæri.
Þriðjudaginn 19. desember kl. 20:30 verða flutt verk eftir nemendur sem stunda nám í Tónveri skólans.
Miðvikudaginn 20. desember kl. 20:00 munu nemendur leika á ýmis hljóðfæri.

Auk þess munu nokkrir kennarar halda tónleika eða jólasamspil með nemendum sínum þessa daga.

11. desember 2006

Jólatónleikar í þessari viku

Í þessari viku verða eftirfarandi jólatónleikar. Allir tónleikarnir verða haldnir í Salnum nema tónleikarnir föstudaginn 15. desember sem fram fara í Kópavogskirkju. Aðgangur að tónleikunum er ókeypis og eru allir velkomnir:

Þriðjudaginn 12. desember kl. 18:30 munu nemendur leika á ýmis hljóðfæri.
Miðvikudaginn 13. desember kl. 18:00 leika strengjasveitir I og II undir stjórn Unnar Pálsdóttir, auk þess sem blokkflautunemendur koma fram.
Fimmtudaginn 14. desember kl. 18:15 munu nemendur leika á ýmis hljóðfæri.
Föstudaginn 15. desember kl. 17:30 leikur málmblásarasveit undir stjórn Jóns Halldórs Finnssonar, klarínettunemendur flytja samleiksverk, auk þess sem nokkrir aðrir nemendur skólans koma fram. Áréttað skal að þessir tónleikar eru í Kópavogskirkju.

1. desember 2006

Skólatónleikar í Salnum

Nemendatónleikar verða haldnir í Salnum fimmtudaginn 7. desember kl. 18:15. Efnisskrá er fjölbreytt og allir eru velkomnir.

1. desember 2006

Jólatónleikar forskóladeildar

Jólatónleikar forskóladeildar verða haldnir í Salnum sunnudaginn 3. desember kl. 10:00, 11:00, 12:00 og 13:00 og laugardaginn 9. desember kl. 10:00, 11:00, 12:00 og 13:00. Allir forskólanemendur koma fram, þ.m.t. þeir nemendur Digranesskóla, Hjallaskóla, Kársnesskóla, Lindaskóla, Salaskóla og Snælandsskóla sem stunda fornám í samvinnu við Tónlistarskólann. Nemendur fá upplýsingar um það hvenær þeir eiga að mæta og hvar þeir eiga að sitja. Hverjir tónleikar eru um 30 mínútna langir. Aðgangur er ókeypis og eru allir velkomnir.

30. nóvember 2006

Tónleikaröð kennara: Sellóið á 20. öld - Selló og píanó

Þriðju tónleikar vetrarins í TKTK - Tónleikaröð kennara Tónlistarskóla Kópavogs - verða haldnir í Salnum laugardaginn 2. desember nk. kl. 13. Þar koma fram Sigurður Bjarki Gunnarsson sellóleikari og Nína Margrét Grímsdóttir píanóleikari. Á efnisskránni eru sónata fyrir selló og píanó eftir Claude Debussy, Myndir á þili eftir Jón Nordal og sónata fyrir selló og píanó eftir Dimitri Shostakovich.

[ Meira ]

28. nóvember 2006

Óbótónleikar Össurar Inga Jónssonar

Vakin er athygli á tónleikum Össurar Inga Jónssonar, nemanda í óbóleik, sem haldnir verða í Salnum fimmtudaginn 30. nóvember kl. 20:30. Össur Ingi hóf tónlistarnám sitt í forskóladeild Tónlistarskóla Kópavogs en hefur undanfarin ár lagt stund á óbóleik undir handleiðslu Eydísar Franzdóttur og er nú á framhaldsstigi námsins. Á tónleikunum mun Össur leika verk eftir G.F. Händel, F. Poulenc og Svein Lúðvík Björnsson. Meðleikari á tónleikunum er Ingunn Hildur Hauksdóttir, píanóleikari. Aðgangur að tónleikunum er ókeypis og allir eru velkomnir.

26. nóvember 2006

Þrennir skólatónleikar í Salnum

Tvennir tónleikar verða haldnir á vegum Tónlistarskólans þriðjudaginn 28. nóvember. Fyrri tónleikarnir hefjast kl. 18:30 og hinir síðari kl. 19:30. Þriðju tónleikarnir í vikunni verða haldnir fimmtudaginn 30. nóvember kl. 18:30. Aðgangur að tónleikunum er ókeypis og eru allir velkomnir.

25. nóvember 2006

Strengjasveitartónleikar í Salnum

Jólatónleikar strengjasveitar III, sem skipuð er elstu strokhljóðfæranemendum skólans, verða haldnir í Salnum sunnudaginn 26. nóvember kl. 17:00. Stjórnandi sveitarinnar er Unnur Pálsdóttir. Á efnisskrá er fyrsti þáttur úr Eine kleine Nachtmusik eftir W.A Mozart, jólakonsert eftir A. Corelli, Sveitin milli sanda eftir Magnús Blöndal Jóhannsson og syrpa úr West Side Story eftir L. Bernstein, auk nokkurra jólalaga. Einleikarar í jólakonsertinum eru Viktor Orri Árnason, Elín Ásta Ólafsdóttir og Skúli Þór Jónasson. Aðgangur að tónleikunum er ókeypis og eru allir velkomnir.

19. nóvember 2006

Skólatónleikar í Salnum

Tvennir skólatónleikar verða haldnir í Salnum þriðjudaginn 21. nóvember, þeir fyrri kl. 18:30 og þeir síðari kl. 19:30. Aðgangur að tónleikunum er ókeypis og eru allir velkomnir.

16. nóvember 2006

Góð frammistaða í píanókeppni EPTA

Dagana 8.-12. nóvember var haldin í Salnum píanókeppni á vegum Íslandsdeildar EPTA, Evrópusambands píanókennara. Keppnin var ætluð píanónemendum yngri en 25 ára og var keppt í þremur flokkum; miðnám (4.-5. stig), framhaldsnám (6.-7. stig) og háskólanám. Þátttakendur voru víða af landinu og fengu þeir æfingaaðstöðu hér í skólanum, en keppnin sjálf fór fram á sviði Salarins. Harpa Dís Hákonardóttir, 13 ára nemandi í Tónlistarskóla Kópavogs, var ein 12 þátttakenda í miðnámsflokknum. Harpa Dís stóð sig afar vel og komst í úrslit keppninnar. Var hún sér og kennara sínum, Brynhildi Ásgeirsdóttur, til sóma með frammistöðu sinni.

13. nóvember 2006

Tónleikaröð kennara: Saga dátans

Aðrir tónleikar vetrarins í Tónleikaröð kennara Tónlistarskóla Kópavogs verða haldnir í Salnum laugardaginn 17. nóvember næstkomandi kl. 13:00. Þar verður flutt verkið Saga dátans eftir Igor Stravinsky. Flytjendur eru Sif Tulinius, fiðla, Þórir Jóhannsson, kontrabassi, Rúnar Óskarsson, klarinett, Darren Stonham, fagott, Guðmundur Hafsteinsson, trompet, Jón Halldór Finnsson, básúna, og Kjartan Guðnason, slagverk. Stjórnandi er Árni Harðarson. Sögumaður er Halldór Gylfason, leikari.

[ Meira ]

13. nóvember 2006

Skólatónleikar í Salnum

Nemendatónleikar verða haldnir í Salnum mánudaginn 13. nóvember kl. 20:00. Aðgangur er ókeypis og allir velkomnir.

23. október 2006

Ekki vetrarfrí þetta skólaár

Að gefnu tilefni er vakin athygli á því að samkvæmt skóladagatali Tónlistarskólans er ekki gert ráð fyrir vetrarfrídögum þetta skólaár.

19. október 2006

Færeyskir gestir leika í Hjallakirkju

Um 30 strengjanemendur frá tónlistarskólanum í Þórshöfn í Færeyjum undir stjórn Bernharðs Wilkinsonar verða gestir Tónlistarskólans um helgina. Þeir munu meðal annars koma fram á tónleikum í Hjallakirkju næstkomandi sunnudag 22. október ásamt tveimur strengjasveitum Tónlistarskólans og hefjast tónleikarnir kl. 16:30. Aðgangur að tónleikunum er ókeypis og eru allir velkomnir.

9. október 2006

Nýtt efni á myndasíðu

Nú hafa verið settar á myndasíðu vefsins nokkrar ljósmyndir frá burtfarartónleikum á liðnu vori svo og myndir frá tónleikum strengjasveitar III í tilefni Spánarferðar.

2. október 2006

Semballinn kynntur í tali og tónum

Miðvíkudaginn 4. október nk. mun Guðrún Óskarsdóttir semballeikari kynna sembalinn í tali og tónum í Salnum, Tónlistarhúsi Kópavogs, milli kl. 18:00 og 19:00. Kennarar, nemendur og forráðamenn þeirra eru hvattir til að nýta sér tækifærið til að kynnast þessu áhugaverða hljóðfæri.

30. september 2006

Tónleikaröð kennara: Töfratónar

Fyrstu tónleikar vetrarins í Tónleikaröð kennara Tónlistarskóla Kópavogs verða haldnir í Salnum laugardaginn 7. október næstkomandi kl. 13:00. Flytjendur eru Guðrún Óskarsdóttir semballeikari, Eydís Franzdóttir óbóleikari og Kristín Mjöll Jakobsdóttir fagottleikari. Á efnisskrá eru verk eftir Louis Couperin, Thomas Vincent, Dan Lockair og Jónas Tómasson.

[ Meira ]

10. september 2006

Fyrstu tímar í tónfræðagreinum

Kennsla í tónfræðagreinum í grunn- og miðnámi hefst samkvæmt stundaskrá fimmtudaginn 14. september nk. og munu hljóðfærakennarar láta nemendur vita hvenær þeir eiga að mæta í tónfræðatíma. Nánari upplýsingar má einnig fá á skrifstofu skólans.

Kennsla í tónlistarsögu hefst þriðjudaginn 12. september kl. 19:00. Kennari er Ríkharður H. Friðriksson. Kennsla í hljómfræði og tónheyrn hefst miðvikudaginn 13. september. Arnþór Jónsson kennir tónheyrn í vetur og Atli Ingólfsson kennir hljómfræði. Nánari upplýsingar um kennslutíma í þessum tveimur greinum eru veittar á skrifstofu skólans.

24. ágúst 2006

Skólagjöld óbreytt frá fyrra ári

Stjórn Tónlistarskóla Kópavogs hefur ákveðið að skólagjöld fyrir skólaárið 2006-2007 verði hin sömu og undanfarin ár.

15. ágúst 2006

Skólasetning

Tónlistarskóli Kópavogs verður settur í Salnum mánudaginn 28. ágúst kl. 17:00.

Nemendur eru beðnir um að skila stundaskrám sínum úr grunnskólum eða framhaldsskólum á skrifstofu skólans í síðasta lagi 23. ágúst.

22. júní 2006

Sumarleyfi

Skrifstofa Tónlistarskóla Kópavogs verður lokuð í sumarleyfi starfsfólks frá 23. júní 2006 og opnar aftur mánudaginn 14. ágúst 2006.

22. júní 2006

Viðurkenningar við skólaslit 2006

Við skólaslit Tónlistarskóla Kópavogs 6. júní síðastliðinn voru nokkrum nemendum veittar viðurkenningar fyrir framúrskarandi námsárangur í vetur.

Eftirtöldum nemendum, sem hlutu einkunnina 10 í tónfræðagreinum, voru veittar viðurkenningar:

1. bekkur: Dagrún Ósk Jónasdóttir, nemandi í píanóleik, Helga K. Jónsdóttir, nemandi í píanóleik, Jóhann Gísli Ólafsson, nemandi í píanóleik, Sigrún Perla Gísladóttir, nemandi í fiðluleik, og Steinar Sigurðsson, nemandi í kornettleik.
2. bekkur: Gunnlaugur Helgi Stefánsson, nemandi í saxófónleik, Katrín Birna Sigurðardóttir, nemandi í píanóleik, og Margrét Unnur Guðmundsdóttir, nemandi í píanóleik.
3. bekkur: Agnes Jóhannesdóttir, nemandi í píanóleik, og Sunna Halldórsdóttir, nemandi í þverflautuleik.
4. bekkur: Jón Ágúst Stefánsson, nemandi í píanóleik.
6. bekkur: Skúli Þór Jónasson, nemandi í selló- og píanóleik.
Hljómfræði: Elín Ásta Ólafsdóttir, nemandi í fiðlu- og píanóleik.

Fyrir hæstu einkunn á grunn- og miðprófum hlutu eftirtaldir nemendur viðurkenningu:

Hörður Freyr Brynjarsson, grunnpróf í kontrabassaleik.
María Ösp Ómarsdóttir, miðpróf í þverflautuleik.

1. júní 2006

Skólaslit í Salnum þriðjudaginn 6. júní

Nemendur og aðstandendur þeirra eru minntir á að skólaslit og afhending einkunna verða þriðjudaginn 6. júní nk. og hefst athöfnin í Salnum kl. 17:00.

1. júní 2006

Burtfarartónleikar Solveigar Þórðardóttur, flautuleikara

Föstudaginn 2. júní nk. heldur Solveig Þórðardóttir, flautuleikari, burtfarartónleika frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða haldnir í Salnum, Tónlistarhúsi Kópavogs, og hefjast kl. 20:00. Með Solveigu á tónleikunum leika Sólveig Anna Jónsdóttir, píanóleikari, Stefán Þór Sigfinnsson, klarínettuleikari, og Össur Ingi Jónsson, óbóleikari. Á efnisskránni eru verk eftir C.P.E. Bach, Philippe Gaubert, Leonardo de Lorenzo og Robert Muczynski. Aðgangur að tónleikunum er ókeypis og eru allir velkomnir.

24. maí 2006

Söngtónleikar

Í dag, miðvikudag, heldur Helga Dýrfinna Magnúsdóttir, söngnemandi í miðnámi, stutta próftónleika í Salnum og hefjast þeir kl. 18:30. Á efnisskránni eru m.a. verk eftir Paisiello, Schubert, Eyþór Stefánsson, Sigvalda Kaldalóns og Emil Thoroddsen. Krystyna Cortes leikur með á píanó. Aðgangur er ókeypis og allir velkomnir.

22. maí 2006

Fjáröflunartónleikar strengjasveitar vegna ferðar til Spánar

Í kvöld kl. 20:00 mun strengjasveit III, sem síðar í vikunni heldur í tónleikaferð til Spánar, halda tónleika í Salnum þar sem flutt verður efni sem sveitin hefur æft undanfarið vegna ferðarinnar. Einleikari á fiðlu er Páll Palomares og stjórnandi Unnur Pálsdóttir. Á efnisskránni eru verk eftir Haydn, Vivaldi, Þorkel Sigurbjörnsson, Atla Heimi Sveinsson, Bizet og Menken.

Aðgangseyrir er 1.000 kr. en innifalið í þeirri fjárhæð eru kaffiveitingar í lok tónleikanna. Ágóði af tónleikunum rennur í ferðasjóð sveitarinnar.

20. maí 2006

Vortónleikar Tónvers Tónlistarskóla Kópavogs í Salnum í dag

Í dag, laugardaginn 20. maí, er komið að hinum árlegu vortónleikum nemenda í Tónveri Tónlistarskóla Kópavogs. Á prógramminu eru fjöldi glænýrra elektrónískra tónverka eftir nemendur og verða þau frumflutt á tónleikunum í dag. Verkin eru af öllum stærðum og gerðum en eiga það sameiginlegt að vera unnin á tölvur á einn eða annan hátt.

Tónleikarnir, sem verða haldnir í Salnum, Tónlistarhúsi Kópavogs, hefjast kl. 16.00 og aðgangur er ókeypis.

Höfundar verka eru:

Anna Þórsdóttir
Björn Þorleifsson
Fanný Hrund Þorsteinsdóttir
Finnur Karlsson
Freysteinn Gíslason
Guðmundur Óli Sigurgeirsson
Hörður Ýmir Einarsson
Hannes Þór Hafsteinsson
Magnús Kári Ingvarsson
Ragnar Ólafsson
Rattofer
Stefán Stefánsson
Viktor Orri Árnason
Þorkell Helgi Sigfússon
Þráinn Hjálmarsson
Örn Ýmir Arason

17. maí 2006

Burtfarartónleikar Eyrúnar Óskar Ingólfsdóttur, sópran

Fimmtudaginn 18. maí kl. 20.00 heldur Eyrún Ósk Ingólfsdóttir, sópran, burtfarartónleika frá Tónlistarskóla Kópavogs í Salnum, Tónlistarhúsi Kópavogs.

Eyrún Ósk Ingólfsdóttir hefur stundað tónlistarnám við Tónlistarskóla Kópavogs frá átta ára aldri, fyrst í forskóladeild en síðan lærði hún á píanó hjá Árna Harðarsyni og Nínu Margréti Grímsdóttur. Árið 2000 hóf hún söngnám í undir handleiðslu Önnu Júlíönu Sveinsdóttur og Krystynu Cortes. Eyrún Ósk hefur tekið þátt í fjórum óperuuppfærslum í skólanum. Hún söng La Musica í óperunni Orfeo eftir Monteverdi, titilhlutverkið í óperunni Amelía fer á ball eftir Menotti, hlutverk Næturdrottningarinnar í Töfraflautunni eftir Mozart og Madame Herz í óperunni Der Schauspieldirektor eftir Mozart. Hún hyggst halda áfram söngnámi við Listaháskóla Íslands í haust.

14. maí 2006

Burtfarartónleikar Láru Rúnarsdóttur, mezzósópran

Mánudaginn 15. maí kl. 20.30 heldur Lára Rúnarsdóttir, mezzósópran, burtfarartónleika frá Tónlistarskóla Kópavogs í Salnum, Tónlistarhúsi Kópavogs.

Lára Rúnarsdóttir hóf söngnám í Söngskólanum í Reykjavík, en hefur síðustu sex ár stundað söngnám undir handleiðslu Önnu Júlíönu Sveinsdóttur við Tónlistarskóla Kópavogs. Áður hafði hún stundað píanónám m.a. hjá Kristni Gestssyni. Lára hefur tekið þátt í nokkrum óperuuppfærslum í skólanum, m.a. Töfraflautunni eftir Mozart og Orfeo eftir Monteverdi. Samhliða söngnámi stundar Lára nám við Kennaraháskóla Íslands og starfar sem popptónlistarmaður.

Meðleikari Láru á tónleikunum í Salnum er Krystyna Cortes, píanóleikari. Efnisskrá tónleikanna er fjölbreytt og verða sungin verk eftir John Dowland, Henry Purcell, J.S. Bach, Franz Schubert, Richard Strauss, Gustav Mahler, Mario Castelnuovo Tedesco, Hjálmar H. Ragnarsson og W.A. Mozart. Aðgangur er ókeypis og eru allir velkomnir.

7. maí 2006

Vortónleikar í Salnum

Á morgun, mánudaginn 8. maí kl. 20:00, verða vortónleikar haldnir í Salnum. Þar leika strengjasveitir undir stjórn Ásdísar Runólfsdóttur og Unnar Pálsdóttur, auk þess sem nemendur á ýmsum stigum námsins koma fram. Aðgangur að tónleikunum er ókeypis og allir velkomnir.

7. maí 2006

Skólatónleikar í Salnum

Skólatónleikar verða haldnir í Salnum mánudaginn 8. maí, kl. 18:15. Aðgangur að tónleikunum er ókeypis og allir velkomnir.

28. apríl 2006

Tónleikaröð kennara: Frönsk 20. aldar píanótónlist fyrir tvo

Fimmtu og síðustu tónleikar vetrarins í Tónleikaröð kennara Tónlistarskóla Kópavogs verða haldnir í Salnum laugardaginn 6. maí næstkomandi kl. 13:00. Flytjandur eru píanóleikararnir Nína Margrét Grímsdóttir og Sólveig Anna Jónsdóttir. Á efnisskránni eru verk eftir frönsku tónskáldin Claude Debussy, Gabriel Fauré og Francis Poulenc. Öll verkin eru leikin fjórhent á píanó. Aðgangur er ókeypis fyrir nemendur og aðstandendur þeirra og eru þeir hvattir til að láta tónleikana ekki fram hjá sér fara.

[ Meira ]

17. apríl 2006

Kennsla að loknu páskaleyfi

Skólastarf að loknu páskaleyfi hefst á morgun, þriðjudaginn 18. apríl, og er kennt samkvæmt stundaskrá. Athygli er vakin á því að kennsla fellur niður fimmtudaginn 20. apríl 2006 sem er sumardagurinn fyrsti.

6. apríl 2006

Skólatónleikar í Salnum

Skólatónleikar verða haldnir í Salnum á morgun, föstudaginn 7. apríl, kl. 17:15. Aðgangur að tónleikunum er ókeypis og allir velkomnir.

29. mars 2006

Bastían og Bastíana í flutningi söngdeildar

Nemendur söngdeildar Tónlistarskóla Kópavogs munu flytja óperuna Bastían og Bastíana eftir Wolfgang Amadeus Mozart í Salnum á morgun, fimmtudaginn 30. mars. Flytjendur eru Ragnar Ólafsson, Fjóla Kristín Nikulásdóttir og Sigurjón Örn Böðvarsson. Leikstjóri er Anna Júlíana Sveinsdóttir og Krystyna Cortes leikur á píanó. Fyrir sýningu óperunnar leikur strengjasveit III undir stjórn Unnar Pálsdóttur lokaþátt úr sinfóníu nr. 86 eftir Franz Joseph Haydn og Carmen-svítu eftir George Bizet. Dagskráin hefst kl. 20:00. Aðgangur er ókeypis og allir velkomnir.

28. mars 2006

Skólatónleikar í Salnum

Skólatónleikar verða haldnir í Salnum í dag, þriðjudaginn 28. mars, kl. 18:15. Aðgangur að tónleikunum er ókeypis og allir velkomnir.

23. mars 2006

Tónleikaröð kennara: Bassaklarínetta

Fjórðu tónleikar vetrarins í Tónleikaröð kennara Tónlistarskóla Kópavogs verða haldnir í Salnum laugardaginn 1. apríl næstkomandi kl. 13:00. Flytjandi er Rúnar Óskarsson, klarínettuleikari. Á efnisskránni eru verk eftir Gerard Brophy, Þórólf Eiríksson, Tryggva M. Baldvinsson, Hilmar Þórðarson og Wayne Siegel, en allir eru þeir fæddir á síðari hluta 20. aldar. Elsta tónverkið á efnisskránni er frá árinu 1987 en nýjasta verkið, Sonoscopic Ocean eftir Hilmar Þórðarson, verður frumflutt á tónleikunum.

[ Meira ]

19. mars 2006

Skólatónleikar í Salnum

Skólatónleikar verða haldnir í Salnum miðvikudaginn 22. mars, kl. 19:30. Aðgangur að tónleikunum er ókeypis og allir velkomnir.

19. mars 2006

Hljóðfærakynning fyrir forskólanemendur

Hljóðfærakynning fyrir nemendur sem ljúka forskólanámi í vor og aðstandendur þeirra fer fram í Salnum þriðjudaginn 21. mars kl. 18.15. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

1. mars 2006

Tónleikaröð kennara: Rafstrengleikar

Þriðju tónleikar vetrarins í Tónleikaröð kennara Tónlistarskóla Kópavogs verða haldnir í Salnum laugardaginn 4. mars næstkomandi kl. 13:00. Flytjendur eru Ríkharður H. Friðriksson og Úlfar Haraldsson. Flutt verður raftónlist eftir Ríkharð H. Friðriksson, annars vegar fyrirfram samin verk á þrívíðu "surround" formi og hins vegar lifandi rafspunar fluttir af Ríkharði og Úlfari Haraldssyni á rafgítar og rafbassa, með góðri hjálp tölvutækninnar.

[ Meira ]

1. mars 2006

Skólatónleikar í Salnum

Skólatónleikar verða haldnir í Salnum föstudaginn 3. mars kl. 18:15. Aðgangur að tónleikunum er ókeypis og allir velkomnir.

22. febúar 2006

Norskir gestir halda tónleika

Laugardaginn 25. febrúar kl. 14:00 verða tónleikar í Salnum með Kammersveit Bærum tónlistarskólans (Bærum Kommune Musikk- og Kulturskole) í Noregi. Kammersveitina skipa 28 efnilegir nemendur skólans sem náð hafa góðri færni á hljóðfærin sín. Nemendurnir eiga það sameiginlegt að vera í sérstökum laugardagsskóla þar sem einungis lengra komnir nemendur stunda nám. Skólanum er skipt í tvo hluta, annars vegar píanóskóla og hins vegar hljómsveitarnám. Fulltrúar beggja hópanna munu koma fram á tónleikunum. Nýlega flutti Kammersveitin Mozart Requiem og Messu í G-dúr eftir Schubert og verður það að teljast mikið afrek fyrir þetta unga tónlistarfólk. Efnisskrá tónleikanna er fjölbreytt, allt frá Mozart til Mussorgsky, og óhætt að lofa góðri skemmtun. Aðgangur er ókeypis.

21. febrúar 2006

Vetrarfrí

Vakin er athygli á því að vetrarfrí verður í Tónlistarskólanum mánudaginn 27. og þriðjudaginn 28. febrúar næstkomandi. Kennt verður samkvæmt stundaskrá á öskudag, miðvikudaginn 1. mars.

12. febrúar 2006

Skólatónleikar í Salnum

Skólatónleikar verða haldnir í Salnum mánudaginn 13. febrúar, kl. 19:30. Aðgangur að tónleikunum er ókeypis og allir velkomnir.

30. janúar 2006

Söngdeild flytur tvo sprenghlægilega einþáttunga

Nemendur söngdeildar skólans munu sýna Leikhússtjórann eftir Wolfgang Amadeus Mozart og sápuóperuna Brostnar vonir eftir Douglas Moore í Salnum miðvikudaginn 1. febrúar 2006 kl. 20:00. Leikstjóri er Anna Júlíana Sveinsdóttir, söngkennari, og Krystyna Cortes leikur á sembal og píanó.

Í aðalhlutverkum eru Unnar Geir Unnarsson, Margrét Helga Kristjánsdóttir, Eyrún Ósk Ingólfsdóttir, Anna Hafberg, Bjartmar Þórðarson, Lára Rúnarsdóttir og Ragnar Ólafsson.

Aðgangur er ókeypis og eru allir velkomnir meðan húsrúm leyfir. Aðeins þessi eina sýning!

[ Meira ]

25. janúar 2006

Tónleikar Sinfóníuhljómsveitar tónlistarskólanna

Laugardaginn 28. janúar nk. kl. 16:00 heldur Sinfóníuhljómsveit tónlistarskólanna tónleika í Langholtskirkju.

Efnisskrá:

Camille Saint-Saëns: Dance Macabre
Arvo Pärt: Tabula rasa fyrir tvær einleiksfiðlur, strengjasveit og undirbúið píanó
Robert Schumann: Sinfónía nr. 4 í d-moll op. 120

Einleikarar á fiðlu eru Guðbjörg Hlín Guðmundsdóttir og Huld Hafsteinsdóttir. Stjórnandi er Daníel Bjarnason.

Almennur aðgangseyrir er 1000 kr. en 500 kr. fyrir nemendur og verða aðgöngumiðar seldir við innganginn.

2. janúar 2006

Kennsla að loknu jólaleyfi

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans farsæls nýs árs og þakkar samstarfið á árinu 2005. Kennsla að loknu jólaleyfi hefst þriðjudaginn 3. janúar 2006 samkvæmt stundaskrá.

2. janúar 2006

Sinfóníuhljómsveit tónlistarskólanna

Nemendur í strengjasveit III og nokkrir nemendur á blásturshljóðfæri taka um þessar mundir þátt í hljómsveitarnámskeiði á vegum Sinfóníuhljómsveitar tónlistarskólanna. Tilgangur námskeiðsins að gefa nemendum í mið- og framhaldsnámi kost á þjálfun í að spila í stórri hljómsveit. Námskeiðinu lýkur með tónleikum í Langholtskirkju laugardaginn 28. janúar nk. kl. 16.

[ Meira ]