Tónlistarskóli Kópavogs


	Úr aðalnámskrá tónlistarskóla: Mennta- og menningarhlutverk tónlistarskóla er að
	-	veita öllum, sem þess æskja, færi á að kynnast tónlistarnámi af eigin raun
	-	skapa nemendum tækifæri til tónlistarflutnings, jafnt innan skóla sem utan

FORSÍÐA

Fréttir 2007

27. desember 2007

Kennsla hefst fimmtudaginn 3. janúar 2008

Tónlistarskóli Kópavogs þakkar öllum þeim fjölmörgu nemendum sem komu fram á tónleikum á vegum skólans fyrir jólin, þar á meðal nemendum Jóns Halldórs Finnssonar sem hér hafa stillt sér upp ásamt kennara sínum að loknum tónleikum í safnaðarheimii Kópavogskirkju.

Tónlistarskólinn óskar nemendum, aðstandendum þeirra og velunnurum skólans farsældar á nýju ári og þakkar samstarfið á árinu 2007. Kennsla að loknu jólaleyfi hefst samkvæmt stundaskrá fimmtudaginn 3. janúar 2008.

19. desember 2007

Burtfarartónleikar Inger Bjarkar Ragnarsdóttur, þverflautuleikara

Á morgun, fimmtudaginn 20. desember, heldur Inger Björk Ragnarsdóttir, þverflautuleikari, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Með Inger Björk á tónleikunum leikur Sólveig Anna Jónsdóttir á sembal og píanó. Á efnisskrá eru verk eftir Bach, Honegger, Leclair, Mozart og Poulenc. Aðgangur að tónleikunum er ókeypis og eru allir velkomnir

9. desember 2007

Fjölmargir jólatónleikar framundan

Í þessari viku verða eftirfarandi jólatónleikar. Allir tónleikarnir verða haldnir í Salnum. Aðgangur að tónleikunum er ókeypis og eru allir velkomnir:

Þriðjudaginn 11. desember kl. 18:15 munu nemendur leika á ýmis hljóðfæri.
Miðvikudaginn 12. desember kl. 18:30 eru strengjasveitartónleikar þar sem strengjasveit I leikur undir stjórn Ásdísar H. Runólfsdóttur og strengjasveit II undir stjórn Unnar Pálsdóttir. Strengjasveitir yngri og eldri nemenda úr Allegro Suzukitónlistarskólanum eru gestir skólans á tónleikunum og leika undur stjórn Svövu Bernharðsdóttir.
Laugardaginn 15. desember kl. 10:00 munu Suzuki-fiðlunemendur leika fjölbreytta tónlist. Kennarar þeirra eru Guðrún Þórarinsdóttir, Helga R. Óskarsdóttir og Svava Bernharðsdóttir. Meðleikari á píanó er Sólveig Anna Jónsdóttir.

Í næstu viku verða eftirfarandi jólatónleikar í Salnum. Efnisskrá allra tónleikanna er fjölbreytt. Yngri og eldri nemendur á ýmsum námsstigum flytja einleiks- og samleiksverk, m.a. jólatónlist. Aðgangur að öllum tónleikunum er ókeypis og eru allir velkomnir:

Mánudaginn 17. desember kl. 17:30
Mánudaginn 17. desember kl. 18:45
Mánudaginn 17. desember kl. 20:00
Þriðjudaginn 18. desember kl. 17:30
Þriðjudaginn 18. desember kl. 18:45
Þriðjudaginn 18. desember kl. 20:00
Miðvikudaginn 19. desember kl. 17:30
Fimmtudaginn 20. desember kl. 17:30

7. desember 2007

Tónleikaröð kennara: ... víst er Albéniz betri en Bach ...

Þriðju tónleikar í tónleikaröð kennara TK verða laugardaginn 8. desember nk. kl. 13:00 í Salnum. Á þessum tónleikum, sem bera yfirskriftina ... víst er Albéniz betri en Bach ..., leikur Jón Guðmundsson, gítarleikari og tónskáld, verk eftir Isaac Albéniz og Johann Sebastian Bach, auk þess að frumflytja nýtt eigið verk.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

5. desember 2007

Burtfarartónleikar Elvu Lindar Þorsteinsdóttur, þverflautuleikara

Fimmtudaginn 6. desember nk. heldur Elva Lind Þorsteinsdóttir, þverflautuleikari, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 19.00. Með Elvu Lind á tónleikunum leikur Sólveig Anna Jónsdóttir á sembal og píanó. Á efnisskrá eru verk eftir Georg Friedrich Händel, Wolfgang Amadeus Mozart, Mist Þorkelsdóttur og Philippe Gaubert. Aðgangur að tónleikunum er ókeypis og eru allir velkomnir

2. desember 2007

Skólatónleikar í Salnum

Skólatónleikar verða haldnir í Salnum, mánudaginn 3. desember, kl. 20:00. Efnisskrá er fjölbreytt og allir velkomnir.

18. nóvember 2007

Tvennir skólatónleikar í Salnum í vikunni

Tónleikar strengjasveitar III, sem skipuð er elstu strokhljóðfæranemendum skólans, verða haldnir í Salnum mánudaginn 19. nóvember kl. 19:00. Stjórnandi sveitarinnar er Unnur Pálsdóttir. Meginviðfangsefnin á tónleikunum eru Capriol-svíta eftir Peter Warlock og Concerto grosso op. 6, nr. 8 eftir Arcangelo Corelli. Einleikarar eru Þórdís Björt Sigþórsdóttir, fiðla, Sólveig Halldórsdóttir, fiðla, og Skúli Þór Jónasson, selló.

Þá verða skólatónleikar haldnir í Salnum þriðjudaginn 20. nóvember kl. 18:15. Flytjendur eru á ýmsum stigum námsins og er efnisskráin fjölbreytt.

Aðgangur að báðum tónleikunum er ókeypis og allir velkomnir.

12. nóvember 2007

Tónleikaröð kennara: Fagott í forgrunni

Næstu tónleikar í tónleikaröð kennara TK verða laugardaginn 24. nóvember nk. kl. 13:00 í Salnum. Á þessum tónleikum, sem bera yfirskriftina Fagott í forgrunni, verða flutt tvö íslensk verk fyrir fagott, fiðlu, víólu og selló eftir þá Lárus H. Grímsson og Pál Pampichler Pálsson, og tvö erlend verk fyrir fagott og strengjakvintett eftir Feneyinginn Antonio Vivaldi og Frakkann Jean Francaix. Allt eru þetta vel heppnuð einleiksverk fyrir fagott.

Flytjendur eru Kristín Mjöll Jakobsdóttir, fagott, Hildigunnur Halldórsdóttir, fiðla, Margrét Kristjánsdóttir, fiðla, Guðrún Þórarinsdóttir, víóla, Pawel Panasiuk, selló, Þórir Jóhannsson, kontrabassi, og Guðrún Óskarsdóttir, semball.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

12. nóvember 2007

Skólatónleikar í Salnum

Nemendatónleikar verða haldnir í Salnum miðvikudaginn 14. nóvember kl. 18:15. Efnisskrá er fjölbreytt og allir eru velkomnir.

22. október 2007

Vetrarfrí

Vakin er athygli á því að vetrarfrí verður í Tónlistarskólanum fimmtudaginn 25. og föstudaginn 26. október næstkomandi.

4. október 2007

Tónleikaröð kennara: Flauta og píanó

Flauta og píanó er yfirskrift fyrstu tónleika vetrarins sem haldnir verða í Salnum Kópavogi, laugardaginn 13. október 2007 kl. 13.00. Flytjendur eru Margrét Stefánsdóttir, þverflautuleikari, og Sólveig Anna Jónsdóttir, píanóleikari.

Á efnisskrá eru Duo Concertant í G-dúr op. 129 eftir Carl Czerny, Intermezzo úr "Dimmalimm" eftir Atla Heimi Sveinsson, Þrjár andrár eftir Atla Ingólfsson og Sónata fyrir þverflautu og píanó op. 14 eftir Robert Muczynski.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

19. september 2007

Kynning á þriðja píanókonsert Rakhmanínovs

Næstkomandi sunnudagskvöld (23. september) mun Víkingur Heiðar Ólafsson, píanóleikari, kynna þriðja píanókonsert Rakhmanínovs í tali og tónum fyrir nemendum skólans. Kynningin verður í Salnum kl. 20:30 og eru nemendur hvattir til að nýta sér þetta frábæra tækifæri til að kynnast einum vinsælasta konsert allra tíma.

9. september 2007

Fyrstu tímar í tónfræðagreinum

Kennsla í tónfræðagreinum í grunn- og miðnámi hefst samkvæmt stundaskrá fimmtudaginn 13. september nk. og munu hljóðfærakennarar láta nemendur vita hvenær þeir eiga að mæta í tónfræðatíma. Nánari upplýsingar má einnig fá á skrifstofu skólans.

Kennsla í tónlistarsögu hefst þriðjudaginn 12. september kl. 17:30. Kennari er Ríkharður H. Friðriksson. Kennsla í hljómfræði hefst miðvikudaginn 12. september. Atli Ingólfsson kennir hljómfræði og nánari upplýsingar um kennslutíma eru veittar á skrifstofu skólans. Arnþór Jónsson kennir tónheyrn í vetur og verða kennslutímar auglýstir síðar í vikunni.

20. ágúst 2007

Skólasetning

Tónlistarskóli Kópavogs verður settur í Salnum föstudaginn 24. ágúst kl. 16:00. Nemendur eru beðnir um að skila stundaskrám sínum úr grunnskólum eða framhaldsskólum á skrifstofu skólans í síðasta lagi þann dag.

8. ágúst 2007

Skólagjöld skólaárið 2007-2008

Stjórn Tónlistarskóla Kópavogs hefur ákveðið skólagjöld fyrir skólaárið 2007-2008. Óhjákvæmilegt þótti að hækka skólagjöld nokkuð frá því sem verið hefur, en gjöldin hafa verið óbreytt undanfarin fimm ár. Sjá nánar hér.

8. ágúst 2007

Viðurkenningar við skólaslit 2007

Við skólaslit Tónlistarskóla Kópavogs 5. júní síðastliðinn voru eftirtöldum nemendum, sem hlutu einkunnina 10 í tónfræðagreinum, veittar viðurkenningar:

1. bekkur: Hekla Halldórsdóttir, nemandi í píanóleik, Hera Katrín Aradóttir, nemandi í píanóleik, Hrafnhildur Helgadóttir, nemandi í blokkflautuleik, Klara Malín Þorsteinsdóttir, nemandi í píanóleik, Ólöf Ragnarsdóttir, nemandi í blokkflautuleik og Runólfur Bjarki Arnarson, nemandi í harmonikuleik.
2. bekkur: Dagrún Jónasdóttir, nemandi í píanóleik, Helga Katrín Jónsdóttir, nemandi í píanóleik, Jóhann Gísli Ólafsson, nemandi í píanóleik, Sigrún Perla Gísladóttir, nemandi í fiðluleik og Steinar Sigurðsson, nemandi í básúnuleik.
3. bekkur: Edda Kristjánsdóttir, nemandi í píanóleik, Katrín Birna Sigurðardóttir, nemandi í píanóleik, Kristín Hulda Kristófersdóttir, nemandi í þverflautuleik, Kristín Nanna Einarsdóttir, nemandi í píanóleik og Ólöf Svala Magnúsdóttir, nemandi í píanóleik.
4. bekkur: Gunnlaugur Helgi Stefánsson, nemandi í saxófónleik og Sara Rut Kristbjarnardóttir, nemandi í saxófónleik.
5. bekkur: Hugrún Óskarsdóttir, nemandi í saxófónleik og Oddur Vilhjálmsson, nemandi í saxófónleik.
7. bekkur: Skúli Þór Jónasson, nemandi í selló- og píanóleik.

Eftirtaldir nemendur hlutu viðurkenningu fyrir framúrskarandi árangur á grunn- og miðprófum:

Grunnpróf: Agnes Jóhannesdóttir, nemandi í píanóleik, Marta Jónsdóttir, nemandi í píanóleik, Elva Lind Þorsteinsdóttir, nemandi í einsöng, Kristín Nanna Einarsdóttir, nemandi í píanóleik, Sólbjört Sigurðardóttir, nemandi í píanóleik og Magnús Jensen, nemandi í blokkflautuleik.
Miðpróf: Ragnar Ólafsson, nemandi í einsöng, Ólafur Heiðar Helgason, nemandi í píanóleik, Vaka Gunnarsdóttir, nemandi í píanóleik, Fjölnir Ólafsson, nemandi í gítarleik, Sólveig Anna Aradóttir, nemandi í píanóleik, og Svava Berglind Finsen, nemandi í píanóleik.

Sérstakar viðurkenningar voru einnig veittar þessum nemendum:

Gunnlaugur Björnsson, nemandi í framhaldsnámi í gítarleik.
Skúli Þór Jónasson, nemandi í framhaldsnámi í sellóleik.
Össur Ingi Jónsson, nemandi í framhaldsnámi í óbóleik.
Brynhildur Þóra Þórsdóttir, nemandi í miðnámi í sellóleik.
Harpa Dís Hákonardóttir, nemandi í miðnámi í píanóleik.
Fannar Örvarsson, fyrsti nemendi skólans sem lauk grunnprófi í harmonikuleik.
Hanna B. Kristjánsdóttir, fyrsti nemandi skólans sem lauk grunnprófi í hörpuleik.
Helga Sigrún Hermannsdóttir, framúrskarandi árangur nemanda á 1. ári í hljóðfæraleik.

19. júní 2007

Sumarleyfi

Skrifstofa Tónlistarskóla Kópavogs verður lokuð frá 20. júní til 15. ágúst 2007. Inntöku nemenda í hljóðfæranám er ekki lokið en miðað er við að afgreiðslu umsókna ljúki um miðjan ágúst. Skólasetning verður föstudaginn 24. ágúst.

5. júní 2007

Píanótónleikar í Salnum

Fimmtudaginn 7. júní kl. 19:00 mun Tinna Bjarnadóttir, píanónemandi í framhaldsnámi, halda próftónleika í Salnum. Tónleikarnir eru um hálfrar klukkustundar langir og á efnisskránni eru 1. þáttur Allegro assai úr Sónötu í F-dúr KV 280 eftir W.A. Mozart, Deux arabesques eftir Claude Debussy og Notturno op. 54 nr. 4, Dans frá Jölstri op. 17 nr. 5 og Walzer op. 38 nr. 7 eftir Edvard Grieg.

Aðgangur að tónleikunum er ókeypis og allir eru velkomnir.

1. júní 2007

Skólaslit

Skólaslit og afhending einkunna verða þriðjudaginn 5. júní nk. og hefst athöfnin í Salnum kl. 17:00.

1. júní 2007

Píanómaraþon

Laugardaginn 2. júní fer í þriðja sinn fram píanómaraþon í TK og er áætlað að það standi í um sex klst. Á annað hundrað píanónemendur munu koma fram og leika fjölbreytta tónlist. Að þessu sinni fer píanómaraþonið fram í Salnum og hefst kl. 9:30. Foreldrar og aðrir gestir eru hjartanlega velkomnir.

29. maí 2007

Skólatónleikar í Salnum

Þrennir skólatónleikar verða haldnir í Salnum miðvikudaginn 30. maí. Suzuki-fiðlunemendur munu koma fram á tónleikum kl. 17:00, en nemendur á ýmis hljóðfæri koma fram á nemendatónleikum kl. 18:30 og kl. 20:00. Efnisskrá er fjölbreytt og allir eru velkomnir.

28. maí 2007

Tvennir flaututónleikar í Salnum

Þriðjudaginn 29. maí munu Elva Lind Þorsteinsdóttir og María Ösp Ómarsdóttir, þverflautunemendur í framhaldsnámi, halda próftónleika í Salnum. Sólveig Anna Jónsdóttir leikur með þeim á píanó og sembal á tónleikunum. Tónleikar Elvu Lindar hefjast kl. 19:45 og á efnisskránni eru verk eftir G.F. Händel, W.A. Mozart og P. Gaubert. Tónleikar Maríu Aspar hefjast kl. 20:30 og mun hún leika verk eftir A. Périlhou og J.S. Bach. Aðgangur að tónleikunum, sem hvorir um sig eru um 30 mínútna langir, er ókeypis og allir eru velkomnir.

23. maí 2007

Tvennir flaututónleikar í Salnum

		Fimmtudaginn 24. maí munu Birna Aðalsteinsdóttir og Edda María Elvarsdóttir, þverflautunemendur í framhaldsnámi, halda próftónleika í Salnum. Sólveig Anna Jónsdóttir leikur með þeim á píanó og sembal á tónleikunum. Tónleikar Birnu hefjast kl. 18:00 og á efnisskránni eru verk eftir Philippe Gaubert, Johann Sebastian Bach og Frédéric Chopin. Tónleikar Eddu Maríu hefjast kl. 18:45 og mun hún leika verk eftir Georg Friedrich Händel, Gabriel Fauré og Paul Hindemith. Aðgangur að tónleikunum, sem hvorir um sig eru um 30 mínútna langir, er ókeypis og allir eru velkomnir.

21. maí 2007

Burtfarartónleikar Stefáns Þórs Sigfinnssonar, klarínettuleikara

Fimmtudaginn 24. maí nk. heldur Stefán Þór Sigfinnsson, klarínettuleikari, burtfarartónleika sína frá Tónlistarskóla Kópavogs sem jafnframt eru hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs og hefjast kl. 20.30. Með Stefáni Þór á tónleikunum leikur Ingunn Hildur Hauksdóttir, píanóleikari. Á efnisskrá eru verk eftir Robert Schumann, Darius Milhaud, Igor Stravinsky og Francis Poulenc. Aðgangur að tónleikunum er ókeypis og eru allir velkomnir

[ Meira ]

23. maí 2007

Skólatónleikar í Salnum

Skólatónleikar verða haldnir í Salnum í dag, miðvikudaginn 23. maí, kl. 20:00. Aðgangur að tónleikunum er ókeypis og allir velkomnir.

21. maí 2007

Burtfarartónleikar Fjólu Kristínar Nikulásdóttur, sópran

Þriðjudaginn 22. maí nk. heldur Fjóla Kristín Nikulásdóttir, sópran, burtfarartónleika sína frá Tónlistarskóla Kópavogs sem jafnframt eru hluti framhaldsprófs hennar við skólann. Tónleikarnir verða í Salnum, Tónlistarhúsi Kópavogs og hefjast kl. 20.00. Meðleikarar Fjólu Kristínu á tónleikunum eru Krystyna Cortes, píanóleikari og Oddur Arnþór Jónsson, barítón. Á efnisskrá eru söngverk eftir John Dowland, Christoph Willibald Gluck, Wolfgang Amadeus Mozart, Sigvalda S. Kaldalóns, Karl O. Runólfsson, Hugo Wolf og Johann Strauss. Aðgangur að tónleikunum er ókeypis og eru allir velkomnir.

[ Meira ]

16. maí 2007

Burtfarartónleikar Viktors Orra Árnasonar, fiðluleikara

Laugardaginn 19. maí nk. heldur Viktor Orri Árnason, fiðluleikari, burtfarartónleika sína frá Tónlistarskóla Kópavogs sem jafnframt eru hluti framhaldsprófs hans við skólann. Tónleikarnir verða í Salnum, Tónlistarhúsi Kópavogs og hefjast kl. 16.00. Með Viktori Orra á tónleikunum leika Agnieszka Panasiuk, píanóleikari, Eygló Dóra Davíðsdóttir og Páll Palomares, fiðluleikarar, Eydís Ýr Rosenkjær, víóluleikari, Þorgerður Edda Hall, sellóleikari, og Guðrún Óskarsdóttir, semballeikari. Á efnisskrá eru verk eftir Johann Sebastian Bach, Antonio Vivaldi, Ludwig van Beethoven og Max Bruch. Aðgangur að tónleikunum er ókeypis og eru allir velkomnir.

[ Meira ]

16. maí 2007

Vortónleikar forskóladeildar

Vortónleikar forskóladeildar verða haldnir í Salnum laugardaginn 19. maí kl. 10:00, 11:00 og 12:00 og sunnudaginn 20. maí kl. 10:00, 11:00, 12:00 og 13:00. Allir forskólanemendur koma fram, þ.m.t. þeir nemendur Digranesskóla, Hjallaskóla, Kársnesskóla, Lindaskóla, Salaskóla og Snælandsskóla sem stunda fornám í samvinnu við Tónlistarskólann. Nemendur fá upplýsingar um það hvenær þeir eiga að mæta og hvar þeir eiga að sitja. Hverjir tónleikar eru um 30 mínútna langir. Aðgangur er ókeypis og eru allir velkomnir.

16. maí 2007

Útskriftarnemar 2007

Þrír nemendur ljúka framhaldsprófi við skólann í vor og halda burtfarartónleika sína í Salnum. Tónleikarnir verða sem hér segir:

Laugardagur 19. maí kl. 16.00
Viktor Orri Árnason, fiðla
Þriðjudagur 22. maí kl. 20.00
Fjóla Kristín Nikulásdóttir, sópran
Fimmtudagur 24. maí kl. 20.30
Stefán Þór Sigfinnsson, klarinett

14. maí 2007

Tvennir skólatónleikar í Salnum

Tvennir skólatónleikar verða haldnir í Salnum þriðjudaginn 15. maí, kl. 18:45 og kl. 19:45. Aðgangur að tónleikunum er ókeypis og allir velkomnir.

6. maí 2007

Opin æfing og tónleikar á Kópavogsdögum

Kópavogsdagar á vegum Lista- og menningarráðs Kópavogs standa nú yfir og er að þessu sinni lögð áhersla á menningu barna og ungmenna og tengsl menningar milli kynslóða. Eftirtalin atriði eru á vegum Tónlistarskólans á Kópavogsdögum:

Mánudagur 7. maí kl. 18:00 í Salnum:
Opin æfing: Útskriftarnemar skólans í einsöng, klarínettu- og fiðluleik koma fram.
Mánudagur 7. maí kl. 20:00 í Salnum:
Tónleikar: Frá endurreisn til Villa-Lobos. Gítarnemendur flytja verk eftir Narvaéz, Giuliani, Villa-Lobos og Tárrega.
Miðvikudagur 9. maí kl. 18:00 í Salnum:
Tónleikar: Voruppskera Tónlistarskóla Kópavogs. Nemendur á ólíkum stigum námsins leika á ýmis hljóðfæri.

Aðgangur að dagskrárliðunum er ókeypis og eru allir velkomnir.

1. maí 2007

Skólatónleikar í Salnum

Skólatónleikar verða haldnir í Salnum miðvikudaginn 2. maí, kl. 18:15. Aðgangur að tónleikunum er ókeypis og allir velkomnir.

28. apríl 2007

Spænsk strengjasveit í heimsókn

Strengjasveit Tónlistarskóla "José Perez Barceló" í Benidorm heimsækir Tónlistarskóla Kópavogs dagana 28. apríl til 2. maí. Hljómsveitin, sem er skipuð tónlistarnemum á aldrinum 14-22 ára, heldur tónleika í Salnum mánudaginn 30. apríl kl. 19.30. Stjórnandi hljómsveitarinnar er Pedro Salinas Robles. Á efniskránni eru verk eftir Pachelbel, Vivaldi, Bach, Holst og Badelt. Fjórir einleikarar koma fram í konsert fyrir fjórar fiðlur op. 3 eftir Vivaldi. Þá kemur einnig fram strengjasveit Tónlistarskóla Kópavogs og leikur með í lokaverkinu.

[ Meira ]

22. apríl 2007

Einleiksverk á vortónleikum strengjasveitar

Vortónleikar strengjasveitar III, sem skipuð er elstu strokhljóðfæranemendum skólans, verða haldnir í Salnum mánudaginn 23. apríl kl. 19:00. Stjórnandi sveitarinnar er Unnur Pálsdóttir. Á efnisskrá eru verk eftir Corelli, Vivaldi og Albinoni þar sem einleikarar úr röðum nemenda skólans koma fram. Aðgangur að tónleikunum er ókeypis og eru allir velkomnir.

[ Meira ]

9. apríl 2007

Tónleikaröð kennara: Austur og vestur

Fimmtu og síðustu tónleikar vetrarins í TKTK - Tónleikaröð kennara Tónlistarskóla Kópavogs verða haldnir í Salnum laugardaginn 14. apríl kl. 13. Þar koma fram Hlíf Sigurjónsdóttir, fiðluleikari, Eydís Franzdóttir, óbóleikari, Rúnar Óskarsson, klarínettuleikari, Guðrún Þórarinsdóttir, víóluleikari, og Þórir Jóhannsson, kontrabassaleikari.

Á efnisskrá er Kvintett eftir Sergei Prokofiev, kvintett eftir Óliver Kentish, dúó fyrir fiðlu og kontrabassa eftir Reinhold Gliere og dúó fyrir klarinettu og kontrabassa eftir W. Sydeman.

Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

27. mars 2007

Páskaleyfi

Páskaleyfi hefst mánudaginn 2. apríl. Þriðjudaginn 10. mars er skipulagsdagur kennara en kennsla að loknu páskaleyfi hefst samkvæmt stundaskrá miðvikudaginn 11. apríl.

27. mars 2007

Flaututónleikar í Salnum

Föstudaginn 30. mars kl. 12.00 mun Inger Björk Ragnarsdóttir, þverflautunemandi í framhaldsnámi, halda próftónleika í Salnum. Sólveig Anna Jónsdóttir leikur með henni á píanó og sembal á tónleikunum. Á efnisskránni eru verk eftir Jean-Marie Leclair og Francis Poulenc. Aðgangur að tónleikunum, sem eru um 30 mínútna langir, er ókeypis og eru allir velkomnir.

26. mars 2007

Skólatónleikar í Salnum

Skólatónleikar verða haldnir í Salnum miðvikudaginn 28. mars, kl. 18:15. Aðgangur að tónleikunum er ókeypis og allir velkomnir.

16. mars 2007

Söngnemar frumflytja óperuna Acis and Galatea eftir G.F. Händel

Nemendur söngdeildar Tónlistarskólans munu flytja óperuna Acis and Galatea eftir Georg Friedrich Händel í Salnum laugardaginn 17. mars kl. 20.00 og sunnudaginn 18. mars kl. 16.00. Nemendur söngdeildarinnar hafa í vetur æft óperuna undir handleiðslu Önnu Júlíönu Sveinsdóttur söngkennara, sem leikstýrir sýningunni, og Krystynu Cortes píanóleikara og er þetta frumflutningur verksins á Íslandi. Flytjendur eru Fjóla Kristín Nikulásdóttir, Ragnar Ólafsson, Elín Arna Aspelund, sem jafnframt er dansahöfundur, Bjartmar Þórðarson, Ásdís Rún Ólafsdóttir, Elva Lind Þorsteinsdóttir, Erla Steinunn Guðmundsdóttir, Sunna Halldórsdóttir og Una Björg Jóhannsdóttir. Aðgangur er ókeypis og eru allir velkomnir meðan húsrúm leyfir.

13. mars 2007

Tónleikar í Salnum

Nemendatónleikar verða haldnir í Salnum miðvikudaginn 14. mars kl. 18:15. Efnisskrá er fjölbreytt og allir eru velkomnir.

10. mars 2007

Meistaranámskeið og nemendatónleikar á Píanódögum í Salnum

Laugardaginn 10. mars og sunnudaginn 11. mars leiðbeinir ítalski píanóleikarinn Domenico Codispoti ungum píanóleikurum á meistaranámskeiði í Salnum. Námskeiðið, sem er hluti Píanódaga í Salnum, stendur frá kl. 9:30 til 17:00 á laugardeginum og frá kl. 9.30 til 16:00 á sunnudeginum. Námskeiðið er öllum opið og án endurgjalds. Það eru Tónlistarskóli Hafnarfjarðar, Tónlistarskóli Kópavogs og Tónskóli Sigursveins D. Kristinssonar sem standa að Píanódögunum. Þeim lýkur með tvennum sameiginlegum nemendatónleikum skólanna þriggja mánudagskvöldið 12. mars kl. 18 og kl. 20 í Salnum.

Domenico Codispoti fæddist árið 1975 í Catanzaro í Calabria á Suður-Ítalíu. Að loknum glæsilegum námsferli og sigrum í fjölda píanókeppna gerði hann víðreist og hefur haldið einleikstónleika og leikið með virtum sinfóníuhljómsveitum á meginlandi Evrópu, í Bandaríkjunum og í Asíu. Codispoti hefur hvarvetna hlotið lof áheyrenda og gagnrýnenda fyrir áhrifamikinn leik. Hann hefur verið fenginn til að dæma í alþjóðlegum píanókeppnum og hin síðari ár hefur hann fengist í auknum mæli við að leiðbeina nemendum á masterclass-námskeiðum. Codispoti hefur áður sótt Ísland heim. Á vegum Íslandsdeildar Stofnunar Dante Alighieri hefur hann leikið á Tíbrártónleikum í Salnum og í Hömrum á Ísafirði árið 2000, í Ými árið 2003 og í Hafnarborg ásamt Kammersveit Hafnarfjarðar á Listahátíð 2006. Hann kom fram sem einleikari með Sinfóníuhljómsveit Íslands árið 2001.

Fyrsti hluti Píanódaga voru einleikstónleikar Codispoti í Salnum föstudagskvöldið 9. mars.

10. mars 2007

Nýr skólaritari

Nýr skólaritari, Guðmunda Reynisdóttir, hefur verið ráðin til starfa á skrifstofu skólans. Er hún boðin velkomin til starfa. Skrifstofan er opin milli kl. 12 og 16 virka daga.

10. mars 2007

Ásdís Hafliðadóttir lætur af störfum sem skólaritari

Ásdís Hafliðadóttir lét að eigin ósk af starfi sínu sem skólaritari nú um mánaðamótin. Við það tækifæri kom starfsfólk skólans til að þakka henni fyrir vel unnin störf á liðnum árum og afhenti skólastjóri Ásdísi gjöf frá starfsfólkinu með góðum óskum um farsæld á eftirlaunaárunum. Ásdís hefur verið einstaklega samviskusamur starfsmaður og þakkar skólinn henni vel unnin störf og umhyggju í garð skólans og nemenda hans.

6. mars 2007

Tvennir nemendatónleikar í Salnum

Nemendatónleikar verða haldnir í Salnum þriðjudaginn 6. mars kl. 18:45 og miðvikudaginn 7. mars kl. 18:15. Efnisskrá er fjölbreytt og allir eru velkomnir.

23. febrúar 2007

Tónleikaröð kennara: Náttúran í strengjum - Gítar og harpa

Fjórðu tónleikar vetrarins og þeir næst síðustu í TKTK - Tónleikaröð kennara Tónlistarskóla Kópavogs verða haldnir í Salnum laugardaginn 3. mars 2007 kl. 13. Þar koma fram hörpuleikarinn Elísabet Waage og gítarleikarinn Hannes Guðrúnarson. Á efnisskránni eru verk eftir Áskel Másson, Þorkel Sigurbjörnsson, Alphonse Hasselmans og Alan Hovhannes. Skólinn vill eindregið hvetja nemendur til að mæta á þessa tónleika, enda er aðgangur ókeypis fyrir þá og ekki spillir að sjá aðstandendur og velunnara skólans með í för.

[ Meira ]

18. febrúar 2007

Hljóðfærakynning fyrir forskólanemendur

Hljóðfærakynning fyrir nemendur sem ljúka forskólanámi í vor og aðstandendur þeirra fer fram í Salnum fimmtudaginn 22. febrúar kl. 17.15. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

18. febrúar 2007

Tvennir skólatónleikar í Salnum

Nemendatónleikar verða haldnir í Salnum mánudaginn 19. febrúar kl. 20:00 og fimmtudaginn 22. febrúar kl. 19:00. Efnisskrá er fjölbreytt og allir eru velkomnir.

21. janúar 2007

Tónleikar Sinfóníuhljómsveitar tónlistarskólanna

Laugardaginn 27. janúar nk. kl. 16:00 heldur Sinfóníuhljómsveit tónlistarskólanna tónleika í Langholtskirkju og eru nemendur og forráðamenn þeirra hvattir til að láta þennan viðburð ekki fram hjá sér fara.

Hljómsveitina skipa að þessu sinni nemendur úr Tónlistarskóla FÍH, Tónlistarskóla Hafnarfjarðar, Tónlistarskóla Kópavogs, Tónlistarskóla Reykjanesbæjar, Tónlistarskóla Seltjarnarness, Tónskóla Sigursveins D. Kristinssonar, Tónlistarskólanum á Akranesi, Tónlistarskóla Garðabæjar, Listaskóla Mosfellsbæjar, Nýja tónlistarskólanum, Tónskólanum Do-Re-Mi og Listaháskóla Íslands, alls um 100 tónlistarnemar.

Efnisskrá:

A Grand Grand Festival Overture op. 57 eftir Sir Malcolm Arnold
Sirkus-Músík eftir Elías Davíðsson
Búkolla - konsert fyrir klarínettu og hljómsveit, eftir Þorkel Sigurbjörnsson
Svíta nr. 1 op. 46 úr Pétri Gaut eftir Edvard Grieg
Nótt á Nornastóli eftir Modest Mussorgsky

Einleikari á klarínett er Ingimar Andersen. Stjórnandi er Guðni Franzson.

Almennur aðgangseyrir er 1000 kr. en 500 kr. fyrir nemendur og verða aðgöngumiðar seldir við innganginn.

4. janúar 2007

Sinfóníuhljómsveit tónlistarskólanna

Nemendur í strengjasveit III og nokkrir nemendur á blásturshljóðfæri taka um þessar mundir þátt í hljómsveitarnámskeiði Sinfóníuhljómsveitar tónlistarskólanna. Tilgangur námskeiðsins að gefa nemendum í mið- og framhaldsnámi kost á þjálfun í að spila í stórri hljómsveit. Námskeiðinu lýkur með tónleikum í Langholtskirkju laugardaginn 27. janúar nk. kl. 16.

[ Meira ]

1. janúar 2007

Fyrsti kennsludagur eftir jólafrí

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans farsældar á nýju ári og þakkar samstarfið á árinu 2006. Kennsla að loknu jólaleyfi hefst samkvæmt stundaskrá miðvikudaginn 3. janúar 2007.