Námsmat og próf

Kennari metur ástundum, áhuga, árangur og framfarir nemenda í kennslustundum allan veturinn, auk þess taka nemendur árspróf síðari hluta hvers skólaárs. Á vitnisburðarblaði fá nemendur, auk umsagnar og einkunnar á prófinu, umsögn um framvindu námsins á skólaárinu, yfirlit yfir þátttöku í samleik og verk leikin á tónleikum.

Áfangapróf

Nemendur þreyta áfangapróf þegar markmiðum viðkomandi áfanga í aðalnámskrá tónlistarskóla hefur verið náð. Kennari metur hvenær nemendur eru tilbúnir til að þreyta áfangapróf. Prófanefnd tónlistarskóla annast mat á áfangaprófum í íslenskum tónlistarskólum og á hennar vegum starfa sérþjálfaðir prófdómarar. Áfangapróf getur farið fram hvenær sem er skólaársins að því tilskildu að Prófanefnd geti orðið við óskum skólans um tímasetningu.

Á vef Prófanefndar tónlistarskóla www.profanefnd.is er að finna nánari upplýsingar um áfangapróf, þar með talinn tilgang, skipulag, prófþætti og vægi þeirra, lengd prófa, prófreglur, prófdæmingu og einkunnagjöf.