Skólareglur

Hegðun
Nemendum ber að sýna samnemendum sínum, kennurum og starfsfólki skólans fyllstu kurteisi.

Ástundun
Nemendum ber að mæta stundvíslega í allar kennslustundir. Skólinn ætlast til að námið sé tekið föstum tökum og nemandinn sýni eðlilegar framfarir. Teljist ástundun nemanda óviðunandi að mati skólans, verður honum gefin viðvörun. Er honum gefinn kostur á að bæta sig, að öðrum kosti á hann á hættu að verða vísað frá námi.

Umgengni
Nemendur skulu ganga vel um skólann og eigur hans. Ekki er leyfilegt að vera með háreysti á göngum, hvort sem er í skólanum, bókasafninu eða annars staðar í húsinu.

Forföll
Veikindi og önnur forföll ber að tilkynna til skrifstofu skólans.

Fjarvera kennara
Skólinn hefur þá reglu að nemendur fái bætta upp tíma sem verða vegna fjarveru kennara. Þetta gildir þó ekki ef fjarvera er vegna veikinda kennara, en reynt er að útvega forfallakennara ef um lengri veikindaforföll er að ræða.

Ógreidd skólagjöld
Nemandi sem ekki hefur gert upp eldri skuldir sínar eða samið um greiðslur fær ekki skólavist á nýju starfsári.

Brot á reglum skólans
Gerist nemandi brotlegur á reglum skólans og láti ekki segjast við áminningu varðar það brottrekstri úr skólanum.