Tónlistarskóli Kópavogs


	Úr aðalnámskrá tónlistarskóla: Mennta- og menningarhlutverk tónlistarskóla er að
	-	veita öllum, sem þess æskja, færi á að kynnast tónlistarnámi af eigin raun
	-	skapa nemendum tækifæri til tónlistarflutnings, jafnt innan skóla sem utan

FORSÍÐA

Fréttir 2004

24. desember 2004

Jólaleyfi

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans gleðilegra jóla og farsæls nýs árs og þakkar samstarfið á árinu 2004. Skrifstofa skólans verður lokuð í jólaleyfi og opnar aftur mánudaginn 3. janúar 2005. Kennsla að loknu jólaleyfi hefst samkvæmt stundaskrá þann dag.

9. desember 2004

Gítarnemendur leika í Gerðarsafni

Jólatónleikar gítarnemenda Hannesar Þ. Guðrúnarsonar verða haldnir á neðri hæðinni í Gerðarsafni föstudaginn 10. desember 2004 kl. 15:30. Flutt verða einleiks- og samleiksverk. Tónleikarnir, sem eru öllum opnir, eru óhefðbundnir að því leyti að stólar verða einungis fyrir flytjendur, en tónleikagestum er frjálst að ganga um á meðan á tónlistarflutningnum stendur og virða fyrir sér listaverkin í safninu. Athygli er vakin á því að ókeypis er í Gerðarsafn á föstudögum. Enn fremur er kaffistofa safnsins opin.

5. desember 2004

Jólatónleikar forskóladeildar

Jólatónleikar forskóladeildar voru haldnir í Salnum laugardaginn 4. desember síðastliðinn. Allir nemendur forskóladeildarinnar komu fram þar með taldir þeir nemendur Kársnesskóla, Lindaskóla og Salaskóla sem stunda fornám í samvinnu við Tónlistarskólann. Á tónleikunum sungu nemendurnir og léku á blokkflautur eða ásláttarhljóðfæri. Salurinn var þéttsetinn á öllum tónleikunum og nemendurnir stóðu sig með mikilli prýði.

5. desember 2004

Nemendatónleikar í desember

Í desember verða nemendatónleikar í Salnum sem hér segir:

Laugardaginn 4. desember kl. 10:30, 11:30, 12:30 og 13:30 - Jólatónleikar forskóla. Allir forskólanemendur koma fram þ.m.t. þeir nemendur Kársnesskóla, Lindaskóla og Salaskóla sem stunda fornám í samvinnu við Tónlistarskólann. Tónleikarnir eru fjórskiptir og munu nemendur fá nánari upplýsingar um tímasetningu þeirra tónleika.
Mánudaginn 6. desember kl. 20:30 - Nemendur á ýmsum námsstigum munu koma fram.
Miðvikudaginn 8. desember kl. 18:15 - Nemendur á ýmsum stigum námsins koma fram, m.a. Suzuki-fiðlunemendur.
Mánudaginn 13. desember kl. 20:30 - Nemendur á ýmsum námsstigum koma fram.
Þriðjudaginn 14. desember kl. 18:15 - Nemendur á ýmsum stigum námsins koma fram.
Þriðjudaginn 14. desember kl. 20:00 - Nemendur á ýmsum stigum námsins koma fram.
Miðvikudaginn 15. desember kl. 18:15 - Strengjasveitir I, II og III leika undir stjórn Unnar Pálsdóttur og Stefáns Arnar Arnarsonar.
Miðvikudaginn 15. desember kl. 20:00 - Nemendur á ýmsum stigum námsins koma fram.

Aðgangur er ókeypis á alla tónleikana og eru allir velkomnir á meðan húsrúm leyfir.

3. desember 2004

Jólatónleikar forskóladeildar

Jólatónleikar forskóladeildar verða haldnir í Salnum laugardaginn 4. desember kl. 10:30, 11:30, 12:30 og 13:30 - Allir forskólanemendur koma fram þ.m.t. þeir nemendur Kársnesskóla, Lindaskóla og Salaskóla sem stunda fornám í samvinnu við Tónlistarskólann. Tónleikarnir eru fjórskiptir og hafa nemendur fengið upplýsingar um það hvenær þeir eiga að mæta og hvar þeir eiga að sitja. Hverjir tónleikar eru um 30 mínútna langir. Aðgangur er ókeypis og allir velkomnir.

21. nóvember 2004

Þrennir skólatónleikar í Salnum

Þrennir skólatónleikar verða haldnir í Salnum í þessari viku. Fyrstu tónleikarnir fara fram mánudaginn 22. nóvember, kl. 20:30, aðrir tónleikarnir verða þriðjudaginn 23. nóvember kl. 18:15 og þeir þriðju miðvikudaginn 24. nóvember kl. 18:15. Fram koma bæði eldri og yngri nemendur og er efnisskráin fjölbreytt. Aðgangur er ókeypis og allir velkomnir.

14. nóvember 2004

Skólatónleikar í Salnum

Skólatónleikar verða haldnir í Salnum mánudaginn 14. nóvember kl. 20:30. Aðgangur að tónleikunum er ókeypis og allir velkomnir.

14. nóvember 2004

Tónleikaröð kennara: Plokkað og blásið

Aðrir tónleikar vetrarins í Tónleikaröð kennara Tónlistarskóla Kópavogs verða haldnir í Salnum laugardaginn 20. nóvember 2004 kl. 13.00. Þá koma fram Kristinn Árnason og Hannes Guðrúnarson gítarleikarar, Guðrún Birgisdóttir flautuleikari og Elísabet Waage hörpuleikari. Á efnisskránni eru verk fyrir flautu, gítar og hörpu eftir Leo Brouwer, Agustin Barrios Mangore, Ferdinando Carulli, Vincent Persichetti, Jurriaan Andriessen, Manuel de Falla og Astor Piazzolla. Einnig taka nemendur úr Tónlistarskóla Kópavogs þátt í flutningi þriggja laga fyrir gítar, hörpu og þverflautu.

[ Meira ]

14. nóvember 2004

Nýir kennarar

Tveir nýir kennarar hafa nýlega tekið starfa við skólann, Marta Hrafnsdóttir, forskólakennari, og Kristín Jónína Taylor sem kennir á píanó. Eru þær boðnar velkomnar til starfa!

9. nóvember 2004

Skólatónleikar í Salnum

Skólatónleikar verða haldnir í Salnum í dag, þriðjudaginn 9. nóvember, kl. 18:15. Aðgangur að tónleikunum er ókeypis og allir velkomnir.

25. október 2004

Landsmót strengjasveita

Strengjasveitir skólans tóku um helgina þátt í Landsmóti strengjasveita tónlistarskólanna sem fram fór á Seltjarnarnesi á vegum tónlistarskólans þar. Alls tóku þátt um 200 nemendur frá 16 tónlistarskólum í mótinu að þessu sinni. Þátttakendum var skipt í þrjár strengjasveitir og voru tvær þeirra undir stjórn kennara við TK, þeirra Unnar Pálsdóttur og Stefáns Arnar Arnarssonar, en þriðju sveitinni stjórnaði Helga Þórarinsdóttir, kennari við Tónlistarskóla Seltjarnarness. Mótið tókst í alla staði vel en því lauk með afbragðs tónleikum í Seltjarnarneskirkju um miðjan dag á sunnudag. Á myndinni er C-sveitin, skipuð þeim nemendum sem lengst eru komnir í námi, undir stjórn Helgu á æfingu.

21. október 2004

Vetrarfrí

Vakin er athygli á því að vetrarfrí verður í Tónlistarskólanum mánudaginn 25. og þriðjudaginn 26. október næstkomandi.

15. október 2004

Tónleikaröð kennara: Blásarakvintett og píanó

Fyrstu tónleikar vetrarins í Tónleikaröð kennara Tónlistarskóla Kópavogs verða haldnir í Salnum laugardaginn 23. október 2004 kl. 13.00. Þá koma fram Berglind María Tómasdóttir, sem leikur á þverflautu og piccoloflautu, Eydís Franzdóttir, óbóleikari, Ármann Helgason, klarínettleikari, Anna Sigurbjörnsdóttir, hornleikari, Kristín Mjöll Jakobsdóttir, fagottleikari, og Unnur Fadila Vilhelmsdóttir, píanóleikari. Á efnisskránni eru Trois pièces brèves eftir Jacques Ibert, Hræra eftir Þorkel Sigurbjörnsson, Sex bagatellur eftir György Ligeti og Sextett fyrir blásarakvintett og píanó eftir Francis Poulenc.

[ Meira ]

14. október 2004

Skólatónleikar í Salnum

Fyrstu skólatónleikar á þessu skólaári verða haldnir í Salnum fimmtudaginn 21. október kl. 18:15. Aðgangur að tónleikunum er ókeypis og allir velkomnir.

21. september 2004

Námskeið í Tónlistarskóla Kópavogs:
Tónlist fyrir 2 til 5 ára

Í samvinnu við Sigríði Pálmadóttur og Dagnýju Arnalds býður Tónlistarskóli Kópavogs upp á tónlistarnámskeið fyrir 2 til 5 ára börn og foreldra þeirra. Námskeiðið hefst laugardaginn 2. október næstkomandi og mun standa í sjö vikur. Kennsla fer fram á laugardögum í húsnæði skólans.

Á námskeiðinu fá börnin tækifæri í hópi jafnaldra til að upplifa tónlist í söng, hljóðfæraleik, hlustun og hreyfingu. Foreldrar kynnast efni og leiðum til að nota tónlist sem náms- og þroskaleið fyrir börn sín.

Námskeiðið er byggt upp á hugmyndafræði belgíska tónlistarfrömuðarins Edgar Willems (1890-1978). Gengið er út frá rödd og hreyfingu sem tjáningarmiðli barnsins og þessir þættir síðan tengdir markvisst mismunandi hljóðgjöfum og hljóðfærum.

Kennararnir, Dagný Arnalds og Sigríður Pálmadóttir, hafa sérhæft sig í Willems aðferðinni. Sigríður starfar sem lektor við Kennaraháskóla Íslands með áherslu á tónlistaruppeldi ungra barna. Hún er með kennarapróf frá Staatlich Hochschule í Köln, Þýskalandi og Diploma-próf frá Association Internationale d'Education Musicale Willems í Lyon, Frakklandi. Dagný hefur lokið píanókennaraprófi frá Tónlistarskólanum í Reykjavík og Diploma-próf frá Association Internationale d'Education Musicale Willems í Lyon, Frakklandi.

Námskeiðsgjald er kr. 12.000. Skráning fer fram á skrifstofu skólans, í Tónlistarhúsinu, Hamraborg 6, og þar eru jafnframt veittar nánari upplýsingar í síma 570-0410.

20. september 2004

Verkfall tekur ekki til starfsemi TK

Starfsemi Tónlistarskóla Kópavogs verður með öllu óbreytt þrátt fyrir verkfall grunnskólakennara sem hófst í dag. Þannig verður sú hljóðfærakennsla og forskólakennsla, sem fram fer í húsnæði grunnskóla á vegum Tónlistarskólans, með óbreyttum hætti og er ætlast til að nemendur mæti samkvæmt stundaskrá í tónlistartímana.

20. september 2004

Skipulagsdagur föstudaginn 24. september

Kennsla fellur niður í skólanum föstudaginn 24. september nk., en þann dag er skipulagsdagur kennara.

5. september 2004

Fyrstu tímar í tónlistarsögu, tónheyrn og hljómfræði

Kennsla í tónlistarsögu hefst mánudaginn 6. september kl. 19:15. Kennari er Erik J. Mogensen. Kennsla í tónheyrn hefst miðvikudaginn 8. september og kennsla í hljómfræði föstudaginn 10. september. Arnþór Jónsson kennir tónheyrn í vetur og Erik J. Mogensen hljómfræði. Nánari upplýsingar um kennslutíma í þessum tveimur greinum eru veittar á skrifstofu skólans.

5. september 2004

Fyrstu æfingar strengjasveita

Í vetur verða æfingar strengjasveita skólans á mánudögum og hefjast æfingarnar mánudaginn 6. september. Æfingatímar eru eftirfarandi:

Strengjasveit I (stjórnandi Unnur Pálsdóttir): Mánudagar kl. 17:00-18:00.
Strengjasveit II (stjórnandi Stefán Örn Arnarson): Mánudagar kl. 19:15-20:15.
Strengjasveit III (stjórnandi Unnur Pálsdóttir): Mánudagar kl. 18:00-19:15.

5. september 2004

Nýir kennarar

Fjórir nýir kennarar bætast í kennarahópinn á þessu skólaári. Það eru Ása Valgerður Sigurðardóttir og Helga Baldursdóttir, forskólakennarar, Grímur Helgason sem kennir klarínettuleik og Óskar Guðjónsson. saxófónkennari. Eru þau öll boðin velkomin til starfa!

5. september 2004

Fyrstu forskóla- og tónfræðatímar

Kennsla í tónfræðagreinum í grunn- og miðnámi hefst samkvæmt stundaskrá fimmtudaginn 9. september nk. Hljóðfærakennarar munu láta nemendur vita hvenær þeir eiga að mæta. Nánari upplýsingar má einnig fá á skrifstofu skólans.

Kennsla í forskóladeild hefst í næstu viku og verður haft samband við nemendur og þeir boðaðir í fyrsta tímann.

17. ágúst 2004

Skólasetning

Tónlistarskóli Kópavogs verður settur í Salnum föstudaginn 20. ágúst kl. 17:00. Kennsla hefst mánudaginn 23. ágúst og munu kennarar boða nemendur til kennslu. Athygli skal vakin á því að kennsla verður óregluleg fyrstu dagana meðan gengið er frá stundaskrá skólans. Kennsla í forskóladeild hefst 6. september.

Nemendur eru beðnir um að skila stundaskrám sínum úr grunnskólum eða framhaldsskólum á skrifstofu skólans hið fyrsta.

21. júní 2004

Sumarleyfi

Skrifstofa Tónlistarskóla Kópavogs verður lokuð í sumarleyfi starfsfólks frá 21. júní 2004 og opnar aftur þriðjudaginn 3. ágúst 2004. Inntöku nemenda í hljóðfæranám er ekki lokið en miðað er við að afgreiðslu umsókna ljúki í byrjun ágúst. Skólasetning verður föstudaginn 20. ágúst.

21. júní 2004

Grunn- og miðpróf þreytt í fyrsta sinn

Óhætt er að segja að nýliðið starfsár hafi markað ákveðin tímamót að því leyti að í vor voru haldin fyrstu samræmdu próf tónlistarskólanna samkvæmt nýrri aðalnámskrá tónlistarskóla sem tekið hefur gildi að fullu. Í vor gátu nemendur þreytt grunn- og miðpróf, en fyrstu framhaldsprófin eru áætluð á næsta ári. Alls þreyttu 39 nemendur Tónlistarskóla Kópavogs áfangapróf að þessu sinni og stóðust allir prófið.

[ Meira ]

21. júní 2004

Viðurkenningar við skólaslit 2004

Við skólaslit Tónlistarskóla Kópavogs 2. júní síðastliðinn voru nokkrum nemendum veittar viðurkenningar fyrir framúrskarandi námsárangur í vetur. Eftirtaldir hlutu viðurkenningar:

Elín Ásta Ólafsdóttir, nemandi í miðnámi í píanóleik og fiðluleik.
Eyrún Ósk Ingólfsdóttir, söngnemandi í miðnámi.
Hlín Finnsdóttir, nemandi í framhaldsnámi í þverflautuleik.
Páll Palomares, nemandi í framhaldsnámi í fiðluleik.
Skúli Þór Jónasson, nemandi í miðnámi í sellóleik og grunnnámi í píanóleik.
Soffía Sigurðardóttir, nemandi í framhaldsnámi í þverflautuleik.
Svala Kristín Þorleifsdóttir, nemandi í miðnámi í píanóleik og grunnnámi í básúnuleik.
Viktor Orri Árnason, nemandi í framhaldsnámi í fiðluleik.
Þuríður Helga Ingadóttir, nemandi í framhaldsnámi í píanóleik og grunnnámi í fiðluleik.

Fyrir hæstu einkunn á grunn- og miðprófum hlutu eftirtaldir nemendur viðurkenningu:

Gunnlaugur Björnsson, grunnpróf í gítarleik.
Þorkell Einarsson, grunnpróf í píanóleik.
Ragnhildur Anna Ragnarsdóttir, miðpróf í þverflautuleik.
Tinna Bjarnadóttir, miðpróf í píanóleik.

21. júní 2004

Gunnar Egilson lætur af störfum

Við skólaslit 2. júní síðastliðinn lét einn að reyndustu kennurum skólans, Gunnar Egilson klarinettleikari, af störfum að eigin ósk, enda kominn á fullorðinsaldur. Var honum af því tilefni færður blómvöndur með bestu árnaðaróskum frá skólanum.

Gunnar hefur verið í framvarðasveit íslenskra tónlistarmanna frá því hann kom frá framhaldsnámi í Englandi árið 1949. Hann starfaði lengst af sem fyrsti klarinettleikari Sinfóníuhljómsveitar Íslands og jafnframt sem kennari við Tónlistarskólann í Reykjavík, þar sem hann ól upp nýja kynslóð klarinettleikara. Gunnar kom til starfa í Tónlistarskóla Kópavogs árið 1999 og erum við afar þakklát fyrir að hafa notið starfskrafta hans þessi ár. Ekki er hægt að hugsa sér hæfari og betri mann til samtarfs en Gunnar, enda hvers manns hugljúfi og sannur listamaður.

21. júní 2004

Nýtt efni á vefnum

Ljósmyndir frá sýningu söngnemenda TK á gamanóperunni "Amelia fer á ball" eru nú aðgengilegar á myndasíðu vefsins. Einnig er vakin athygli á skóladagatali fyrir skólaárið 2004-2005.

31. maí 2004

Skólaslit

Skólaslit og afhending einkunna verða miðvikudaginn 2. júní nk. og hefst athöfnin í Salnum kl. 17:00.

24. maí 2004

Skólatónleikar næstu daga

Nemendatónleikar verða haldnir þriðjudaginn 25. maí kl. 18:00. Nemendur á ýmsum stigum námsins koma fram, m.a. Suzuki-fiðlunemendur. Miðvikudaginn 26. maí kl. 20:30 verða síðan haldnir kammertónleikar þar sem nemendur munu leika ýmis samleiksverk og fimmtudaginn 27. maí kl. 18:00 verða síðustu nemendatónleikar þessa vors haldnir. Allir tónleikarnir verða haldnir í Salnum. Auk þessa er minnt á flaututónleika Védísar Guðmundsdóttur þriðjudaginn 25. maí og Hlínar Finnsdóttur og Soffíu Sigurðardóttur fimmtudaginn 27. maí, en sagt er nánar frá þeim hér að neðan.

24. maí 2004

Flaututónleikar Védísar Guðmundsdóttur

Védís Guðmundsdóttir heldur einleikstónleika í Hjallakirkju þriðjudaginn 25. maí kl. 20:00. Meðleikari á píanó er Unnur Fadila Vilhelmsdóttir. Védís hefur stundað nám í þverflautuleik við skólann undanfarin ár, en kveður skólann með þessum tónleikum sínum. Védís hóf tónlistarnám í Vestmannaeyjum, heimabæ sínum, en kennarar hennar við TK hafa verið Martial Nardeau og Guðrún Birgisdóttir. Aðgangur að tónleikunum er ókeypis og allir eru velkomnir.

24. maí 2004

Flaututónleikar Hlínar Finnsdóttur og Soffíu Sigurðardóttur

Flautunemendurnir Hlín Finnsdóttir og Soffía Sigurðardóttir munu halda tónleika í Hjallakirkju fimmtudaginn 27. maí kl. 20:00. Meðleikari á píanó er Sólveig Anna Jónsdóttir.

Soffía mun leika fantasíu nr. 7 eftir Georg Philipp Telemann, tvo kafla úr sónötu eftir Francis Poulence og kafla úr sónötu eftir Carl Reinecke. Hlín mun leika fantasíu nr. 9 eftir Telemann, tvo kafla úr sónötu eftir Paul Hindemith og Le Merle noir eftir Olivier Messiaen. Ásamt Ingunni Loftsdóttur, þverflautunemanda, munu þær síðan leika saman tríó eftir Joseph Haydn.

Aðgangur að tónleikunum er ókeypis og eru allir velkomnir.

22. maí 2004

Vortónleikar eldri nemenda

Vortónleikar eldri nemenda verða haldnir í Salnum mánudaginn 24. maí kl. 19:30. Aðgangur að tónleikunum er ókeypis og allir eru velkomnir.

22. maí 2004

Söngtónleikar Elínar Örnu Aspelund

Elín Arna Aspelund, söngnemandi í miðnámi, og Krystyna Cortes, píanóleikari, koma fram á stuttum söngtónleikum sem haldnir verða í Salnum mánudaginn 24. maí nk. kl. 18:15. Flutt verða verk eftir Christoph Willibald Gluck, Giuseppe Giordani, Georg Friedrich Händel, Johannes Brahms, Giacomo Puccini, Pál Ísólfsson, Sigvalda Kaldalóns og Sigfús Halldórsson. Tónleikarnir eru í röð nokkurra vorprófstónleika þar sem söngnemendur skólans koma fram. Aðgangur að tónleikunum er ókeypis og allir eru velkomnir.

22. maí 2004

Söngtónleikar Margrétar Helgu Kristjánsdóttur

Margrét Helga Kristjánsdóttir, söngnemandi í miðnámi, og Krystyna Cortes, píanóleikari, halda stutta söngtónleika í Salnum mánudaginn 24. maí nk. kl. 17:30. Flutt verða verk eftir Christoph Willibald Gluck, Alessandro Scarlatti, Wolfgang Amadeus Mozart, Franz Schubert og Þórarinn Guðmundsson. Tónleikarnir eru í röð nokkurra vorprófstónleika þar sem söngnemendur skólans koma fram. Aðgangur að tónleikunum er ókeypis og allir eru velkomnir.

18. maí 2004

Vortónleikar Tónversins í Salnum

Vortónleikar Tónver Tónlistarskóla Kópavogs verða haldnir í Salnum miðvikudaginn 19. maí nk. kl. 20:00. Flutt verða fjölbreytt verk nemenda tónversins. Aðgangur er ókeypis og allir eru velkomnir.

16. maí 2004

Söngtónleikar Láru Rúnarsdóttur

Lára Rúnarsdóttir, sópran, nemandi í framhaldsnámi, og Krystyna Cortes, píanóleikari, flytja verk eftir Antonio Caldara, Giovanni Pergolesi, Joseph Haydn, Franz Schubert og Magnús Pétursson á stuttum söngtónleikum sem haldnir verða í Salnum mánudaginn 17. maí nk. kl. 17:30. Þessir tónleikar eru í röð nokkurra vorprófstónleika þar sem söngnemendur skólans koma fram. Aðgangur að tónleikunum er ókeypis og allir eru velkomnir.

16. maí 2004

Söngtónleikar Guðrúnar Rögnu Yngvadóttur

Guðrún Ragna Yngvadóttir, messósópran, nemandi í framhaldsnámi, og Krystyna Cortes, píanóleikari, flytja verk eftir Alessandro Scarlatti og Giuseppe Giordani, ensk þjóðlög í útsetningu Cecil Sharp, Skúla Halldórsson og Claude-Michel Schönberg á stuttum söngtónleikum sem haldnir verða í Salnum mánudaginn 17. maí nk. kl. 17:00. Þessir tónleikar eru í röð nokkurra vorprófstónleika þar sem söngnemendur skólans koma fram. Aðgangur að tónleikunum er ókeypis og allir eru velkomnir.

16. maí 2004

Nemendatónleikar vorið 2004

Í maí verða nemendatónleikar á vegum Tónlistarskólans sem hér segir:

Mánudaginn 17. maí kl. 17:00 - Söngtónleikar Guðrúnar Rögnu Yngvadóttur.
Mánudaginn 17. maí kl. 17:30 - Söngtónleikar Láru Rúnarsdóttur.
Mánudaginn 17. maí kl. 19:30 - Nemendur á ýmsum stigum námsins koma fram.
Þriðjudaginn 18. maí kl. 18:00 - Strengjasveitir I og II leika undir stjórn Unnar Pálsdóttur og Stefáns Arnar Arnarsonar. Auk þess koma fram blokkflautunemendur á ýmsum stigum námsins og strengjakvartett úr strengjasveit III.
Miðvikudaginn 19. maí kl. 20:00 - Vortónleikar Tónvers Tónlistarskóla Kópavogs.
Laugardaginn 22. maí kl. 10:30, 11:30, 12:30 og 13:30 - Vortónleikar forskóla. Allir forskólanemendur koma fram þ.m.t. þeir nemendur Kársnesskóla, Lindaskóla og Salaskóla sem stunda fornám í samvinnu við Tónlistarskólann. Tónleikarnir eru fjórskiptir og munu nemendur fá nánari upplýsingar um tímasetningu þeirra tónleika.
Mánudaginn 24. maí kl. 17:30 - Söngtónleikar Margrétar Helgu Kristjánsdóttur.
Mánudaginn 24. maí kl. 18:15 - Söngtónleikar Elínar Örnu Aspelund.
Mánudaginn 24. maí kl. 19:30 - Vortónleikar eldri nemenda.
Þriðjudaginn 25. maí kl. 18:00 - Nemendur á ýmsum stigum námsins koma fram, m.a. Suzuki-fiðlunemendur.
Þriðjudaginn 25. maí kl. 20:00 - Flaututónleikar Védísar Guðmundsdóttur.
Miðvikudaginn 26. maí kl. 20:30 - Kammertónleikar.
Fimmtudaginn 27. maí kl. 18:00 - Nemendur á ýmsum stigum námsins koma fram.
Fimmtudaginn 27. maí kl. 20:00 - Flaututónleikar Hlínar Finnsdóttur og Soffíu Sigurðardóttur.

Allir tónleikarnir verða í Salnum nema flaututónleikarnir 25. og 27. maí sem haldnir verða í Hjallakirkju. Aðgangur er ókeypis á alla tónleikana og eru allir velkomnir á meðan húsrúm leyfir.

9. maí 2004

Söngtónleikar Önnu Hafberg

Anna Hafberg, söngnemandi, og Krystyna Cortes, píanóleikari, flytja verk eftir Wolfgang Amadeus Mozart og Joaquin Rodrigo á stuttum söngtónleikum sem haldnir verða í Salnum mánudaginn 10. maí nk. kl. 17:30. Þessir tónleikar eru fyrstir í röð nokkurra vorprófstónleika þar sem söngnemendur skólans munu koma fram. Aðgangur að tónleikunum er ókeypis og allir eru velkomnir.

9. maí 2004

Vortónleikar yngri nemenda

Fyrstu vortónleikarnir á þessu skólaári verða haldnir í Salnum mánudaginn 10. maí kl. 19:30. Þar munu koma fram nemendur í grunnnámi, flestir á aldrinum níu til þrettán ára, og munu leika á ýmis hljóðfæri. Tónleikarnir eru hluti af framlagi skólans til Kópavogsdaga sem haldnir eru um þessar mundir. Aðgangur að tónleikunum er ókeypis og allir eru velkomnir.

29. apríl 2004

Amelía fer á ball, seinni sýning 3. maí

Seinni sýning nemenda söngdeildar á gamanóperunni Amelía fer á ball eftir Gian Carlo Menotti verður í Salnum mánudagskvöldið 3. maí kl. 20:00. Í aðalhlutverkum eru Eyrún Ósk Ingólfsdóttir, Unnar Geir Unnarsson og Andri Stefánsson. Aðgangur er ókeypis og eru allir velkomnir meðan húsrúm leyfir.

[ Meira ]

29. apríl 2004

Ekki kennt 1. maí

Athygli er vakin á því að kennsla fellur niður í skólanum laugardaginn 1. maí.

29. apríl 2004

Söngdeild flytur gamanóperuna Amelía fer á ball

Nemendur söngdeildar skólans hafa að undanförnu æft gamanóperuna Amelía fer á ball eftir Gian Carlo Menotti undir handleiðslu Önnu Júlíönu Sveinsdóttur söngkennara, sem leikstýrir sýningunni, og Krystynu Cortes píanóleikara. Í aðalhlutverkum eru Eyrún Ósk Ingólfsdóttir, Unnar Geir Unnarsson og Andri Stefánsson. Óperan verður frumsýnd í Salnum fimmtudaginn 29. apríl kl. 20:00. Seinni sýning óperunnar verður mánudagskvöldið 3. maí kl. 20:00. Aðgangur er ókeypis og eru allir velkomnir meðan húsrúm leyfir.

[ Meira ]

13. apríl 2004

Tónleikaröð kennara: Flauta, píanó og tölva

Fimmtu tónleikarnir í Tónleikaröð kennara Tónlistarskóla Kópavogs verða haldnir í Salnum þriðjudaginn 20. apríl 2004 kl. 20.00. Þá koma fram Berglind María Tómasdóttir, flautuleikari, og Arne Jørgen Fæø, píanóleikari. Á tónleikunum verða flutt tvö af vinsælustu verkum flautubókmenntanna, Sónata eftir Prokofiev og Fantaisie eftir Fauré, tvö verk eftir tónskáld úr framvarðarsveit íslenskra tónskálda og sjö verk eftir nemendur í Tónveri Tónlistarskóla Kópavogs.

[ Meira ]

9. apríl 2004

Nýtt efni á vefnum

Nokkrar ljósmyndir frá ferð strengjasveitar TK til Færeyja í mars sl. eru nú aðgengilegar á myndasíðu.

1. apríl 2004

Páskaleyfi

Síðasti kennsludagur fyrir páska er laugardagurinn 3. apríl næstkomandi. Þriðjudagurinn 13. apríl er skipulagsdagur kennara en kennsla að afloknu páskaleyfi hefst samkvæmt stundaskrá miðvikudaginn 14. apríl.

30. mars 2004

Velheppnuð ferð strengjasveitar til Færeyja

Ein strengjasveita skólans, ásamt tveimur þverflautunemendum, kom í gær heim úr stuttri tónleikaferð til Klakksvíkur og Þórshafnar í Færeyjum. Ferðin, sem var skipulögð í samstarfi við tónlistarskólana í Klakksvík og Þórshöfn, tókst einstaklega vel, en hópurinn hélt tvenna tónleika, í Christianskirkjunni í Klakksvík og Norðurlandahúsinu í Þórshöfn.

[ Meira ]

1. mars 2004

Samspilsvika 1.-6. mars

Í þessari viku mun aukin áhersla á samleik einkenna starfsemi tónlistarskólans og er markmiðið að sem flestir nemendur fái tækifæri til að spila með öðrum nemendum. Af þessum ástæðum má búast við því að í einhverjum tilvikum verði óskað eftir að nemendur mæti á öðrum tímum en venjulega. Tónfræðatímar og aðrir hóptímar verða hins vegar óbreyttir.

25. febúar 2004

Tónleikaröð kennara: Kammertónleikar

Fjórðu tónleikarnir í Tónleikaröð kennara Tónlistarskóla Kópavogs verða haldnir í Salnum miðvikudaginn 3. mars 2004 kl. 20.00. Þá koma fram Arnþór Jónsson, sellóleikari, Guðrún Þórarinsdóttir, víóluleikari, Sigurlaug Eðvaldsdóttir, fiðluleikari, Nína Margrét Grímsdóttir, píanóleikari, og Þórir Jóhannsson, kontrabassaleikari. Á efnisskránni eru Bagatelle fyrir kontrabassa eftir Óliver Kentish, Sónata fyrir píanó og sello í g-moll op. 5 nr. 2 eftir Ludwig van Beethoven, Kvartett fyrir kontrabassa, fiðlu, víólu og selló eftir Franz Anton Hoffmeister og Píanókvintett op. 87 eftir Johann Nepomuk Hummel.

[ Meira ]

18. febrúar 2004

Hljóðfærakynning fyrir forskólanemendur

Hljóðfærakynning fyrir nemendur sem ljúka forskólanámi í vor og aðstandendur þeirra fer fram í Salnum mánudaginn 1. mars kl. 17.00. Í tali, tónum og myndum verða kynnt þau hljóðfæri sem kennt er á í skólanum. Forráðamenn eru hvattir til að fjölmenna með börnum sínum.

31. janúar 2004

Tónleikaröð kennara: Tvíblöðungur og píanó

Þriðju tónleikarnir í Tónleikaröð kennara Tónlistarskóla Kópavogs verða haldnir í Salnum þriðjudaginn 10. febrúar nk. kl. 20.00. Þá koma fram Eydís Franzdóttir óbóleikari, Unnur Fadila Vilhelmsdóttir píanóleikari og Kristín Mjöll Jakobsdóttir fagottleikari. Á efnisskrá eru verk eftir Petr Eben, Jean Francaix, Svein Lúðvík Björnsson og Francis Poulenc. Yfirskrift tónleikanna "Tvíblöðungar og píanó" er til komin af því að óbó og fagott tilheyra fjölskyldu tvíblaða-blásturshljóðfæra, þ.e. tónn þeirra myndast þegar blásið er í tvöfalt reyrblað.

Tónlistarskóli Kópavogs vill eindregið hvetja nemendur til að mæta á kennaratónleikana, enda er aðgangur ókeypis fyrir þá, og ekki spillir að sjá aðstandendur og velunnara skólans með í för.

[ Meira ]

20. janúar 2004

Nýr forskólakennari

Nýr forskólakennari, Guðlaug Dröfn Ólafsdóttir, hefur hafið störf við skólann. Hefur hún tekið við kennslu Berglindar Helgu Sigurþórsdóttir sem verður í námsleyfi til loka skólaársins. Er Guðlaug Dröfn boðin hjartanlega velkomin til starfa!

8. janúar 2004

Tónleikaröð kennara: Leikur að læra

		Þriðjudaginn 13. janúar næstkomandi kl. 20:00 verða haldnir tónleikar í Salnum í tónleikaröð kennara Tónlistarskóla Kópavogs. Í þetta sinn eru það Guðrún Birgisdóttir flautuleikari og Kristinn Árnason gítarleikari sem kveða sér hljóðs. Efnisskráin er nokkuð óvenjuleg því þau ætla með aðstoð nemenda úr skólanum að gefa innsýn í þá tónlist sem nemendur eru mikið að fást við í námi sínu í flautu- og gítarleik. Þau leika fyrir hlé verk eftir Gossec, Atla Heimi Sveinsson, Hjálmar H. Ragnarsson, Sor, Fauré o.fl., en eftir hlé leika þau sónötu efir Guiliani og tvö stutt verk eftir Svein Lúðvík Björnsson, en í öðru þeirra leikur Guðrún á altflautu og bassaflautu, hljóðfæri sem skólanum hafa áskotnast nýlega. [ Meira ]