Úr aðalnámskrá tónlistarskóla:

Nemendur

læri og æfist í að setja fram eigin tónhugmyndir, bæði skriflega og leiknar af fingrum fram
læri og þjálfist í að setja saman hefðbundnar eða óhefðbundnar tónsmíðar
FORSÍÐA
SKÓLINN
SKÓLADAGATAL
NÁMIÐ
Hljómsveitir
Samleikur
Tónleikar
Námsmat
Skólareglur
Til foreldra
Samstarfsaðilar
TÓNVER
SKÓLAGJÖLD
KENNARAR
MYNDASAFN
TENGLAR

 

Blokkflauta

Nemendur sem velja sér blokkflautuleik sem aðalnámsgrein leika að jafnaði ýmst á sópranblokkflautu eða altblokkflautu sem aðalhljóðfæri en þegar áleiðis miðar í náminu verður altblokkflautan aðalhljóðfærið. Auk þess kynnast nemendur leik á sópranínó-, tenór og bassablokkflautur. Kennt er á blokkflautur með barokkgripum.

Nám á blokkflautu fer að jafnaði fram í einkatímum, en kennsla í litlum hópum er í boði fyrir byrjendur.

Námsmarkmið

Í aðalnámskrá tónlistarskóla er gerð grein fyrir þeim markmiðum sem nemendur eiga að hafa náð við lok grunnáms, miðnáms og framhaldsnáms í fiðluleik.

Markmið í grunnnámi

Við lok grunnnáms er miðað við að blokkflautunemendur hafi náð eftirfarandi markmiðum:

Nemandi

  • beiti líkamanum á eðlilegan og áreynslulausan hátt þegar leikið er á hljóðfærið
  • leiki með eðlilegri og áreynslulausri handstöðu
  • hafi ná eðlilegri og óþvingaðri munnsetningu
  • beiti jöfnum og markvissum fingrahreyfingum og hafi náð góðri þumalstöðu
  • hafi náð góðum grundvallartökum á tónmyndun á öllu tónsviðinu frá f' til f''' á altblokkflautu eða frá skráðu c' til c''' á sópranblokkflautu
  • hafi náð allgóðum tökum á þindaröndun
  • hafi náð allgóðum tökum á inntónun
  • leiki án vibrato
  • geti gert greinilegan mun á staccato, portato og legato
  • ráði yfir eðlilegri tungutækni miðað við þetta námsstig

Nemandi

  • hafi öðlast allgott hrynskyn
  • geti lesið og leikið án undirbúnings verkefni sambærileg þeim sem fengist var við í fyrri hluta grunnnáms
  • hafi þjálfast reglulega í að leika utanbókar
  • hafi þjálfast reglulega í að leika eftir eyra
  • hafi fengist við skapandi starf frá upphafi námsins
  • hafi þjálfast í ýmiss konar samleik
  • hafi farið yfir viðunandi fjölda verkefna
  • hafi fengist við fjölbreytt úrval verkefna
  • hafi þjálfast reglulega í leik tónstiga og hljóma samkvæmt þessari námskrá
  • hafi undirbúið prófverkefni til flutnings á grunnprófi samkvæmt þessari námskrá

Nemandi sýni eftirfarandi atriði í þeim mæli sem eðlilegt getur talist eftir um það bil þriggja ára nám:

  • tilfinningu fyrir túlkun og hendingamótun
  • blæbrigði og andstæður
  • þekkingu og skilning á stíl
  • tilfinningu fyrir samleik
  • öruggan og sannfærandi leik
  • persónulega tjáningu
  • viðeigandi framkomu

Markmið í miðnámi

Við lok miðnáms þurfa blokkflautunemendur að hafa náð eftirfarandi markmiðum:

Nemandi

  • beiti líkamanum á eðlilegan og áreynslulausan hátt þegar leikið er á hljóðfærið
  • leiki með eðlilegri og áreynslulausri handstöðu
  • hafi tileinkað sér eðlilega og vel þjálfaða munnsetningu
  • beiti jafnri og lipurri fingratækni
  • hafi náð góðum tökum á tónmyndun á öllu tónsviðinu frá f' til g''' á altblokkflautu og skráðu c' til d''' á sópranblokkflautu
  • hafi náð góðum tökum á þindaröndun
  • hafi náð góðum tökum á inntónun
  • geti stillt hljóðfærið við annað hljóðfæri
  • geti gert styrkleikabreytingar vel heyranlegar og andstæður augljósar
  • geti gert skýran greinarmun á staccato, portato og legato
  • ráði yfir allgóðri tungutækni bæði hvað varðar hraða og fjölbreytni í túlkun
  • geti beitt helstu trillufingrasetningum

Nemandi

  • hafi öðlast gott hrynskyn
  • geti lesið og leikið án undirbúnings verkefni sambærileg þeim sem fengist var við í fyrri hluta miðnáms
  • hafi þjálfast í að lesa nótur í F-lykli
  • hafi kynnst grundvallaratriðum skreytitækni
  • hafi þjálfast reglulega í að leika utanbókar
  • hafi þjálfast í ýmiss konar samleik
  • hafi farið yfir viðunandi fjölda verkefna
  • hafi fengist við fjölbreytt úrval verkefna
  • hafi þjálfast reglulega í leik tónstiga og hljóma samkvæmt þessari námskrá
  • hafi undirbúið prófverkefni til flutnings á miðprófi samkvæmt þessari námskrá

Nemanda hafi gefist kostur á að velja hvort og að hversu miklu leyti hann sinnir eftirfarandi atriðum:

  • leik eftir eyra
  • tónsköpun
  • spuna

Nemandi sýni eftirfarandi atriði í þeim mæli sem eðlilegt getur talist eftir sjö til átta ára nám:

  • tilfinningu fyrir túlkun og hendingamótun
  • ýmis blæbrigði og andstæður
  • þekkingu og skilning á stíl
  • tilfinningu fyrir samleik
  • öruggan og sannfærandi leik
  • persónulega tjáningu
  • viðeigandi framkomu

Markmið í framhaldsnámi

Við lok framhaldsnáms þurfa blokkflautunemendur að hafa náð eftirfarandi markmiðum:

Nemandi

  • beiti líkamanum á eðlilegan og áreynslulausan hátt þegar leikið er á hljóðfærið
  • leiki með eðlilegri og áreynslulausri handstöðu
  • hafi tileinkað sér eðlilega og vel þjálfaða munnsetningu
  • beiti lipurri og jafnri fingratækni og ráði yfir talsverðum hraða
  • hafi náð tökum á öruggri og vel þroskaðri tónmyndun á öllu tónsviðinu frá f' til g''' á altblokkflautu og c' til d''' á sópranblokkflautu
  • hafi náð mjög góðum tökum á þindaröndun
  • hafi náð mjög góðum tökum á inntónun
  • geti stillt hljóðfærið við annað hljóðfæri
  • geti leikið hreint, lagfært einstaka tóna og aðlagað inntónun í samleik
  • geti gert styrkleikabreytingar vel heyranlegar og andstæður augljósar
  • geti gert skýran mun á staccato, portato og legato
  • ráði yfir góðri tungutækni bæði hvað varðar hraða og fjölbreytni
  • geti beitt öllum helstu auka- og trillufingrasetningum
  • þekki öll helstu skreytitákn barokktónlistarinnar og geti skreytt sjálfur

Nemandi

  • hafi öðlast mjög gott hrynskyn
  • geti lesið og leikið án undirbúnings verkefni sambærileg þeim sem fengist var við á miðprófi
  • hafi fengið reglulega þjálfun í að leika utanbókar
  • hafi kynnst algengustu hljóðfærum blokkflautufjölskyldunnar
  • geti lesið nótur í F-lykli
  • hafi hlotið þjálfun í ýmiss konar samleik
  • hafi farið yfir viðunandi fjölda verkefna
  • hafi fengist við fjölbreytt úrval verkefna
  • hafi þjálfast reglulega í leik tónstiga og hljóma samkvæmt þessari námskrá
  • hafi undirbúið prófverkefni til flutnings á framhaldsprófi samkvæmt þessari námskrá
  • hafi undirbúið efnisskrá til flutnings á tónleikum samkvæmt almennum hluta aðalnámskrár tónlistarskóla, bls. 41-42

Nemandi sýni með ótvíræðum hætti

  • tilfinningu fyrir túlkun og hendingamótun
  • margvísleg blæbrigði og andstæður
  • þekkingu og skilning á stíl
  • tilfinningu fyrir samleik
  • öruggan og sannfærandi leik
  • persónulega tjáningu
  • viðeigandi framkomu
 
  Einsöngur
Gítar
Harpa
Suzuki-nám
Fiðla
Víóla
Selló
Kontrabassi
Píanó
Orgel
Harmonika
Trompet/Kornett
Básúna
Barítónhorn
Túba
Blokkflauta
Þverflauta
Óbó
Klarínetta
Saxófónn
Tölvutónlist
Tónfræðagreinar
Tónlistarsérkennsla

 

Tónlistarskóli Kópavogs | Tónlistarhúsi Kópavogs | Hamraborg 6 | 200 Kópavogur | Sími 578 5700 | tonlistarskoli@tonlistarskoli.is