Tónlistarskóli Kópavogs


	Velkomin á heimasíðu Tónlistarskóla Kópavogs

FORSÍÐA

SKÓLINN

SKÓLADAGATAL

TILKYNNING UM FORFÖLL

UMSÓKN UM SKÓLAVIST

HOLLVINA-
SAMTÖK TK

ERASMUS+
ERLENT
SAMSTARF

Fréttir og tilkynningar

18. mars 2026

Hljóðfærakynning í Salnum í dag

Á hljóðfærakynningu í Salnum í dag, miðvikudaginn 18. mars, kl. 17 verður námið í skólanum kynnt í tali og tónum. Kynningin er einkum ætluð nemendum sem ljúka námi úr forskóla og blokkflautuhópum í vor og aðstandendum þeirra.

8. mars 2026

Skólatónleikar í Salnum á mánudag

Skólatónleikar verða haldnir í Salnum mánudaginn 9. mars og hefjast þeir kl. 18:30. Aðgangur að tónleikunum er ókeypis og eru allir velkomnir.

18. febrúar 2026

Vetrarfrí og frídagar framundan

Kennsla fellur niður í tónlistarskólanum dagana 18. til 24. febrúar. Annars vegar er um að ræða frídag í samræmi við ákvæði kjarasamninga um styttingu vinnuviku og skipulagsdag og hins vegar vetrarfrí sem fellur á sömu daga og vetrarfrí í grunnskólum bæjarins.

5. febrúar 2026

Opið hús í tónlistarskólanum á laugardaginn

Í tilefni af Degi tónlistarskólanna laugardaginn 7. febrúar, verður opið hús í tónlistarskólanum frá kl. 10:00 til 13:00.

Tónleikar verða á heila og hálfa tímanum frá kl. 10:00-13:00. Boðið verður upp á hljóðfærakynningar frá kl. 11:00-12:00 og hægt verður að kynna sér nám í Tónveri skólans og tónfræðagreinum frá kl. 10:00-13:00.

Nemendur munu flytja tónlistaratriði, hægt verður að prófa hljóðfæri og spjalla við starfsfólk skólans. Allir eru velkomnir, bæði þeir sem stunda nám við skólann og þeir sem vilja kynna sér starfsemina.

Markmiðið með Degi tónlistarskólanna er að vekja athygli á fjölbreyttri og öflugri starfsemi tónlistarskólanna í landinu.

Við vonumst til að sjá ykkur sem flest í tónlistarskólanum á laugardaginn.

30. janúar 2026

Strengir og blásarar í Fella- og Hólakirkju á morgun

Á morgun, laugardaginn 31. janúar, munu strengjaleikarar og málmblásarar úr Sinfóníuhljómsveit tónlistarskólanna halda tónleika í Fella- og Hólakirkju. Sinfóníuhljómsveitin er samstarfsverkefni Tónlistarskóla Garðabæjar, Tónlistarskóla Hafnarfjarðar, Tónlistarskóla Kópavogs og Tónskóla Sigursveins D. Kristinssonar.

Strengjasveitin mun flytja Sinfóníu í F-dúr eftir Wilhelm Friedemann Bach, strengjaútsetningar á fimm armenskum þjóðlögum eftir Komitas og Strengjasinfóníu nr. 10 í h-moll eftir Felix Mendelssohn. Stjórnandi sveitarinnar er Guðmundur Kristmundsson.

Málmblásararnir, undir stjórn Guðmundar Hafsteinssonar, munu leika Dagnýju eftir Sigfús Halldórsson og Ferðalok eftir Kálmán.

Tónleikarnir hefjast kl. 14:00. Aðgangur að þeim er ókeypis og eru allir velkomnir.

23. desember 2025

Jólakveðja

Starfsfólk Tónlistarskóla Kópavogs óskar nemendum, aðstandendum þeirra og velunnurum skólans farsældar á nýju ári og þakkar samstarfið á árinu 2025. Kennsla að loknu jólaleyfi hefst samkvæmt stundaskrá þriðjudaginn 6. janúar 2026.

14. desember 2025

Aðventutónleikar strengjasveita í Salnum

Aðventutónleikar strengjasveita skólans verða haldnir í Salnum á morgun, mánudaginn 15. desember, og hefjast þeir kl. 18:30.

Í skólanum eru þrjár strengjasveitir og leika þær allar á tónleikunum. Stjórnendur eru Fidel Atli Quintero Gasparsson, Valdís Guðrún Gregory og Guðmundur Óli Gunnarsson.

Aðgangur að tónleikunum er ókeypis og eru allir velkomnir.

30. nóvember 2025

Þrennir aðventutónleikar í Salnum í vikunni

Aðventutónleikar verða haldnir í Salnum mánudaginn 1. desember og hefjast þeir kl. 18:30. Miðvikudaginn 3. desember verða tvennir tónleikar, þeir fyrri kl. 18:30 en seinni tónleikarnir byrja kl. 19:30. Aðgangur að tónleikunum er ókeypis og eru allir velkomnir.

30. nóvember 2025

Frábærir forskólatónleikar og fyrirmyndarnemendur á Aðventuhátíð

Í gærmorgun fóru jólatónleikar forskólanemenda fram í Salnum. Sparibúnir forskólanemendur spiluðu og sungu eins og englar og var vel fagnað í lok tónleikanna. Hópur nemenda kom svo fram á aðventuhátíðinni eftir hádegið þar sem þeir léku fyrir gesti á bókasafninu. Allir voru krakkarnir skólanum til sóma.

24. nóvember 2025

Þrennir skólatónleikar í Salnum í vikunni

Tvennir skólatónleikar verða haldnir í Salnum í dag, mánudaginn 24. nóvember. Fyrri tónleikarnir hefjast kl. 18:30 en seinni tónleikarnir byrja kl. 19:30. Miðvikudaginn 26. nóvember heldur rytmíska deildin tónleika í Salnum og hefjast þeir kl. 18:00. Aðgangur að tónleikunum er ókeypis og eru allir velkomnir.

17. nóvember 2025

Skólatónleikar í Digraneskirkju á morgun

Skólatónleikar verða haldnir í Digraneskirkju á morgun, þriðjudaginn 18. nóvember og hefjast þeir kl. 19:00. Aðgangur að tónleikunum er ókeypis og eru allir velkomnir.

16. nóvember 2025

Framhaldsprófstónleikar Höskuldar Tinna Einarssonar

Á morgun, mánudaginn 17. nóvember, kl. 20:00 mun Höskuldur Tinni Einarsson, þverflautuleikari, halda framhaldsprófstónleika sína í Salnum. Á efnisskránni eru verk eftir W. Offermann A. Vivaldi, P. Hindemith, J. Cohen, J. Casterede og I. Clarke.

Meðleikarar Höskuldar Tinna eru Helga Bryndís Magnúsdóttir, píanóleikari, og flautuleikararnir Alma Bergrós Hugadóttir, Anton Pétur Davíðsson, Brynhildur Erla Finnbjörnsdóttir, Embla Einarsdóttir, Guðjón Daníel Bjarnason, Hrefna Vala Kristjánsdóttir og Pamela De Sensi.

Framhaldsprófstónleikar Höskuldar Tinna eru hluti framhaldsprófs hans frá skólanum. Kennari hans er Pamela De Sensi.

Aðgangur að tónleikunum er ókeypis og eru allir velkomnir.

9. nóvember 2025

Skólatónleikar í Salnum á mánudag

Skólatónleikar verða haldnir í Salnum mánudaginn 10. nóvember og hefjast þeir kl. 18:30. Aðgangur að tónleikunum er ókeypis og eru allir velkomnir.

21. október 2025

Vetrarfrí og frídagar framundan

Fimmtudag og föstudag í þessari viku (23. og 24. október) og mánudag og þriðjudag í næstu viku (27. og 28. október) fellur kennsla niður í Tónlistarskólanum. Annars vegar er um að ræða frídag í samræmi við ákvæði kjarasamninga um styttingu vinnuviku og skipulagsdag og hins vegar vetrarfrí sem fellur á sömu daga og vetrarfrí í grunnskólum bæjarins.

19. október 2025

Skólatónleikar í Salnum á mánudag

Skólatónleikar verða haldnir í Salnum mánudaginn 20. október og hefjast þeir kl. 18:30. Aðgangur að tónleikunum er ókeypis og eru allir velkomnir.

15. október 2025

Vel heppnað strengjamót á Akranesi

Strengjamót var haldið á Akranesi um liðna helgi. Þar komu saman um 320 strengjanemendur víðsvegar af landinu, þar af 32 nemendur frá Tónlistarskóla Kópavogs. Dagskrá mótsins var þétt og æfðu nemendur í fimm sveitum alla helgina. Farið var í sund og haldin kvöldvaka á laugardeginum. Dagskrá helgarinnar lauk með glæsilegum tónleikum í íþróttahúsi Akraness. Nemendur TK voru skólanum til sóma og voru til fyrirmyndar í einu og öllu. Við þökkum öllum sem tóku þátt kærlega fyrir frábæra helgi!

11. október 2025

Skólatónleikar í Salnum á mánudag

Skólatónleikar verða haldnir í Salnum mánudaginn 12. október og hefjast þeir kl. 18:30. Aðgangur að tónleikunum er ókeypis og eru allir velkomnir.

5. október 2025

Skólatónleikar í Salnum á morgun

Skólatónleikar verða haldnir í Salnum á morgun mánudaginn 6. október og hefjast þeir kl. 18:30. Aðgangur að tónleikunum er ókeypis og eru allir velkomnir.

1. október 2025

Krílafjör - Námskeið fyrir ungabörn

Tónlistarskóli Kópavogs mun halda námskeið fyrir börn á aldrinum 4 til 16 mánaða og foreldra þeirra. Við munum syngja og spila saman ásamt því að efla taktskyn, málþroska og tóneyra. Námskeiðið hefst mánudaginn 13. október kl. 10:00-10:40 og fer fram í húsnæði Tónlistarskólans, Hamraborg 6.

Kennari er Chrissie Telma Guðmundsdóttir. Hún hefur mikla reynslu af tónlistarkennslu ungra barna. Námskeiðsgjald er 12.000 kr. Skráning á tonlistarskoli@tonlistarskoli.is

19. ágúst 2025

Skólasetning og fyrsti kennsludagur

Skólinn verður settur í Salnum föstudaginn 22. ágúst kl. 16:00. Fyrsti kennsludagur er þriðjudaginn 26. ágúst.

Nemendur eru beðnir um að senda stundaskrár sínar úr almennu skólunum á netfangið tonlistarskoli@tonlistarskoli.is sem allra fyrst eða skila þeim á skrifstofu skólans.

26. maí 2025

Skólaslit

Skólanum verður slitið á morgun, þriðjudaginn 27. maí kl. 17:00, í Salnum. Nemendur og forráðamenn þeirra eru hvattir til að mæta.

25. mai 2025

Framhaldsprófstónleikar Baltasar Darra Samper

Á morgun, mánudaginn 26. maí, kl. 20:00 mun Baltasar Darri Samper, nemandi í Tónverinu, halda tónleika í Salnum. Tónleikarnir eru lokahluti framhaldsprófs hans í raftónlist frá Tónlistarskóla Kópavogs. Á tónleikunum verða flutt fjölbreytt verk eftir Baltasar. Aðgangur að tónleikunum er ókeypis og eru allir velkomnir.

22. maí 2025

Vortónleikar strengjasveita

Í dag, fimmtudaginn 22. maí, verða vortónleikar yngri strengjasveita haldnir í Salnum og hefjast þeir kl. 18:30. Stjórnendur strengjasveitanna eru Fidel Atli Quintero Gasparsson og Valdís Gregory. Aðgangur er ókeypis og allir eru velkomnir.

19. maí 2025

Vortónleikar tónversnemenda

Á morgun, mánudaginn 19. maí, verða vortónleikar tónversnemenda haldnir í Salnum og hefjast þeir kl. 20:00. Á tónleikunum verður frumfluttur fjöldi nýrra tónsmíða nemenda. Aðgangur er ókeypis og allir eru velkomnir.

16. maí 2025

Framhaldsprófstónleikar Brynhildar Erlu Finnbjörnsdóttur í Salnum laugardaginn 17. maí

Á morgun, laugardaginn 17. maí kl. 16:00 mun Brynhildur Erla Finnbjörnsdóttir, þverflautuleikari, halda framhaldsprófstónleika sína í Salnum. Á efnisskránni eru verk eftir D. Cimarosa, J. Cohen, I. Clarke, J.S. Bach og F. Doppler.

Meðleikarar Brynhildar eru Helga Bryndís Magnúsdóttir, píanóleikari, og flautuleikararnir Margrét Stefánsdóttir, Alma Bergrós Hugadóttir, Höskuldur Tinni Einarsson, Hrefna Vala Kristjánsdóttir, Guðjón Daníel Bjarnason, Valgerður Íris Steinarsdóttir og Pamela De Sensi.

Framhaldsprófstónleikar Brynhildar Erlu eru hluti framhaldsprófs hennar frá skólanum. Kennari hennar er Margrét Stefánsdóttir.

Aðgangur að tónleikunum er ókeypis og eru allir velkomnir.

16. maí 2025

Vel heppnaðir tónleikar leikskólabarna

Samstarfi Tónlistarskóla Kópavogs og átta leikskóla úr bænum lauk með glæsilegum tónleikum í Salnum. Um 190 leikskólabörn af elstu deildum leikskólanna komu fram á þrennum tónleikum ásamt 23 nemendum úr forskóla tónlistarskólans og 16 manna nemendahljómsveit skólans. Stjórnendur hljómsveitar og kórs voru þær Valdís Gregory og Auður Guðjohnsen, kennarar tónlistarskólans.

Í aðdraganda tónleikanna lærðu leikskólabörnin lögin og textana hver í sínum skóla með kennurum. Þau komu síðan saman á æfingu með hljómsveitinni í apríl þar sem þau æfðu lögin og fengu kynningu á hljóðfærum frá nemendum tónlistarskólans. Tónleikarnir voru þeir fyrstu þar sem tónlistarskólinn og leikskólar í Kópavogi taka höndum saman og er vonin sú að verkefnið verði árviss viðburður sem nái til allra leikskóla bæjarins.

8. maí 2025

Leikur að orðum - Samstarfsverkefni Tónlistarskóla Kópavogs og leikskóla í Kópavogi

Sem hluta af barnamenningarhátíð hefur Tónlistarskóli Kópavogs boðið átta leikskólum í Kópavogi til samstarfs. Um 190 leikskólabörn af elstu deildum leikskólanna koma fram á tónleikum í Salnum á morgun ásamt hljómsveit nemenda tónlistarskólans. Á tónleikunum munu leikskólabörnin syngja nokkur af þekktustu lögum Braga Valdimars Skúlasonar við undirleik hljómsveitar. Leikskólarnir sem taka þátt að þessu sinni eru Aðalþing, Arnarsmári, Álfaheiði, Efstihjalli, Fagrabrekka, Kópahvoll, Kópasteinn og Urðarhóll.

29. apríl 2025

Tveir frídagar framundan

Ekki verður kennt í skólanum á fimmtudag (1. maí) og föstudag í þessari viku (vinnutímastytting).

12. apríl 2025

Páskaleyfi

Páskaleyfi hefst mánudaginn 14. apríl. Kennsla að loknu páskaleyfi hefst samkvæmt stundaskrá þriðjudaginn 22. apríl. Tónlistarskóli Kópavogs óskar nemendum, forráðamönnum, kennurum og velunnurum skólans gleðilega páska.

6. apríl 2025

Tvennir framhaldsprófstónleikar í Salnum á þriðjudag

Þriðjudaginn 8. apríl kl. 19:00 heldur Alma Bergrós Hugadóttir, þverflautuleikari, framhaldsprófstónleika í Salnum. Á efnisskránni eru verk eftir L. Liebermann, M. Mover, J. Cohen, L. Ganne og I. Clarke. Meðleikarar hennar á tónleikunum eru Helga Bryndís Magnúsdóttir, píanóleikari, Hrefna Vala Kristjánsdóttir, þverflautuleikari og flautuseptett, sem auk Ölmu Bergrósar og Hrefnu Völu, er skipaður þeim Höskuldi Tinna Einarssyni, Guðjóni Daníel Bjarnasyni, Valgerði Íris Steinarsdóttur, Brynhildi Erlu Finnbjörnsdóttur og Pamelu De Sensi.

Síðari tónleikarnir á þriðjudaginn eru framhaldsprófstónleikar Hrefnu Völu Kristjánsdóttur, þverflautuleikara, og hefjast þeir í Salnum kl. 20:30. Á efnisskránni eru verk eftir J. Huylebroeck, C. Reinecke, J. Cohen, E. Varese, F. Borne og I. Clarke. Meðleikararar Hrefnu Völu á tónleikunum eru Sólborg Valdimarsdóttir, píanóleikari, Alma Bergrós Hugadóttir, þverflautuleikari og félagar úr flautuseptettinum sem fyrr er getið .

Framhaldsprófstónleikar Ölmu Bergrósar og Hrefnu Völu eru hluti framhaldsprófs þeirra frá skólanum. Kennari þeirra beggja er Pamela De Sensi.

Aðgangur að tónleikunum er ókeypis og eru allir velkomnir.

6. apríl 2025

Hljóðfærakynning í Salnum á þriðjudag

Á hljóðfærakynningu í Salnum þriðjudaginn 8. april verður námið í skólanum kynnt í tali og tónum. Kynningin er einkum ætluð nemendum sem ljúka námi úr forskóla og blokkflautuhópum í vor og aðstandendum þeirra.

6. apríl 2025

Skólatónleikar í Salnum á morgun

Skólatónleikar verða haldnir í Salnum á morgun mánudaginn 7. apríl og hefjast þeir kl. 19:00. Aðgangur að tónleikunum er ókeypis og eru allir velkomnir.

1. apríl 2025

Tvennir skólatónleikar í Salnum á morgun

Tvennir skólatónleikar verða haldnir í Salnum á morgun miðvikudaginn 2. apríl. Fyrri tónleikarnir hefjast kl. 18:00 en þeir seinni kl. 19:15. Aðgangur að tónleikunum er ókeypis og eru allir velkomnir.

30. mars 2025

Tvennir skólatónleikar í Salnum á morgun

Tvennir skólatónleikar verða haldnir í Salnum á morgun mánudaginn 31. mars. Fyrri tónleikarnir hefjast kl. 19:00 en þeir seinni kl. 20:15. Aðgangur að tónleikunum er ókeypis og eru allir velkomnir.

23. mars 2025

Þrennir skólatónleikar í Salnum í vikunni

Tvennir skólatónleikar verða haldnir í Salnum á morgun mánudaginn 24. mars. Fyrri tónleikarnir hefjast kl. 19:00 en þeir seinni kl. 20:15. Á þriðjudaginn 25. mars verða skólatónleikar í Salnum sem hefjast kl. 18:00. Aðgangur að öllum tónleikunum er ókeypis og eru allir velkomnir.

16. mars 2025

Skólatónleikar í Salnum á mánudag

Skólatónleikar verða haldnir í Salnum á morgun mánudaginn 17. mars og hefjast þeir kl. 19:00. Aðgangur að tónleikunum er ókeypis og eru allir velkomnir.

9. mars 2025

Skólatónleikar í Salnum á mánudag

Skólatónleikar verða haldnir í Salnum á morgun mánudaginn 10. mars og hefjast þeir kl. 19:00. Aðgangur að tónleikunum er ókeypis og eru allir velkomnir.

21. febrúar 2025

Frídagar í næstu viku

Dagana 24. og 25. febrúar er vetrarfrí í tónlistarskólanum. Miðvikudagurinn 26. febrúar og fimmtudagurinn 27. febrúar eru einnig frídagar vegna ákvæðis um vinnutímastyttingu samkvæmt kjarasamningi tónlistarskólakennara.

16. febrúar 2025

Skólatónleikar í Salnum á mánudag og þriðjudag

Skólatónleikar verða haldnir í Salnum á morgun mánudaginn 17. febrúar og hefjast þeir kl. 19:00. Á þriðjudaginn 18. febrúar verða einnig skólatónleikar og hefjast þeir kl. 18:00. Aðgangur að tónleikunum er ókeypis og eru allir velkomnir.

15. febrúar 2025

Framhaldsprófstónleikar Brynju Finsen í Salnum sunnudaginn 16. febrúar

Á morgun, sunnudaginn 16. febrúar kl. 13:30 mun Brynja Finsen, píanóleikari, halda framhaldsprófstónleika sína í Salnum. Tónleikarnir eru síðasti hluti framhaldsprófs hennar frá skólanum. Á efnisskránni eru verk eftir Philip Glass, Ludwig van Beethoven, George Gershwin, Isaac Albéniz og Antonín Dvořák. Félagar úr Flautukór Tónlistarskóla Kópavogs undir stjórn Pamelu De Sensi munu leika með Brynju í lokaverkinu á tónleikunum. Aðgangur að tónleikunum er ókeypis og er allir velkomnir.

9. febrúar 2025

Skólatónleikar í Salnum á mánudag

Skólatónleikar verða haldnir í Salnum á morgun mánudaginn 10. febrúar og hefjast þeir kl. 19:00. Aðgangur að tónleikunum er ókeypis og eru allir velkomnir.

5. febrúar 2025

Lokað vegna veðurs

Vegna þess veðurs sem spáð er síðari hluta dags í dag og á morgun verður skólanum lokað og kennsla felld niður frá kl. 15:30 í dag, miðvikudag, til kl. 13:00 á morgun.

26. janúar 2025

Skólatónleikar í Salnum á mánudag

Skólatónleikar verða haldnir í Salnum á morgun mánudaginn 27. janúar og hefjast þeir kl. 19:00. Aðgangur að tónleikunum er ókeypis og eru allir velkomnir.

19. janúar 2025

Skólatónleikar í Salnum á mánudag

Skólatónleikar verða haldnir í Salnum á morgun mánudaginn 20. janúar og hefjast þeir kl. 19:00. Aðgangur að tónleikunum er ókeypis og eru allir velkomnir.


Fréttir 2024	Fréttir 2023	Fréttir 2022	Fréttir 2021
Fréttir 2020	Fréttir 2019	Fréttir 2018	Fréttir 2017
Fréttir 2016	Fréttir 2015	Fréttir 2014	Fréttir 2013
Fréttir 2012	Fréttir 2011	Fréttir 2010	Fréttir 2009
Fréttir 2008	Fréttir 2007	Fréttir 2006	Fréttir 2005
Fréttir 2004	Fréttir 2003

Efst á síðu

Tónskáld vikunnar

Carl Philipp Emanuel Bach

Carl Philipp Emanuel Bach fæddist í Weimar 8. mars 1714 og var næstelsti sonur J. S. Bach. Hann sýndi óvenjulega tónlistarhæfileika en þar sem hann var örvhentur reyndist honum erfitt að leika á fiðlu og því sneri hann sér þess í stað að semballeik. Faðir hans var eini kennari hans og kenndi honum hljómborðsleik og tónsmíðar. Carl Philipp Emanuel gerðist síðar forgöngumaður hins nýja hljóðfæris "fortepiano". Hann lærði um tíma lögfræði en gerðist síðan semballeikari hjá Friðriki mikla, þáverandi krónprinsi Prússlands, og starfaði hjá honum í 27 ár, þar til að hann tók við stöðu guðföður síns, Georg Philipp Telemanns, sem tónlistarstjóri Hamborgar. Þetta var ein eftirsóttasta tónlistarstaða í öllu Þýskalandi og hlutverk hans var að hafa umsjón með tónlistinni í helstu kirkjum Hamborgar og halda opinbera tónleika. Carl Philipp Emanuel Bach gegndi þessari stöðu þar til hann lést 14. desember 1788.
Carl Philipp Emanuel Bach var mjög mikilsmetið tónskáld og Haydn, Mozart og Beethoven litu allir á hann sem lærimeistara sinn. Árið 1753 gaf hann út bókina "Listin að spila á hljómborðshljóðfæri" sem hefur verið vinsæl allt fram á þennan dag.
Meðal helstu tónverka C. P. E. Bach eru sex sinfóníur, konsertar fyrir ýmis hljóðfæri og mikill fjöldi tónverka fyrir hljómborðshljóðfæri.