Barítónhorn

Í aðalnámskrá tónlistarskóla er gerð grein fyrir þeim markmiðum sem nemendur eiga að hafa náð við lok grunnáms, miðnáms og framhaldsnáms á barítónhorn. 

Markmið í grunnnámi

Við lok grunnnáms eiga nemendur á barítónhorn að hafa náð eftirfarandi markmiðum:

Nemandi

• beiti líkamanum á eðlilegan hátt þegar leikið er á hljóðfærið
• haldi rétt á hljóðfærinu og noti fingurgóma á ventlana
• beiti jöfnum og markvissum fingrahreyfingum
• hafi náð allgóðum tökum á eðlilegri og djúpri öndun
• hafi náð góðri og eðlilegri munnsetningu
• hafi náð góðum grundvallartökum á tónmyndun á öllu tónsviðinu frá a til g'' í G-lykli eða G til f' í F-lykli
• hafi náð allgóðum tökum á inntónun
• geti gert styrkleikabreytingar vel heyranlegar
• ráði yfir eðlilegri tungutækni miðað við þetta námsstig
• geti leikið bundið og með tungu

Nemandi

• hafi öðlast allgott hrynskyn
• geti lesið og leikið án undirbúnings verkefni sambærileg þeim sem fengist var við í fyrri hluta grunnnáms
• hafi þjálfast reglulega í að leika utanbókar
• hafi þjálfast reglulega í að leika eftir eyra
• hafi fengist við skapandi starf frá upphafi námsins
• hafi þjálfast í ýmiss konar samleik, bæði í stærri og minni hópum
• hafi farið yfir viðunandi fjölda verkefna
• hafi fengist við fjölbreytt úrval verkefna
• hafi þjálfast reglulega í leik tónstiga og hljóma samkvæmt þessari námskrá
• hafi undirbúið prófverkefni til flutnings á grunnprófi samkvæmt þessari námskrá

Nemandi sýni eftirfarandi atriði í þeim mæli sem eðlilegt getur talist eftir um það bil þriggja ára nám:

• tilfinningu fyrir túlkun og hendingamótun
• blæbrigði og andstæður
• þekkingu og skilning á stíl
• tilfinningu fyrir samleik
• öruggan og sannfærandi leik
• persónulega tjáningu
• viðeigandi framkomu

Markmið í miðnámi

Við lok miðnáms eiga nemendur á barítónhorn að hafa náð eftirfarandi markmiðum:

Nemandi

• beiti líkamanum á eðlilegan hátt þegar leikið er á hljóðfærið
• beiti öruggum og markvissum fingrahreyfingum
• hafi náð góðum tökum á eðlilegri og djúpri öndun
• hafi náð eðlilegri og vel þjálfaðri munnsetningu
• hafi náð góðum tökum á tónmyndun á öllu tónsviðinu frá g til h'' í G-lykli eða F til a' í F-lykli
• hafi hlotið þjálfun sem miði að góðu úthaldi
• hafi náð góðum tökum á inntónun
• geti stillt hljóðfærið við annað hljóðfæri
• ráði yfir töluverðu styrkleikasviði og geti gert andstæður augljósar
• ráði yfir góðri tungutækni bæði hvað varðar hraða og fjölbreytni í túlkun
• hafi hlotið nokkra þjálfun í notkun tvöfaldrar og þrefaldrar tungu
• hafi gott vald á að leika bundið og með tungu
• geti leikið varabindingar á sama gripi, þ.e. náttúrutónabindingar

Nemandi

• hafi öðlast gott hrynskyn
• geti lesið og leikið án undirbúnings verkefni sambærileg þeim sem fengist var við í fyrri hluta miðnáms
• sem allajafna les nótur í G-lykli hafi hlotið nokkra þjálfun í nótnalestri í F-lykli
• sem allajafna les nótur í F-lykli hafi hlotið nokkra þjálfun í nótnalestri í G-lykli
• hafi þjálfast reglulega í að leika utanbókar
• hafi þjálfast í ýmiss konar samleik, bæði í stærri og minni hópum
• hafi farið yfir viðunandi fjölda verkefna
• hafi fengist við fjölbreytt úrval verkefna
• hafi þjálfast reglulega í leik tónstiga og hljóma samkvæmt þessari námskrá
• hafi undirbúið prófverkefni til flutnings á miðprófi samkvæmt þessari námskrá

Nemanda hafi gefist kostur á að velja hvort og að hversu miklu leyti hann sinnir eftirfarandi atriðum:

• leik eftir eyra
• tónsköpun
• spuna

Nemandi sýni eftirfarandi atriði í þeim mæli sem eðlilegt getur talist eftir um það bil sjö til átta ára nám:

• tilfinningu fyrir túlkun og hendingamótun
• ýmis blæbrigði og andstæður
• þekkingu og skilning á stíl
• tilfinningu fyrir samleik
• öruggan og sannfærandi leik
• persónulega tjáningu
• viðeigandi framkomu

Markmið í framhaldsnámi

Við lok framhaldsnáms eiga nemendur á barítónhorn að hafa náð eftirfarandi markmiðum:

Nemandi

• beiti líkamanum á eðlilegan hátt þegar leikið er á hljóðfærið
• beiti jafnri og lipurri fingratækni og ráði yfir talsverðum hraða
• hafi náð mjög góðum tökum á eðlilegri og djúpri öndun
• beiti eðlilegri og vel þjálfaðri munnsetningu
• hafi náð góðum tökum á öruggri og þroskaðri tónmyndun á öllu tónsviðinu frá fís til c''' í G-lykli eða E til b' í F-lykli
• hafi náð góðu úthaldi
• hafi náð mjög góðum tökum á inntónun
• geti stillt hljóðfærið við annað hljóðfæri
• leiki hreint og geti aðlagað inntónun í samleik
• hafi náð góðum tökum á vibrato og noti það smekklega
• ráði yfir víðu styrkleikasviði hvar sem er á tónsviði hljóðfærisins
• ráði yfir mjög góðri tungutækni bæði hvað varðar hraða og fjölbreytni
• ráði yfir leikni í notkun tvöfaldrar og þrefaldrar tungu
• geti leikið varabindingar á sama gripi á öllu tónsviðinu, þ.e. náttúrutónabindingar
• geti leikið trillur og skrautnótur í samræmi við tónbókmenntir þessa námsáfanga

Nemandi

• hafi öðlast mjög gott hrynskyn
• geti lesið og leikið án undirbúnings verkefni sambærileg þeim sem fengist var við á miðprófi
• sem allajafna les nótur í G-lykli ráði yfir töluverðri færni í nótnalestri í F-lykli
• sem allajafna les nótur í F-lykli ráði yfir töluverðri færni í nótnalestri í G-lykli
• hafi hlotið nokkra þjálfun í nótnalestri í tenórlykli
• hafi fengið reglulega þjálfun í að leika utanbókar
• hafi hlotið þjálfun í ýmiss konar samleik, bæði í stærri og minni hópum
• hafi farið yfir viðunandi fjölda verkefna
• hafi fengist við fjölbreytt úrval verkefna
• hafi þjálfast reglulega í leik tónstiga og hljóma samkvæmt þessari námskrá
• hafi undirbúið prófverkefni til flutnings á framhaldsprófi samkvæmt þessari námskrá
• hafi undirbúið efnisskrá til flutnings á tónleikum samkvæmt almennum hluta aðalnámskrár, bls. 41-42

Nemandi sýni með ótvíræðum hætti

• tilfinningu fyrir túlkun og hendingamótun
• margvísleg blæbrigði og andstæður
• þekkingu og skilning á stíl
• tilfinningu fyrir samleik
• öruggan og sannfærandi leik
• persónulega tjáningu
• viðeigandi framkomu