Kontrabassi

Í aðalnámskrá tónlistarskóla er gerð grein fyrir þeim markmiðum sem nemendur eiga að hafa náð við lok grunnáms, miðnáms og framhaldsnáms á kontrabassa.

Markmið í grunnnámi

Við lok grunnnáms eiga kontrabassanemendur að hafa náð eftirfarandi markmiðum:

Nemandi

• beiti líkamanum á eðlilegan og áreynslulausan hátt þegar leikið er á hljóðfærið
• haldi rétt á hljóðfærinu
  hafi náð tökum á góðu og öruggu bogagripi
• beiti boganum á eðlilegan og áreynslulausan hátt
• hafi náð tökum á eðlilegri stöðu vinstri handar
• leiki með markvissum og jöfnum fingrahreyfingum
• hafi náð allgóðum tökum á mismunandi bogastrokum, þ.e. detaché, staccato, legato og martelé
• hafi náð allgóðum tökum á pizzicato
• hafi náð góðum tökum á tónmyndun í stillingum 1/2-8 (að F á G-streng)
• hafi náð góðum tökum á tónmyndun á neðra tónsviði að F
• hafi náð allgóðum tökum á inntónun
• hafi nokkur tök á vibrato
• geti leikið með greinilegum styrkleikabreytingum
• hafi náð grundvallartökum á að stilla hljóðfæri sitt sjálfur

Nemandi

• hafi öðlast allgott hrynskyn
• geti lesið og leikið án undirbúnings verkefni sambærileg þeim sem fengist var við í fyrri hluta grunnnáms
• hafi þjálfast reglulega í að leika utanbókar
• hafi þjálfast reglulega í að leika eftir eyra
• hafi fengist við skapandi starf frá upphafi námsins
• hafi þjálfast í ýmiss konar samleik
• hafi farið yfir viðunandi fjölda verkefna
• hafi fengist við fjölbreytt úrval verkefna
• hafi á valdi sínu krómatískan tónstiga á tónsviðinu frá lausum E-streng að F á G-streng
• hafi á valdi sínu eftirtalda dúrtónstiga og þríhljóma, eina áttund: G, B, C, D, Es, As, Des
• hafi á valdi sínu eftirtalda dúrtónstiga og þríhljóma, tvær áttundir: E, F
• hafi á valdi sínu eftirtalda hljómhæfa og laghæfa molltónstiga ásamt þríhljómum, eina áttund: a, b, c, d, g
• hafi á valdi sínu eftirtalda hljómhæfa og laghæfa molltónstiga ásamt þríhljómum, tvær áttundir: e, f
• hafi undirbúið prófverkefni til flutnings á grunnprófi samkvæmt þessari námskrá

Nemandi sýni eftirfarandi atriði í þeim mæli sem eðlilegt getur talist við lok grunnnáms:

• tilfinningu fyrir túlkun og hendingamótun
• blæbrigði og andstæður
• þekkingu og skilning á stíl
• tilfinningu fyrir samleik
• öruggan og sannfærandi leik
• persónulega tjáningu
• viðeigandi framkomu

Markmið í miðnámi

Við lok miðnáms eiga kontrabassanemendur að hafa náð eftirfarandi markmiðum:

Nemandi

• beiti líkamanum á eðlilegan og áreynslulausan hátt þegar leikið er á hljóðfærið
• haldi eðlilega á hljóðfærinu og boganum
• hafi náð tökum á góðu og öruggu bogagripi
• hafi gott vald á bogatækni, þ. á m. spiccato, ricochet og sautillé
• hafi náð góðum tökum á pizzicato
• hafi náð tökum á mjúkum bogaskiptum
• hafi náð tökum á jöfnum strengjaskiptum
• hafi náð tökum á markvissri og eðlilegri stöðu vinstri handar
• hafi náð tökum á hnitmiðaðri fingratækni
• hafi náð góðum tökum á tónmyndun á öllu tónsviðinu frá ,E að d (í þumalstillingu á G-streng)
• hafi náð góðum tökum á inntónun
• hafi allgóð tök á vibrato
• geti gert styrkleikabreytingar og andstæður augljósar
• geti stillt hljóðfæri sitt sjálfur

Nemandi

• hafi öðlast gott hrynskyn
• geti lesið og leikið án undirbúnings verkefni sambærileg þeim sem fengist var við í fyrri hluta miðnáms
• hafi þjálfast reglulega í að leika utanbókar
• hafi þjálfast í ýmiss konar samleik, þ.m.t. hljómsveitarleik og kammertónlist
• hafi farið yfir viðunandi fjölda verkefna
• hafi fengist við fjölbreytt úrval verkefna
  hafi á valdi sínu krómatískan tónstiga frá lausum E-streng að d í þumalstillingu á G-streng
• krómatískan tónstiga geti leikið alla dúr- og molltónstiga, hljómhæfa og laghæfa, ásamt þríhljómum, tvær áttundir nema Dís/Es-dúr eina áttund
• hafi undirbúið prófverkefni til flutnings á miðprófi samkvæmt þessari námskrá

Nemanda hafi gefist kostur á að velja hvort og að hversu miklu leyti hann sinnir eftirfarandi atriðum:

• leik eftir eyra
• tónsköpun
• spuna

Nemandi sýni eftirfarandi atriði í þeim mæli sem eðlilegt getur talist við lok miðnáms:

• tilfinningu fyrir túlkun og hendingamótun
• ýmis blæbrigði og andstæður
• þekkingu og skilning á stíl
• tilfinningu fyrir samleik
• öruggan og sannfærandi leik
• persónulega tjáningu
• viðeigandi framkomu

Markmið í framhaldsnámi

Við lok framhaldsnáms eiga kontrabassanemendur að hafa náð eftirfarandi markmiðum:

Nemandi

• beiti líkamanum á eðlilegan og áreynslulausan hátt þegar leikið er á hljóðfærið
• hafi náð tökum á eðlilegri og vel þjálfaðri stöðu beggja handa og samhæfðum hreyfingum
• ráði yfir nákvæmri og öruggri bogatækni
• hafi náð tökum á góðri og öruggri vinstrihandartækni
• beiti lipurri og jafnri fingratækni og ráði yfir talsverðum hraða
• ráði yfir þjálum bogaskiptum, strengjaskiptum og stillingaskiptum
• hafi náð tökum á góðri tónmyndun á öllu tónsviðinu
• hafi náð mjög góðum tökum á inntónun
• hafi náð góðum tökum á vibrato og noti það með hliðsjón af stíl
• ráði yfir víðu styrkleikasviði hvar sem er á tónsviði hljóðfærisins

Nemandi

• hafi öðlast mjög gott hrynskyn
• geti lesið og leikið án undirbúnings verkefni sambærileg þeim sem fengist var við á miðprófi
• ráði yfir talsverðum hraða
• hafi fengið reglulega þjálfun í að leika utanbókar
• hafi hlotið þjálfun í ýmiss konar samleik, þ.m.t. hljómsveitarleik og kammertónlist
• hafi farið yfir viðunandi fjölda verkefna
• hafi fengist við fjölbreytt úrval verkefna
• hafi á valdi sínu krómatískan tónstiga, þrjár áttundir á tónsviðinu ,E til c'
• geti leikið alla dúrtónstiga, hljómhæfa og laghæfa molltónstiga ásamt þríhljómum, þrjár áttundir á tónsviðinu ,E til c'
• hafi undirbúið prófverkefni til flutnings á framhaldsprófi samkvæmt þessari námskrá
• hafi undirbúið efnisskrá til flutnings á tónleikum samkvæmt almennum hluta aðalnámskrár, bls. 41-42

Nemandi sýni með ótvíræðum hætti

• tilfinningu fyrir túlkun og hendingamótun
• margvísleg blæbrigði og andstæður
• þekkingu og skilning á stíl
• tilfinningu fyrir samleik
• öruggan og sannfærandi leik
• persónulega tjáningu
• viðeigandi framkomu